ஊழல் செய்தவர்கள் ஆதரவு தேவையில்லை: மோடியின் பேச்சுக்கு அ.தி.மு.க.,வில் எதிர்ப்பு !

ஊழல் செய்தவர்கள் ஆதரவு தேவையில்லை: மோடியின் பேச்சுக்கு அ.தி.மு.க.,வில் எதிர்ப்பு !



'ஊழல் வழக்கில் தண்டனை அடைந்து சிறையில் இருப்பவர்களின் ஆதரவு எங்களுக்குத் தேவையில்லை' என, அரியானா சட்டசபை தேர்தல் பிரசாரத்தில், பிரதமர் மோடி பேசியிருப்பது, அ.தி.மு.க.,வினர் மத்தியில் கடும் அதிருப்தியை ஏற்படுத்தி இருக்கிறது.

அரியானா மாநில சட்டசபை தேர்தல், வரும் 15ம் தேதி நடக்கவிருக்கிறது. தேர்தல் பிரசாரம் அம்மாநிலத்தில் உச்சகட்டத்தில் இருக்கிறது. மாநிலத் தலைவர்களும் தேசியத் தலைவர்களும் அரியானாவில் தீவிர பிரசாரத்தில் ஈடுபட்டு வருகின்றனர்.அந்த வகையில் நேற்று, பிரதமர் மோடி, பா.ஜ., வேட்பாளர்களை ஆதரித்து, அரியானாவில், தீவிர பிரசாரத்தில் ஈடுபட்டார். அரியானா மாநிலம், ஹிசார் என்ற இடத்தில் நடந்த பிரசார பொதுக்கூட்டத்தில் கலந்து கொண்டு பிரதமர் மோடி பேசினார்.அப்போது, ''ஊழல் வழக்கில் தண்டனை அடைந்து, சிறையில் இருப்பவர்களின் ஆதரவு எங்களுக்குத் தேவையில்லை,'' என, அவர் கடுமையாகப் பேசினார். அரியானாவில் முன்னாள் முதல்வராக இருந்த ஓம் பிரகாஷ் சவுதாலா, ஆட்சிப் பொறுப்பில் இருந்த போது, ஆசிரியர்கள் நியமனத்தில் ஊழல் செய்ததாக குற்றச்சாட்டப்பட்டு, 10 ஆண்டு ஜெயில் தண்டனை பெற்றுஇருக்கிறார்.

ஜெயிலில் அடைக்கப்பட்டிருந்த அவர், சமீபத்தில் உடல்நிலையை காரணம் காட்டி, பரோலில் வெளியே வந்திருக்கிறார். அரியானா மாநிலத்தில் நடக்கவிருக்கும் இடைத்தேர்தலுக்காக, தீவிர பிரசாரத்திலும் அவர் ஈடுபட்டிருக்கிறார்.இந்நிலையில்தான், பிரதமர் நரேந்திர மோடியும் பிரசாரத்தில் ஈடுபட்டு, ஊழல் செய்தவர்களின் ஆதரவு தங்களுக்கு தேவையில்லை என பேசி, சவுதாலாவை மறைமுகமாக தாக்கியிருக்கிறார்.அவர், சவுதாலாவைக் குறிப்பிட்டே அப்படி பேசியிருந்தாலும், ஊழல் வழக்கில் சிக்கி, தற்போது ஜெயலலிதாவும் சிறையில் அடைக்கப்பட்டிருப்பதால், அவரைக் குறிப்பிட்டே மோடி பேசியிருப்பதாக, அ.தி.மு.க.,வினர் கடும் அதிருப்தி அடைந்திருக்கின்றனர்.

இதுகுறித்து, அ.தி.மு.க.,வின் மூத்த நிர்வாகி ஒருவர் கூறியதாவது:ஜெயலலிதா, சொத்துக் குவிப்பு வழக்கில் கைது செய்யப்பட்டதும், தமிழகத்தில் அ.தி.மு.க.,வினர் தங்கள் எதிர்ப்பை பதிவு செய்தனர். உடனே, அதற்கு கடுமையாக எதிர்ப்பு தெரிவித்தவர், தமிழக பா.ஜ., தலைவர் தமிழிசை சவுந்தரராஜன். அதேபோல, தீர்ப்பை வரவேற்று, முதன்முதலில் அறிக்கை கொடுத்தவரும் அவர்தான்.ஆக, அ.தி.மு.க., எதிர்ப்பு நிலையில், தமிழக பா.ஜ.,வும், அகில இந்திய பா.ஜ.,வும் சென்று கொண்டிருக்கிறது. சுப்ரமணியன் சாமியும், ஜெ.,வை கடுமையாக விமர்சிக்கிறார். அவரை பா.ஜ., தலைவர்கள் யாரும் கட்டுப்படுத்தவில்லை. இந்நிலையில், பிரதமர் மோடியும், சவுதாலாவை விமர்சிப்பது போல, ஜெயலலிதாவை மறைமுகமாக விமர்சித்து வருகிறார்.நாளையே, மேல்முறையீட்டில், ஜெயலலிதா விடுதலையாகி வந்துவிட்டால், மோடி என்ன செய்வார்? இவ்வாறு, அவர் கூறினார்.

நன்றி : தினமலர்

பார்க்கலாம்...மோடியின் கரங்கள் கறைபடாத கரங்களா என்று ஆட்சியில் போக போக தெரியத்தானே போகிறது..கோடியில் தேர்தலில் செலவழித்துவிட்டு சும்மா இருக்க போகிறாரா என்ன...எந்த அரசியல்வாதிக்கும் இன்னொரு அரசியல்வாதியை விமர்ச்சிக்கும் தகுதி இருப்பதாக தோன்றவில்லை...

அப்படியே கூறி இருந்தாலும், அம்மணி தான் ஊழலே செய்யவில்லை என்று நம்ப ஒரு கூட்டம் இருக்கே - அப்புறம் என்ன? கடவுளை நீதி தண்டிப்பதான்னு போஸ்டர் ஒட்டினது மறந்துடுச்சாமா?

யினியவன் wrote:அப்படியே கூறி இருந்தாலும், அம்மணி தான் ஊழலே செய்யவில்லை என்று நம்ப ஒரு கூட்டம் இருக்கே - அப்புறம் என்ன? கடவுளை நீதி தண்டிப்பதான்னு போஸ்டர் ஒட்டினது மறந்துடுச்சாமா?

மேற்கோள் செய்த பதிவு: 1093385

இன்னொரு போஸ்டர் இல் "தீர்ப்பே கூறத் தெரியாத நீ எல்லாம் ஒரு நீதிபதியா" என்று மாட்டி உள்ளார்கள்......இவங்களை எல்லாம் என்ன சொல்றதுனே தெரியலை

மோடியின் மீது மக்கள் அபரிமிதமான நம்பிக்கை வைத்துள்ளனர்...
அதை அவர் புரிந்து நடந்து கொள்வார் என்றே நினைக்கிறேன்...
ஏனென்றால் ஊழல் வழக்குகள் தற்போது புது உத்வேகத்தை கொண்டுள்ளது.
நீதிபதிகள் அவர்களின் கடமை உணர்ந்து செயல்படுகின்றனர்..
என்றுமே நீதித்துறை சுதந்திரமாக செயல் பட வேண்டும்..
அரசியல் தலையீடு இருக்கவே கூடாது..

ayyasamy ram wrote:தென்னை மரத்தில் தேள் கொட்டினால்
பனை மரத்தில் நெறி கட்டுமாம்...
-
அரியானாவில் முன்னாள் முதல்வராக இருந்த ஓம் பிரகாஷ் சவுதாலா
குறித்து சொன்னதை அ.தி.மு.க.,வின் மூத்த நிர்வாகி விமரிசித்தாக
தினமலர் செய்தி வெளியிட்டுள்ளது
-
இந்த செய்தி சிண்டு முடியும் வேலை...
-
அந்த மூத்த நிர்வாகி யார் என்பதை ஏன் செய்தியில்
கூறவில்லை..?
-

ரொம்ப சரி ராம் அண்ணா.....குற்றமுள்ள நெஞ்சு குறுகுறுக்கிறது .......................

யினியவன் wrote:அப்படியே கூறி இருந்தாலும், அம்மணி தான் ஊழலே செய்யவில்லை என்று நம்ப ஒரு கூட்டம் இருக்கே - அப்புறம் என்ன? கடவுளை நீதி தண்டிப்பதான்னு போஸ்டர் ஒட்டினது மறந்துடுச்சாமா?

கரெக்ட் இனியவன்......................அந்த கூட்டத்தை ................என்ன சொல்வது என்றே தெரியலை

பிஜிராமன் wrote:

யினியவன் wrote:அப்படியே கூறி இருந்தாலும், அம்மணி தான் ஊழலே செய்யவில்லை என்று நம்ப ஒரு கூட்டம் இருக்கே - அப்புறம் என்ன? கடவுளை நீதி தண்டிப்பதான்னு போஸ்டர் ஒட்டினது மறந்துடுச்சாமா?

மேற்கோள் செய்த பதிவு: 1093385

இன்னொரு போஸ்டர் இல் "தீர்ப்பே கூறத் தெரியாத நீ எல்லாம் ஒரு நீதிபதியா" என்று மாட்டி உள்ளார்கள்......இவங்களை எல்லாம் என்ன சொல்றதுனே தெரியலை

அடாடா.............இது வேறா? ஹா....ஹா....ஹா..............

குஜராத்தில் மோடியால் சலுகை பெற்றவர்கள்
என்று கூறப்படுபவர்கள் லிஸ்டில் ,
அடானி ,முகேஷ் அம்பானி போன்றவர்கள் உண்டு.
எந்த ஒரு முதலாளியும் , எந்த ஒரு அரசியல்வாதிக்கும் ,
லாபம் இல்லாமல் உதவமாட்டார்கள் .
நேரடியாய் வாங்காது அல்லக்கைகளால் வாங்கும் அரசியல்வாதிகள் பலர்.
அது தெரிந்தும் சும்மா இருக்கும் தலைவர்கள் உண்டு.
வாஜ்பாய் காலத்தில் மகாஜன் பெயர் இது மாதிரி அடிப்பட்டதுண்டு.
சுத்தக்கை அரசியல்வாதிகள் என மிக சிலரையே கூறலாம்
உதாரணமாக மறைந்த காமராஜ் , லால்பஹதூர் சாஸ்த்ரி , அறிஞர் அண்ணா
EMS நம்பூதிரிபாடு , நிகைகால கம்யுநிஸ்ட் தலைவர் நல்லக்கண்ணு ,முதலானோர்.

கையில் 10 விரல்களே இருப்பதால் 10 பேருக்கு மேல் இருக்கமாட்டார்கள் .

ரமணியன்