யமுனாவின் பச்சரிசி அல்வா ..

மீனு · மீனு Thu 5 Nov 2009 - 20:18

1. பச்சரிசி ஹல்வா தேவையான பொருட்கள் ( 4 பேருக்கு) _______________________ மாவு : 2 கப் கடலை பருப்பு : 1 கப் வெல்லம் : 11/2 கப் நெய் : 1/2 கப் முந்திரி, ஏலப்பொடி சிறிதளவு செய்முறை: ___________ *அரிசிமாவுடன் தண்ணீர் சேர்த்து தோசைமாவு பதத்திற்கு கரைத்து வைக்கவும். *சிறிதளவு நெய்யில் முந்திரி பருப்பை வறுத்து எடுத்து வைக்கவும். *ஒரு கனமான பாத்திரத்தில் கடலைபருப்புடன் 3 கப் தண்ணீர் சேர்த்து வேகவிடவும். குழையக் கூடாது ஓரளவுக்கு திடமாக இருக்க வேண்டும். *பருப்பு வெந்தவுடன் அதில் அரிசிமாவுக் கரைசலை ஊற்றி கிளறிக்கொண்டே இருக்கவும். மாவு வெந்துவரும். (தண்ணீர் கையில் தொட்டு மாவை தொட்டுப் பார்த்தால் ஒட்டாது இருக்க வேண்டும் இதுதான் பதம்.) *வெல்லத்துடன் சிறிது தண்ணீர் ஊற்றி கரைத்து வடிகட்டவும். இந்த வெல்லத்தண்ணீரை சிறிது நேரம் அடுப்பில் வைத்து கொதிக்கவைத்து வெந்த அரிசிமாவுடன் சேர்த்துக் கிளறவும். *முந்திரி , ஏலப்பொடி, நெய் சேர்த்து கிளறி விடவும். *பாத்திரத்தில் ஒட்டாமல் வரும்பொழுது இறக்கிவிடவும். ஒரு அகலமான பாத்திரத்தில் நெய் தடவி அதில் இந்த பச்சரிசி ஹல்வாவை ஊற்றவும். ஆறினதும் பரிமாறவும். குறிப்பு: ______ ஹல்வாவை கிண்டிக்கொண்டே இருக்கவேண்டும் இல்லையெல் அடிபிடித்து விடும். பாத்திரத்தில் ஒட்டாமல் வரும்பொழுது இறக்கிவிடவும்.ரொம்ப கெட்டியாவும் இருக்க கூடாதுங்க. 2. பயத்தம்பருப்பு தோசை தேவையான பொருட்கள் 2 பேருக்கு பயத்தம்பருப்பு [சிறுபருப்பு] – 1 கப் தயிர் – 1/2 கப் பச்சை மிளகாய் – 5 அல்லது 6 பூண்டு – 3 அல்லது 4 பல் உப்பு தேவையான அளவு செய்முறை பயத்தம் பருப்பை தாராளமாக தண்ணீர் விட்டு 5 அல்லது 6 மணி நேரம் ஊரவிடவும். நன்கு ஊரியதும் பச்சை மிளகாய், பூண்டு,தண்ணீர் சேர்த்து மிருதுவாக அரைத்துக்கொள்ளவும். அரைத்த மாவில் தயிர்,உப்பு சேர்த்து நன்றாக தோசை மாவு பதத்திற்கு கலந்து வைத்துக்கொள்ளவும். தோசைகளை வார்த்து எடுத்து தேங்காய் சட்டினியுடன் சூடாக பரிமாறவும். குறிப்பு மாவில் தண்ணீர் அதிகமிருந்தால் ஒரு தே. கரண்டி அரிசி மாவு கலந்து உபயோகிக்கலாம். மாவு ஓரளவுக்கு இலகுவாக இருக்கவேண்டும், கெட்டியாக இருந்தால் தோசை கடினமாக இருக்கும். தயிரை கடைந்தபின் மாவில் சேர்த்தால் கட்டி தட்டாது. வேண்டுமளவு தயிர் சேர்த்துக்கொள்ளுங்கள் தோசையின் மென்மை கூடும். அளவுக்கதிகமானால் புளித்துவிடும் கவனம். சுவை நன்றாக இருக்க சூடாக இருக்கும்போதே உண்ணுங்கள்.