சிறந்த தாயார் விருது பெற்ற ‘இரும்புப் பெண்மணி’ ஜமிலா

**ayyasamy ram** · **ayyasamy ram** Mon Sep 29, 2014 3:13 pm

-
திருமதி ஜமிலா அப்துல் கரிமுக்கு அவரது குடும்பத்தினர்
வைத்த பெயர் ‘இரும்புப் பெண்மணி’.

இந்தப் பெயர் முன்னாள் பிரிட்டிஷ் பிரதமர் திருமதி
மார்கரெட் தாட்சருக்குக் கொடுக்கப்பட்ட பெயர் என்பது
குறிப்பிடத் தக்கது.

அந்த அளவுக்குக் கடுமையாகப் பாடுபட்டு, வந்த
சவால்களைச் சமாளித்து தமது ஐந்து பிள்ளைகளைக்
கரை சேர்ந்த இந்தத் தாயார், ஜாமியா சிங்கப்பூர் அமைப்பின்
இவ்வாண்டுக்கான தலைசிறந்த தாயார் விருதைப் பெற்றிருக்கிறார்.

நேற்று முன்தினம் உள்ளூர் ஹோட்டல் ஒன்றில் நடை
பெற்ற விருதளிப்பு நிகழ்ச்சியில், 53 வயது திருமதி ஜமிலா,
அதிபர் டோனி டான் கெங் யாமிடமிருந்து விருதைப் பெற்றுக்
கொண்டார். வெற்றிக் கோப்பையுடன் $6,000 ரொக்கம்,
இருவர் தைவானுக்குச் சென்று வர விடுமுறைப் பயணம்
ஆகியவையும் ஜமிலாவுக்குப் பரிசுகளாகக் கிடைத்தன.

22வது ஆண்டாக நடைபெறும் இந்த விருதளிப்பு விழாவில்,
இவ்வாண்டு நிகழ்ச்சிக்காக 46 பரிந்துரைகள் கிடைக்கப்
பெற்றன. அதிலிருந்து ஐவர் இறுதிச் சுற்றுக்குத் தேர்வு
பெற்றனர்.

“ஒரு குடும்பத்தின் நாடித் துடிப்பாக இருப்பவர் தாயார்.
குடும்பங்கள்தான் நமது நாட்டின் அடித்தளமாக விளங்குகின்றன.
ஆக, சமுதாய, குடும்ப மேம்பாட்டு அமைச்சு, ஜாமியா சிங்கப்பூர்
போன்ற அமைப்புகளுடன் இணைந்து வலுவான குடும்பங்களை
உருவாக்க உதவி புரியும்,” என்றார் சமுதாய, குடும்ப
மேம்பாட்டு அமைச்சின் நாடாளுமன்றச் செயலாளர்
திருவாட்டி லோ யென் லிங்.
-
----------------------------------------
--தமிழ்முரசு, சிங்கப்பூர்

**ஜாஹீதாபானு** · **ஜாஹீதாபானு** Mon Sep 29, 2014 4:24 pm

வாழ்த்துகள் ஜமீலா அவர்களே

**krishnaamma** · **krishnaamma** Mon Sep 29, 2014 7:09 pm

வாழ்த்துகள் அம்மா ! அன்பு மலர்

.
.
.
.
.
அது சரி....இந்த செய்தியை 'அம்மா' வின் தொண்டர்கள் யாராவது படித்துவிட்டு, அவங்க பேரை ஏன் சிபாரிசு பண்ணலை என்று சண்டைக்கு வரப்போறாங்க புன்னகை

**ayyasamy ram** · **ayyasamy ram** Mon Sep 29, 2014 7:39 pm

தமிழ் நாட்டிலும் பெண்களைக் கவுரவிக்கலாம்...!
-
மனைவியை விட்டு பிறன்மனை தேடிச் சென்றவனை
மன்னித்து ஏற்றுக்கொள்ளும் மனைவிமார்களில்
சிறந்த ஒருவருக்கு கண்ணகி விருது கொடுக்கலாம்..!

Sponsored content · Sponsored content

சிறந்த தாயார் விருது பெற்ற ‘இரும்புப் பெண்மணி’ ஜமிலா

சிறந்த தாயார் விருது பெற்ற ‘இரும்புப் பெண்மணி’ ஜமிலா

Re: சிறந்த தாயார் விருது பெற்ற ‘இரும்புப் பெண்மணி’ ஜமிலா

Re: சிறந்த தாயார் விருது பெற்ற ‘இரும்புப் பெண்மணி’ ஜமிலா

Re: சிறந்த தாயார் விருது பெற்ற ‘இரும்புப் பெண்மணி’ ஜமிலா

Re: சிறந்த தாயார் விருது பெற்ற ‘இரும்புப் பெண்மணி’ ஜமிலா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக