'டாம்பன்' உபயோகிக்கலாமா?

by **krishnaamma** Thu Oct 09, 2014 2:07 pm

சகல விஷயங்களிலும் மேற்கத்திய நாகரிகத்தைப் பின்பற்றவிரும்புகிறார்கள் இன்றைய இளம் பெண்கள். அந்த லிஸ்ட்டில் லேட்டஸ்ட் டாம்பன் (tampon) உபயோகிப்பது. மாதவிலக்கு நாட்களின் போது உபயோகிக்கிற நாப்கின்களுக்கு மாற்று இது.

சானிட்டரி நாப்கினை போல இது தட்டையாக இல்லாமல், உருளை வடிவில், உறுப்பினுள் செருகிக் கொள்ளும்படி இருக்கும். மேலை நாடுகளில் திருமணத்துக்கு முன்பான செக்ஸ் சகஜம் என்பதால் அங்குள்ள பெண்கள் டாம்பன் உபயோகிக்கத் தயங்குவதில்லை.

நம்மூரில் சமீப காலம் வரை அதிகம் புழக்கத்தில் இல்லாமலிருந்த டாம்பன், மேல் தட்டுப் பெண்கள் மத்தியில் மெதுவாகப் பரவ ஆரம்பித்திருக்கிறது. டாம்பன் உபயோகிப்பதில் உள்ள சாதக, பாதகங்கள், உபயோகிப்பவர்கள் கவனத்தில் கொள்ள வேண்டிய விஷயங்கள் என எல்லாவற்றையும் விளக்கமாகச் சொல்கிறார் மருத்துவர் நிவேதிதா.

‘‘டாம்பன் என்பது பஞ்சு உருளை போன்று இருக்கும். மாதவிலக்கின் போது, இதை பெண்ணுறுப்பினுள் செருகிக் கொள்ள வேண்டும். சாதாரண சானிட்டரி நாப்கின் உபயோகிக்கும் போது, ரத்தப் போக்கு அதிகமாகி, நாப்கின் நனைந்து விட்டால், ரத்தக் கசிவு வெளியே வரும். ஆனால், டாம்பனில் அந்தப் பிரச்னை இல்லை. வெளியேறும் ரத்தம் முழுவதையும் அது உறிஞ்சிக் கொள்ளும்.

திருமணமாகாத பெண்கள் இதை உபயோகிப்பது குறித்து நம்மூரில் ஒரு தயக்கம் நிலவுகிறது. டாம்பன் உபயோகித்தால் கன்னித்தன்மை பாதிக்கப்படுமா என்பதே பலரின் கேள்வியும். டாம்பன் என்பது சின்ன சைஸ் மெழுகுவர்த்தி போன்றுதான் இருக்கும். அதை உபயோகிப்பதால் கன்னி சவ்வு கிழிய வாய்ப்பில்லை. தவிர, தரமான நிறுவனத்தயாரிப்புகளை உபயோகிக்கிற போது, இந்த பயம் தேவையில்லை.

நாப்கின் உபயோகிக்கிற போது செய்ய முடியாத நீச்சல் போன்ற சில வேலைகளை, டாம்பன் உபயோகிக்கும் போது செய்யலாம். டாம்பனை அகற்றாமல் குளிக்கலாம். சிறுநீர் கழிக்கலாம். எந்த அசவுகரியமும் இருக்காது. இத்தனை நன்மைகள் இருந்தாலும், டாம்பன் உபயோகிக்கும் போது சில விஷயங்களை கவனத்தில் கொள்ள வேண்டும்.

*பூப்பெய்திய பிறகுதான் டாம்பன் உபயோகிக்கத் தொடங்க வேண்டும்.

* மிகக் குறைவான ரத்தப் போக்கு அல்லது ரத்தத் திட்டுகளுக்கு டாம்பன் உபயோகிப்பதைத் தவிர்க்கவும்.

* உறுப்பினுள் அதை சரியாகப் பொருத்திக் கொள்ளப் பழக வேண்டும். சரியாகப் பொருத்தாதபோது, நடக்கும் போதும், நிற்கும் போதும் கால்களுக்கு இடையில் ஒருவித தர்மசங்கடத்தை உணர்வார்கள்.

* நாப்கினை போல இது நனைந்து, புதிய நாப்கின் மாற்ற வேண்டிய அவசரத்தை உணர்த்துவதில்லை என்பதால், பல மணி நேரத்துக்கு உள்ளே இருக்க வாய்ப்புண்டு. அது மிகவும் தவறு. குறிப்பிட்ட சில மணி நேரத்துக்கு ஒரு முறை டாம்பனை மாற்ற வேண்டியது அவசியம்.

* டாம்பனின் வெளிப்பக்கத்தில் ஒரு நூல் இணைக்கப்பட்டிருக்கும். அதைப் பிடித்து வெளியே இழுத்தால் டாம்பன் வெளியே வந்துவிடும்.

* பல மணி நேரம் மாற்றாமல் வைத்திருக்கும் போது, டாம்பன் உபயோகத்தால் இன்ஃபெக்ஷன் வரலாம். அதன் விளைவாக காய்ச்சல் மற்றும் கெட்ட வெள்ளைப் போக்கு ஏற்படலாம். சரியான நேரத்தில் கண்டு பிடித்து சிகிச்சை அளிக்கப்படாவிட்டால், அது வளர்ந்து, அசாதாரணமாகி,மற்ற தொற்றுக்களை வரவழைக்கவும் காரணமாகலாம்.

நன்றி : தினகரன்

by **krishnaamma** Thu Oct 09, 2014 2:17 pm

// பல மணி நேரம் மாற்றாமல் வைத்திருக்கும் போது, டாம்பன் உபயோகத்தால் இன்ஃபெக்ஷன் வரலாம். அதன் விளைவாக காய்ச்சல் மற்றும் கெட்ட வெள்ளைப் போக்கு ஏற்படலாம். சரியான நேரத்தில் கண்டு பிடித்து சிகிச்சை அளிக்கப்படாவிட்டால், அது வளர்ந்து, அசாதாரணமாகி,மற்ற தொற்றுக்களை வரவழைக்கவும் காரணமாகலாம்.//

இது தான் ரொம்ப முக்கியம்.................ரொம்பவும் அவசியம் என்பவர்கள் தவித்து , அல்லது ரொம்ப அவசியம்-தவிர்க்க முடியாது என்கிறபோது மட்டுமே உபயோகியுங்கள்..................இல்லை என்றால் இது பல நோய்களுக்கு வழி வகுக்கும்....புற்றுநோய் கூட வரும் என்று சொல்கிறார்கள் ................பத்திரம்...............

ஒருமுறை ..ஒரு 4 -5 வருடங்களுக்கு முன், ஒரு 12ம் வகுப்பு படிக்கும் பெண்( டெல்லி இல் ) மயக்கம் போட்டு விழுந்து விட்டாள்...............அவளை ஹோச்பிடல் இல் அனுமதித்து எல்லா டெஸ்டும் எடுத்தார்கள்.............எதற்கு மயக்கம் என்று தெரியலை...............பிறகு ஒரு நர்சுக்கு ஒரு சந்தேகம் வரவே , அவளை 'செக்' செய்து பார்த்துள்ளார்கள் ..............அவள் 'டாம்பன் ' போல காட்டன் ஐ 'உள்ளே' வைத்திருந்திருக்கா .............அது நகர்ந்து இன்னும் கொஞ்சம் உள்ளே போய் விட்டது...............இவளால் எடுக்க முடியவில்லை ................அப்படியே 2 நாள் விட்டு விட்டாள்.............அது infection ஆகி, ............ இத்தனை விபரீதம் ஆகிவிட்டது........................இது அப்போ பேப்பரில் கூட வந்தது.................

எனவே, இதை உபயோகிக்காமல் இருப்பதே ரொம்ப நல்லது.................அப்படியே தேவை என்றாலும், நீச்சல் போன்ற விளையாட்டு வீராங்கனைகள் வேண்டுமானால் அவர்களின் தேவையை கருதி உபயோகிக்கட்டும். புன்னகை

by யினியவன் Thu Oct 09, 2014 2:27 pm

இப்படி எல்லாம்மா கண்டுபிடிச்சிருக்காய்ங்க - சாக்குறதப்பா தப்பா ஆயிடாமா பாத்துக்கட்டும்

by **ayyasamy ram** Thu Oct 09, 2014 2:28 pm

மகளிருக்கான ஆங்கில (பல )வலைத்தளங்களில்
இதனை எப்படி உபயோகிக்க வேண்டும் என
விளக்கியுள்ளார்கள்...
-
யூ ட்யூபிலும் காணலாம்...
-
மகளிர் பார்த்து பயன் பெறலாம்
-

by **krishnaamma** Thu Oct 09, 2014 2:32 pm

யினியவன் wrote:இப்படி எல்லாம்மா கண்டுபிடிச்சிருக்காய்ங்க - சாக்குறதப்பா தப்பா ஆயிடாமா பாத்துக்கட்டும்

மேற்கோள் செய்த பதிவு: 1094168

ஆமாம் இனியவன்........இது ரொம்ப நாளாய் இருக்கு, இப்போ பரவலாக உபயோகிக்க ஆரம்பித்து விட்டார்கள்...................ரொம்ப ஆபத்து மற்றும் உடம்புக்கு கெடுதல்...............உபயோகிக்காமல் இருந்தால் நலம் புன்னகை

by **ஜாஹீதாபானு** Thu Oct 09, 2014 2:35 pm

இதைப் பார்க்கும் போதே பயமாஇருக்கு பயம்

by **krishnaamma** Thu Oct 09, 2014 2:41 pm

ஜாஹீதாபானு wrote:இதைப் பார்க்கும் போதே பயமாஇருக்கு

மேற்கோள் செய்த பதிவு: 1094177

ஆமாம் பானு...................வேறு பல தொல்லைகளும் இதனால் உண்டு ..................ஆனால் இங்கு எழுத்தில் வடிக்க முடியாது அதை புன்னகை

by யினியவன் Thu Oct 09, 2014 2:51 pm

krishnaamma wrote:ஆமாம் பானு...................வேறு பல தொல்லைகளும் இதனால் உண்டு ..................ஆனால் இங்கு எழுத்தில் வடிக்க முடியாது அதை

மேற்கோள் செய்த பதிவு: 1094184
உதிரம் வடிவதை நீக்கப்போய் எழுத்தில் வடிக்க முடியா உபாதைகளை தரும் போலிருக்கே

by **ஜாஹீதாபானு** Thu Oct 09, 2014 2:57 pm

krishnaamma wrote:
ஜாஹீதாபானு wrote:இதைப் பார்க்கும் போதே பயமாஇருக்கு
மேற்கோள் செய்த பதிவு: 1094177

ஆமாம் பானு...................வேறு பல தொல்லைகளும் இதனால் உண்டு ..................ஆனால் இங்கு எழுத்தில் வடிக்க முடியாது அதை

மேற்கோள் செய்த பதிவு: 1094184

ஆமாம்மா ... ஆமோதித்தல்

by **ayyasamy ram** Thu Oct 09, 2014 2:58 pm

நெருப்பு என்று எழுதினால் சுட்டு விடாது என்பார்கள்..
-
டாபிக் ஆரம்பித்து விட்டு, இதனால் ஆபத்து என்றால்
எப்படி..?
-
இளசுகள், நண்பிகள் உபயோகிப்பதைப் பார்த்து அவர்களும்
பயன்படுத்த ஆசைப்படுவார்கள்...
-
மகளிருக்காக மட்டுமே பல வார மாத இதழ்கள் உள்ளன
-
மகளிர் அவைகளைப் படித்து , அதன் நன்மை தீமைகளை
அலச வேண்டும்
-