ஜெ. சொத்துக் குவிப்பு வழக்கு: மகத்தான தீர்ப்பு - கருணாநிதி

சென்னை: அதிமுக பொதுச்செயலாளர் ஜெயலலிதா மீதான சொத்துக் குவிப்பு வழக்கில் வழங்கப்பட்ட தீர்ப்பு மகத்தானது என, தீர்ப்பு வெளியாகி 7 நாட்களுக்கு பிறகு திமுக தலைவர் கருணாநிதி கருத்து தெரிவித்துள்ளார்.

ஜெயலலிதா மீதான சொத்துக் குவிப்பு வழக்கில் வழங்கப்பட்ட தீர்ப்பு குறித்து பல்வேறு கட்சித் தலைவர்களும் உடனடியாக கருத்து தெரிவித்த நிலையில், கருணாநிதி மட்டும் கருத்து சொல்லாமல் இருந்து வந்தார். இது பல்வேறு விமர்சனங்களை கிளப்பியது.

இந்நிலையில் இவ்விஷயத்தில் தனது மவுனத்தை கலைத்துள்ள கருணாநிதி, தீர்ப்பை வரவேற்று அறிக்கை ஒன்றை வெளியிட்டுள்ளார். இது தொடர்பாக அவர் விடுத்துள்ள கேள்வி - பதில் வடிவிலான அறிக்கை வருமாறு:


ஜெயலலிதா மீதான சொத்துக் குவிப்பு வழக்கில் பெங்களூர் சிறப்பு நீதிமன்றம் அளித்த தீர்ப்பு தொடர்பாக தாங்கள் எதுவுமே கூறவில்லையே?

இது நிச்சயம் மகத்தான தீர்ப்பு. நீதி நிலை நிறுத்தப்பட்டுள்ளது. நீதிமன்றங்கள் மீதான நம்பிக்கை உறுதிப்படுத்தப்பட்டுள்ளது என்று ஒரு பத்திரிகை தலையங்கம் எழுதியுள்ளது.

முக்கியமான வழக்குகளை மாநிலம் விட்டு வேறு மாநில நீதிமன்றங்களுக்கு மாற்றிய சம்பவம் உண்டா?

உச்சநீதிமன்றம் பல வழக்குகளை வேறு மாநில நீதிமன்றங்களுக்கு மாற்றிய சம்பவங்கள் உண்டு. நான் முதலமைச்சராக இருந்தபோதே என் மகன் மு.க.அழகிரி மீதான வழக்கை மராட்டிய மாநிலத்துக்கு உச்சநீதிமன்றம் மாற்றியது.

தீர்ப்பைத் தொடர்ந்து நடைபெற்று வரும் வன்முறையால் ஏற்பட்டுள்ள இழப்பீடுகளுக்கான தொகையை அதிமுகவிடம் இருந்து பெற வேண்டும் என்று ராமதாஸ் கூறியுள்ளாரே..?

உண்மையில் சிந்தித்துப் பார்க்க வேண்டிய கருத்துதான் இது. பொது அமைதிக்கு குந்தகம் விளைவிக்கும் வகையில் வன்முறை செயல்களில் ஈடுபட்ட அதிமுகவைத் தடை செய்யவும் தயங்கக் கூடாது என்று தமிழக ஆளுநருக்கு ராமதாஸ் வேண்டுகோள் விடுத்துள்ளார்.

இந்த ஆண்டு மே 13-ஆம் தேதி தமிழகச் சட்டப்பேரவையில் பேசிய ஜெயலலிதா, பொது அமைதிக்கு குந்தகம் விளைவிக்கும் வகையில் எந்தக் கட்சி ஈடுபட்டாலும், அந்தக் கட்சியைத் தடை செய்ய அரசு தயங்காது என்று கூறியிருந்தார்.அதனை நினைவுபடுத்திதான் ராமதாஸ் தற்போது கூறியுள்ளார்.

இவ்வாறு அந்த பேட்டியில் அவர் கூறியுள்ளார்.

அடடே அரை தூக்கத்துல அய்யா ஏதோ முனகிட்டாரே

//ஜெயலலிதா மீதான சொத்துக் குவிப்பு வழக்கில் பெங்களூர் சிறப்பு நீதிமன்றம் அளித்த தீர்ப்பு தொடர்பாக தாங்கள் எதுவுமே கூறவில்லையே?

இது நிச்சயம் மகத்தான தீர்ப்பு. நீதி நிலை நிறுத்தப்பட்டுள்ளது. நீதிமன்றங்கள் மீதான நம்பிக்கை உறுதிப்படுத்தப்பட்டுள்ளது என்று ஒரு பத்திரிகை தலையங்கம் எழுதியுள்ளது.//

ஏன், இவர் தானே உடன்பிறப்புகளுக்கு எழுதுவார்..இப்போ மறந்துட்டரா? ஹா....ஹா...ஹா....
"ஆடி  கழிச்சு   5ம் நாள் கோழி அடிச்சு கும்பிட்டனாம்"................ அப்படி இருக்கு இவர் அறிக்கை !

முதியவர்களை அதிகமாக தாக்கும் Alzheimer (ஞாபகமறதி)
இவரையும் தாக்கி இருக்கலாம்...!!
-

சொந்தக் கருத்தை கூற
( 1---பயமாக உள்ளது , நாளைக்கு நமக்கு என்னாகுமோ ?
2---பயமாக உள்ளது அதனால் என் சொந்தக் கருத்தைக் கூறாமல் ,
மற்ற பத்திரிகைகள் கூறியதைக் கூறி சமாளித்துவிட்டேன் என்று
உங்கள் எல்லோரையும் முட்டாளாக்குகிறேன்.)

உங்களுக்கு பிடித்ததை டிக் செய்து கொள்ளவும் .

ரமணியன்

இத இப்ப சொல்லுவாரு கருணாநிதி அண்ணன், அவரோட குடும்ப வழக்கு வரும்போது ????????? அது வரைக்கும் இவரு இருப்பாரா?

நீதி மன்றங்களின் மீதான நம்பிக்கை 20 ஆம் தேதிக்கு மேல் இன்னும் உறுதிப்படும்போது என்ன அலறு அலறப்போகிராரோ. ஆரிய கூட்டு சதி, திராவிடத்தின் மீது விழுந்த இந்துத்த்வா அடக்குமுறை,பார்ப்பன்னர்களின் ஆதிக்க வெறி, தென்னக திராவிடத்தை அடக்க வடநாட்டினரின் சதி, ராசா ஒரு தலித் என்பதனால்தானே இந்த வழக்கு போன்ற விமரிசனங்கள் மதிய அரசு மீதும் நீதித்துறை மீதும் அள்ளி தெளிக்கத்தான் போகிறார்.எனக்கு தெரிந்து கடந்த நாற்ப்பது வருடங்களாக ஒரே விஷயத்தை தனக்கு ஒரு மாதிரியாகவும் மற்றவர்களுக்கு வேறுமாதிரியாகவும் பார்த்தவர் கருணாநிதி. ஜெயலலிதா கைதின்போது 20 ஆம் தேதி நினைவில்தான் வாயைமூடிக்கொண்டிருந்தார். இல்லையென்றால் அம்மையாரின் ஆர்பாட்டம் முடிந்தது. கட்டுக்கடங்காத காட்டுமிராண்டித்தனமான அ தி மு க ஆட்சி அகன்றது, அண்ணா பெரியாரின் கனவு நினைவாகியது போன்ற அறைகூவல் விட்டிருப்பாரே.

கத்தி அவர் தலைக்கு மேலேயும் தொங்குகிறது. அவர் அனுபவிக்க ஆண்டவன் அவருக்கு நீண்ட ஆயுளை கொடுக்க வேண்டும்.

சிவம்

செய்த பாவத்திற்கு கண்டிப்பா அனுபவித்தே ஆகணும் அய்யாவும்.

சீக்கிரம் வழக்குகளை விசாரித்து தீர்ப்பளிக்க வேண்டும்.

சொந்தக் கருத்தைக் கூறுவது புத்திசாலித்தனம் அல்ல...!
-

யினியவன் wrote:செய்த பாவத்திற்கு கண்டிப்பா அனுபவித்தே ஆகணும் அய்யாவும்.

சீக்கிரம் வழக்குகளை விசாரித்து தீர்ப்பளிக்க வேண்டும்.

மேற்கோள் செய்த பதிவு: 1092974

ஏய்...........யாரங்கே கூப்புடு அந்த நீதிமான் குன்ஹாவை................ஏதோ தீர்ப்பு சீக்கிரம் சொல்லனுமாம்