அக்.8 புதன்கிழமை முழு சந்திர கிரஹணம்

**ayyasamy ram** · **ayyasamy ram** Wed Oct 08, 2014 4:18 am

புதன்கிழமை அன்று (அக்.8) (ஸ்ரீஜய, புரட்டாசி 22) சந்திரகிரஹணம்.
-
ßஆரம்பம்: பகல் 1:44 ß உச்சம்: மாலை 4:25 ßமுடிவு: இரவு 7:05
-
8.10.2014 புதன்கிழமை அன்று பகலில் இந்திய நேரப்படி 1:42 மணிக்கு புறநிழல்(Penumbral) சந்திரகிரஹணம் துவங்கி, பகல் 2:44 மணி அளவில் நிஜநிழல்(Umbral) சந்திர கிரகணமாக பிரவேஸிக்கிறது. சந்திரகிரகணம் உச்சகட்டமாக மாலை 4:25க்கு அடைகிறது.
-
அன்று சென்னையில் சூரிய அஸ்தமனத்திற்கு பின்னர் சுமார் 10 நிமிடங்கள் மட்டுமே அதாகில் மாலை 6:04 வரை மட்டுமே நிஜ நிழல் கிரகணம் தெரியும், பின்னர் புறநிழல் கிரகணம் இரவு 7:05 வரை தெரியும் (சுமார் 1 மணி 11 நிமிடங்கள்). கிரகண பரிமாணம் 1.172. சென்னையில் சந்திர உதயம் மாலை 5:54மணி.
-
சூரிய மறைவின் பொழுது அடிவானில் மேகமூட்டம், வளிமண்டல ஒளிச்சிதைவு, ஈரப்பதன் காரணமாக நிஜகிரஹணத்தினை காண்பது அரிதாகும், ஆயினும் புறநிழல் கிரகணத்தை காணலாம் (சந்திரனின் ஒளி சற்று மங்கலாக இருக்கும்). இதை வெறும் கண்களால் கிழக்கு திசையில் காணலாம். பூர்ண சந்திர கிரஹணம்(கேது கிரஸ்த) தூம்ர வர்ணம்
-
ஜோதிட விளக்கம்

பகலில் (சூரிய அஸ்தமனத்திற்கு முன்) தோன்றும் சந்திர கிரகணத்திற்கு தோஷமில்லை எனவே சந்திர கிரஹண தோஷம் சூரிய அஸ்தமனத்திலிருந்து கிரஹண முடிவு வரை உள்ளது.
ஆகாய பார்வை திசை : தென்மேற்கில் (நிருதி) துவங்கி வடகிழக்கில்(ஈசான்யம்) முடிவு.
பரிகார நட்சத்திரங்கள் : உத்திரட்டாதி, ரேவதி, அஸ்வினி, ஆயில்யம், கேட்டை
பரிகார தானம் : மேற்படி நட்சத்திரத்தினர் ஆதரவற்றோர் இல்லத்திற்கு அரிசி தானம் செய்தல் நன்று.
----------------

- பாலு சரவண சர்மா - தினமணி

அக்.8 புதன்கிழமை முழு சந்திர கிரஹணம்

அக்.8 புதன்கிழமை முழு சந்திர கிரஹணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக