அரசு ஊழியர்களுக்கு அகவிலைப்படி 7 சதவீதம் உயர்வு

**சிவா** · **சிவா** Sat Oct 11, 2014 3:59 am

சென்னை, அக்.11 - தமிழ்நாடு அரசு ஊழியர்கள், ஆசிரியர்களுக்கான அகவிலைப்படியை 7 சதவீதம் உயர்த்திட அரசு முடிவு செய்துள்ளதாக முதல்வர் ஓ.பன்னீர்செல்வம் தெரிவித்துள்ளார். இது ஜூலை மாதம் முதல் முன்தேதியிட்டு கணக்கிட்டு வழங்கப்படும். ஓய்வூதிய தாரர்கள், குடும்ப ஓய்வூதிய தாரர்களுக்கும் அகவிளைப்படி உயர்வு வழங்கப்படும்.

இதுதொடர்பாக முதல்வர் ஓ.பன்னீர்செல்வம் வெளியிட்டுள்ள அறிக்கையில் கூறியிருப்பதாவது:

மக்கள் பணியாற்றும் அரசு ஊழியர்களையும், கல்வி போதிக்கும் ஆசிரியர்களையும் ஊக்கப்படுத்தும் வகையில் பல்வேறு சலுகைகளை வழங்கியதோடு, மத்திய அரசுக்கு இணையான அகவிலைப்படியை மாநில அரசு ஊழியர்களுக்கும் அவ்வப்போது தமிழக அரசு வழங்கி வந்துள்ளது.

அந்தவகையில், மத்திய அரசு ஊழியர்களுக்கான அகவிலைப்படியை 1.7.2014 முதல் அவர்களுடைய அடிப்படை ஊதியம் மற்றும் தர ஊதியத்தில் ஏழு விழுக்காடு, அதாவது 100 விழுக்காடிலிருந்து 107 விழுக்காடாக உயர்த்தி மத்திய அரசு வழங்கியுள்ளது போல், தமிழ்நாடு அரசு ஊழியர்கள் மற்றும் ஆசிரியர்களுக்கான அகவிலைப்படியையும், அவர்களது அடிப்படை ஊதியம் மற்றும் தர ஊதியத்தில் 7 விழுக்காடு உயர்த்திட முடிவு செய்துள்ளது.

இந்த அகவிலைப்படி உயர்வு உள்ளாட்சி நிறுவனங்கள் மற்றும் அரசு மானியம் பெறும் கல்வி நிறுவனங்களில் பணிபுரியும் அலுவலர்கள், ஆசிரியர்கள், வருவாய்த் துறையில் பணிபுரியும் கிராம உதவியாளர்கள், அங்கன்வாடி மற்றும் சத்துணவு ஊழியர்கள், ஊராட்சி உதவியாளர், எழுத்தர், ஓய்வூதியம் மற்றும் குடும்ப ஓய்வூதியம் பெறுவோர் மற்றும் வழக்கமாக அகவிலைப்படி அளிக்கப்படும் அனைவருக்கும் பொருந்தும்.

இதனால் அரசு ஊழியர்கள், ஆசிரியர்கள், ஓய்வூதியம் மற்றும் குடும்ப ஓய்வூதியம் பெறுவோர் என சுமார் 18 லட்சம் பேர் பயனடைவார்கள். இந்த அதிகரிக்கப்பட்ட அகவிலைப்படி 1.7.2014 முதல் கணக்கிடப்பட்டு ரொக்கமாக வழங்கப்படும்.

இந்த அகவிலைப்படி உயர்வு மூலம் அரசுக்கு ஆண்டொன்றுக்கு 1,558 கோடியே 97 லட்சம் ரூபாய் செலவு ஏற்படும்" இவ்வாறு முதல்வர் தெரிவித்துள்ளார்.

**ayyasamy ram** · **ayyasamy ram** Sat Oct 11, 2014 7:25 am

100 க்கு 110 வாங்கிய தரமான மாணவன்
மாதிரி..!
-
100 க்கு 107 விழுக்காடு வரை பஞ்சப்படி
உயர்ந்துள்ளது...
-
நல்ல வளர்ச்சி....!!

சிவனாசான் · சிவனாசான் Sat Oct 11, 2014 7:41 am

தமிழக அரசுக்கு அரசு ஊதியம் பெறுவோர் நன்றி சொல்வோம்.....

சிவனாசான் · சிவனாசான் Sat Oct 11, 2014 7:45 am

வியாபாரிகள் பேரம் பேசும்போது நூற்றுக்கு நூற்று பத்து என்பார்களே அதைப்போல 100ரூ சம்பளம் எனில் 107ரூ அகவிலைப்படி என்பதாக உள்ளதே....விலைவாசி எப்போ குறையுமோ ...!!!....????

**ayyasamy ram** · **ayyasamy ram** Sat Oct 11, 2014 7:46 am

அப்படியே நினைவில் வாழும் எம்.ஜி.ஆருக்கும்
-
அரசு ஊழியர்களுக்கு அகவிலைப்படி 7 சதவீதம் உயர்வு Z75jr7QQRqq1LGZ8HEaw+mgr

-
அவர்தான் மத்திய அரசு பஞ்சப்படியை உயர்த்தியதும்
தமிழக அரசும் அதே அளவில் குறையாது பஞ்சப்படியை
உயர்த்தும் நடைமுறையைக் கொண்டு வந்தவர்...!!
-

**ayyasamy ram** · **ayyasamy ram** Sat Oct 11, 2014 7:51 am

1972 ம் ஆண்டு, இளநிலை உதவியாளருக்கு
அடிப்படை ஊதியம் ரூ 90
அகவிலைப்படி ரூ 98
-
அப்போது புதிய சம்பள விகிதத்தில் பஞ்சப்படியை
இணைத்து அடிப்படை சம்பளம் ரூ 200 ம் அகவிலைப்படி
ரூ 15 என்றும் நிர்ணயிக்கப்பட்டது...
-
மத்திய அரசு ஒவ்வொரு அரையாண்டுக்கும் அகவிலைப்படியை
உயர்த்தினாலும் தமிழக அரசு உடனே உயர்த்தாது....
-
மூன்று அல்லது நான்கு அரையாண்டுக்கு பின்னர்
ஏற்ற வேண்டிய விகிதாசாரத்தில் கொஞ்சம் குறைத்து
வழங்குவார்கள்....
-
இதனை எதிர்க்காத வகையில், அப்போதைய அரசு,
அரசு ஊழியர்கள் சங்க நிர்வாகிகளை கவனித்துக் கொள்வார்கள்...
-
இந்த நடைமுறையை மாற்றியவர் முன்னாள் முதல்வர்
எம்.ஜி.ஆர்
-