ஸ்கைப்' உள்ளூர் சேவை நவம்பர் 10 முதல் கட் ; செல்போன் இண்டர்நெட் சேவைக் கட்டணம் உயர்வு !

புது டில்லி:"ஸ்கைப்' இணையதள வசதி மூலம் உள்ளூர் செல்போன், தொலைபேசி அழைப்புகளுக்கான சேவை நவம்பர் 10 ஆம் தேதியுடன் இந்தியாவில் நிறுத்தப்படும் என்று மைக்ரோசாப்ட் நிறுவனம் அறிவித்துள்ளது.

"ஸ்கைப்' என்ற வசதி மூலம் இணையத்தின் வழியாக உள்ளூர், வெளிநாடுகளில் உள்ள செல்போன்கள், தொலைபேசிகளுக்கு வாடிக்கையாளர்கள் இலவசமாகத் தொடர்பு கொண்டு பேச முடியும். ஸ்கைப் மென்பொருள் வசதி மூலம் வீடியோ அழைப்புகளையும் மேற்கொள்ளலாம். இதுபோன்ற அழைப்புகளுக்கு இணையத் தொடர்பு பயன்பாட்டுக்கு மட்டுமே கட்டணம் வசூலிக்கப்படும். இதன்மூலம், மலிவான கட்டணத்தில் பார்த்துப் பேசி மகிழ முடியும் என்பதால், மிகுந்த வரவேற்பை "ஸ்கைப்' பெற்றது.

வருமானம் பாதிப்பு:

அதேநேரத்தில், ஸ்கைப் சேவையினால் தங்களது வருவாய் பெருமளவு பாதிக்கப்படுவதாக இந்தியத் தொலைத் தொடர்பு நிறுவனங்கள் ஒட்டுமொத்தமாகக் குற்றம்சாட்டின. இந்த நிலையில், ஸ்கைப்'பின் தாய் நிறுவனமான மைக்ரோசாப்ட் நேற்று வெளியிட்ட அறிக்கையில் தெரிவித்துள்ளதாவது.

உள்ளூர் வசதி கட்:

நவம்பர் 10 ஆம் தேதியுடன் ஸ்கைப் வசதி மூலம் இந்தியாவில் உள்ள செல்போன்கள், தொலைபேசிகள் இடையேயான உள்ளூர் அழைப்பு வசதி ரத்து செய்யப்படுகிறது. இருப்பினும், இந்தியாவில் இருந்து வெளிநாடுகளில் உள்ள செல்போன்கள், தொலைபேசிகளுக்கும், வெளிநாடுகளில் இருந்து இந்தியாவில் உள்ளசெல்போன்கள், தொலைபேசிகளுக்கும் ஸ்கைப் வசதி மூலம் இலவசமாகப் பேசிக்கொள்ளும் வசதி தொடர்ந்து நீடிக்கும்.

மேலும், ஸ்கைப் மூலமான வை-பை, குறுஞ்செய்தி வசதிகளை இந்திய வாடிக்கையாளர்கள் தொடர்ந்து பயன்படுத்திக் கொள்ளலாம் என்று மைக்ரோசாப்டின் அறிக்கையில் தெரிவிக்கப்பட்டுள்ளது.வாய்ஸ் அழைப்புகளை இனி அறிமுகப்படுத்த உள்ளதாக வாட்ஸ் அப்., அறிவித்துள்ளது.

நன்றி : தினமலர்

செல்போன்கள் மூலம் இணையதளம் பார்ப்பதற்கான கட்டணம் கடந்த ஜூன் முதல் செப்டம்பர் வரையிலான 4 மாத காலத்தில் 100 சதவிகிதம் வரை அதிகரித்துள்ளது.செல்போன் இண்டர்நெட் சேவைக் கட்டணம் உயர்வு
ஏர்டெல் நிறுவனம், தனது மொபைல் இண்டர்நெட் சேவைக்கான கட்டணத்தை 33 சதவீதம் வரை உயர்த்தியுள்ளது.

ஐடியா, வோடஃபோன் நிறுவனங்களும் கட்டணத்தை படிப்படியாக உயர்த்தி வருகின்றன.

இம்மூன்று நிறுவனங்களும் மொபைல் இண்டர்நெட் சந்தையில் 57 சதவிகித பங்கை வைத்துள்ளன.

நன்றி : வெப் துனியா

மைக்ரோசாப்ட் இப்படி தான் தன தலையில் மண்ணை அள்ளி போட்டுகொள்வார்கள். ஏற்கனவே வைபர் , whatsapp இருவரும் இந்திய சந்தையில் பெருமளவில் பிடித்துவிட்டார்கள். இவர்கள் எவனோ போட்ட எலும்புத்துண்டை தின்னுட்டு இதுபோல பண்ணுகிறார்கள்.

ராஜா wrote:மைக்ரோசாப்ட் இப்படி தான் தன தலையில் மண்ணை அள்ளி போட்டுகொள்வார்கள். ஏற்கனவே வைபர் , whatsapp இருவரும் இந்திய சந்தையில் பெருமளவில் பிடித்துவிட்டார்கள். இவர்கள் எவனோ போட்ட எலும்புத்துண்டை தின்னுட்டு இதுபோல பண்ணுகிறார்கள்.

மேற்கோள் செய்த பதிவு: 1093579

எனக்கு புரியலை ராஜா, லோக்கல் என்றால், உள்ளுரிலே யே இதில் பேசுகிறார்களா என்ன? ....கொஞ்சம் சொல்லுங்களேன்..............