சிறை (வாசலில்) வாசம்.....

First topic message reminder :

பெங்களூருவில் ஒரு ஒரமாய் ஒதுங்கிக்கிடக்கிறது பார்ப்பன அக்ராஹர மத்திய சிறைச்சாலை...


ஒசூர் போகும் ரோட்டில் எலக்ட்ரானிக் சிட்டிக்கு பக்கத்தில் ஒரு ஐந்து கிலோமீட்டர் உள்வாங்கி நகரத்தின் நிழல் இன்னமும் சரியாக படராத கிராமிய சூழலில் அமைந்துள்ளது.

தமிழக முன்னாள் முதல்வர் ஜெயலலிதா சிறைக்குள் போகும் வரை பலருக்கு இதன் விலாசத்தை சரிவர சொல்லத்தெரியவில்லை.

ஆனால் இப்போது டிஎன் என்ற தமிழ்நாடு ரிஜி்ஸ்ட்ரெஷன் எண் கொண்ட வாகனத்தை பார்த்தாலே எல்லோரும் எளிதாக இந்த சிறைப்பகுதியை கைகாட்டி விடுகின்றனர்.

சிறைக்கு போகும் பாதைக்கு ஒரு கிலோமீட்டர் தூரம் முன்பாகவே போலீசார் தடுப்பு போட்டு பாதுகாப்பு பணியை மேற்கொண்டுள்ளனர்.

இதைத்தாண்டி தமிழக அமைச்சர்கள், எம்பிக்கள், எம்எல்ஏக்கள், மேயர்கள் தங்களது அடையாள அட்டையை காண்பித்து உள்ளே போய் வருகின்றனர்.

அப்படிப்போக முடியாதவர்கள் தடுப்புக்கு எதிராக நின்று கொண்டு யாராவது தெரிந்தவர்கள் வருகிறார்களா? என்று வேடிக்கை பார்த்துக்கொண்டு இருக்கிறார்கள்.

கடந்த ஒரு வாரமாக ஜெயலலிதாவை பார்க்க போனவர்கள் யார் பார்த்தார்கள் சிறையின் உள்ளே என்ன நடக்கிறது என்பது அதிகாரபூர்வமாக தெரியாத நிலையில் ஊடகங்கள் தங்கள் வியூகத்திற்கு ஏற்ப எழுதினர்.

ஆறாவது நாள் சிறை டிஜஜி வந்தார் ஊடகங்களை அழைத்தார் சில விஷயங்களை சொன்னார்.

அவர் சொன்னதில் இருந்து ஜெயலலிதா உள்ளே போன நாள் முதல் இன்று வரை யாரையும் பார்க்கவில்லை.பார்க்ககூடாது என்பது இல்லை பார்க்கவில்லை. இதற்கு விருப்பம் இல்லாதது ஒரு காரணமாக இருக்கலாம் அல்லது அவர் தங்கியிருக்கும் செல்லில் இருந்து அரை கிலோ மீட்டர் தூரம் நடந்து வர சிரமமாக இருக்கலாம்.

அடுத்ததாக சிறையில் அவர் தங்கியிருக்கும் அறையில் ஒரு காற்றாடி மட்டுமே உண்டு அவரது மருத்துவர்கள் ஆலோசனையின்படி ஒரு கட்டில் மட்டுமே கூடுதலாக கொடுக்கப்பட்டுள்ளது. உணவைப்பொறுத்தவரை மற்ற சிறைக்ககைதிகளுக்கான உணவுதான் வழங்கப்படுகிறது.

அவர் நீரிழிவு,ரத்த அழுத்தம் போன்றவைகளால் பாதிக்கப்பட்டிருப்பதால் மருத்துவர்களின் ஆலோசனையின்படி கூடுதலாக சில உணவுகள் வழங்கப்படுகின்றது. சிறைத்துறை சட்டப்படி பார்வையாளர் நேரம் வேலைநாட்களில் காலை 10 மணிமுதல் மாலை 5 மணிவரை மட்டுமே என்பது போன்ற விவரங்களை சொல்லிவிட்டு போய்விட்டார்.

ஆக இதுவரை உள்ளே போய்வந்த அமைச்சர்கள் மற்றும் அதிகாரிகள் சிறைக்கு எதிரே உள்ள ஷாமியானா பந்தலில் சும்மா உட்கார்ந்திருந்துவிட்டு வந்தனர் என்பது தெரிந்தது.

அவர்களுக்கு தெரியும் உள்ளே அனுமதி இல்லை என்று ஆனால் தமிழகத்தில் இருந்தால் பார்ப்பவர்கள் அனைவருக்கும் தரவேண்டிய பதிலுக்கு விசாரிப்புகளுக்கு பதில் தருவதற்கு பதிலாக இப்படி சிறை எதிரே காத்திருந்துவிட்டு வருவது எளிதாக இருந்திருக்கலாம்.

தொண்டர்கள் சென்னை சேலம் கிருஷ்ணகிரி பகுதியில் இருந்து கிடைத்த வாகனங்களில் வருவதும், கருப்பு சட்டை அணிவதும், மொட்டை போடுவதும், ரோட்டில் விழுந்து புரள்வதும், கோஷமிட்டு ஆர்ப்பாட்டம் செய்து கர்நாடகா போலீசிடம் அடிவாங்குவதும் அழுது அரற்றுவதுமாக இருக்கின்றனர்.

எதுவாக இருந்தாலும் இனி ஏழாந்தேதிக்கு பிறகுதான் என்பது தெரிந்த பிறகு இப்போது சிறைவாசல் வெகு சில போலீசுடன் வெறிச்சோடிப்போய் உள்ளது.

இப்போது உள்ள கேள்வி எல்லாம் ஏழாந்தேதி என்ன நடக்கும் என்பதுதான்?

யினியவன் wrote:இந்தக் கூத்தினால் தமிழர்களின் மொத்த மரியாதையும் குழி தோண்டி புதைக்கப் படுகிறது

மேற்கோள் செய்த பதிவு: 1092866

உண்மை தல ..... சும்மாவே வட இந்திய ஊடகங்கள் நம்மளை ஒரு மாதிரியாக பார்ப்பார்கள் ..இப்ப கேட்கவே வேணாம்

தமிழ்நாட்டிலோ அல்லது கர்நாடகாவிலோ !!
ஆகா மொத்தம் சிறைவாசம் நிரந்தரமா அல்லது நிரந்தரமில்லையா என்பதே கேள்வி மற்றும் எதிர்ப்பார்ப்பு ???

நாளை தெரியும் !!!

பாலாஜி wrote:

யினியவன் wrote:இந்தக் கூத்தினால் தமிழர்களின் மொத்த மரியாதையும் குழி தோண்டி புதைக்கப் படுகிறது

மேற்கோள் செய்த பதிவு: 1092866

உண்மை தல ..... சும்மாவே வட இந்திய ஊடகங்கள் நம்மளை ஒரு மாதிரியாக பார்ப்பார்கள் ..இப்ப கேட்கவே வேணாம்  

வட இந்தியா இல்ல பாலாஜி, இப்போ கர்நாடகா வே அப்படித்தான் பார்க்கிறது................ஒரு காமெடி இல் விவேக் சொல்வாரே  " யாரும் இல்லாத இடத்துல யாருக்குடா நீ டீ ஆத்துற ?" என்று, அதுபோல ,

"உள்ளேயே விடாத ஜெயிலுக்கு எதுக்கு இவனுன்ங்க தினமும் வண்டிய போட்டுக்கிட்டு வராங்க? " என்று
கலாய்க்கிரர்கள் பாலாஜி ....................  கேவலம்.................