சின்னத் திரையில் ஜமாய்க்க...ஸ்ரீஜா தருகிறார் சூப்பர் டிப்ஸ்...

-
சினிமா தராத ரீச்சை சிங்கிள் எண்ட்ரியில் இப்போது
சின்னத்திரை தருகிறது. ஆக்டிங், ஆங்கரிங், ஏன்
ரியாலிட்டி, டாக் ஷோக்களில் ரெண்டு நிமிடம் முகம்
காட்டினால் போதும் பாப்புலராகி விட்ட பூரிப்பு.
-
சமீபத்தில் சென்னையில் தனியார் சேனல் நடத்திய
ஆடிஷனுக்கு காலை ஆறு மணியிலிருந்தே குழுமி
இருந்தனர் ஆயிரக்கணக்கான இளைஞர்கள் மற்றும்
யங் கேர்ள்ஸ். ஆசை ஓ.கே., அசத்த வேறென்ன
வேண்டும்? "சரவணன் மீனாட்சி' ஸ்ரீஜா தருகிறார்
சூப்பர் டிப்ஸ்...
-
* கேமரா பேஸ் பேசிக். இயற்கை தர்ற முகத்தை
மாத்த முடியுமான்னு கேக்காதீங்க. சிலர் நேர்ல
பார்க்கிறப்ப அழகா தெரியமாட்டாங்க. ஆனா
ஃபோட்டோவுல அடன்னு சொல்ல வைப்பாங்க.
அதுக்கு காரணம் பிராக்டிஸ். ஆமாங்க, கண்ணாடி
முன்னாடி தினமும் பத்து நிமிஷம் நின்னா, நம்ம
முகத்துக்கு எது அழகு, எது ஆகாதுங்கிறதை நாமே
கண்டுபிடிச்சிடலாம்.
-
* நடிக்கணும்னா கிளாஸ் போய் கத்துக்கணும்னு
கட்டாயம் இல்லை. வீட்டுல, பக்கத்து வீட்டுல,
ஃப்ரெண்டை, தினமும் சந்திக்கிறவங்களை நல்லா
கவனிக்கணும். அவங்க பேச்சு, மாடுலேஷன், பாடி
லாங்வேஜ்னு கவனிச்சா போதும், இன்னொருத்தர்
செய்யற மாதிரி பண்றதுங்கிறதுக்குப் பேர்தான்
நடிப்பு.
-
* நாலு பேர் முன்னாடி பேச கூச்சப்படக்கூடாது.
என்ன பேச நினைக்கிறோமோ, அதைத் தைரியமா
பேசணும்.
-
* சினிமா, டி.வி., பார்க்கிறதை விடவே கூடாது.
பார்க்க எரிச்சலா இருக்கற சீரியலைக் கூட
பொறுத்துக்கிட்டு பார்க்கணும். ஆக்டிங்ல அவாய்ட்
பண்ண வேண்டிய விஷயங்களை அந்த இடத்துல
தெரிஞ்சுக்கலாம்.
-
* எந்த மொழியில நடிக்க விரும்புகிறோமோ,
அந்த மொழியை கத்துக்க வேண்டியது அவசியம்.
டப்பிங் இருந்தாலும் நம்ம குரலை நாமே
ஊமையாக்குனா எப்படி?
-
* ஆங்கரிங் பண்ணணும்னு நினைக்கிறவங்க
பொது அறிவை வளர்த்துக்கணும், நிறைய விஷயங்கள்
தெரிஞ்சிருந்தா டைமிங்ல சமாளிச்சு நமக்கு நல்ல
பேர் கிடைக்கும்.
-
* நடிப்போ, ஆங்கரிங்கோ, நம்மை இயக்கறது
இன்னொருத்தர், அவர் என்ன விரும்புகிறார்ங்கிறதை
முதல்ல முழுசா புரிஞ்சுக்கணும்.
-
* சீனியர் ஆட்கள் டிப்ஸ் சொன்னாங்கன்னா காது
கொடுத்துக் கேக்கணும்.
-
* போட்டி நிறைய இருக்கு. அதனால கோபம்
மாதிரியான சில குணங்களை மூட்டை கட்டிடறது
நல்லது. கோபம் உடம்புக்கும் ஆகாது இல்லையா?
-
----------------------------------
- அய்யனார் ராஜன்
நன்றி: குமுதம்
-

_________________