“இரவில் எனது படுக்கையறையில்” - ஓவியப் பெண்

**ayyasamy ram** · **ayyasamy ram** Sat 27 Sep 2014 - 8:47

-
ஆய கலைகள் 64 என்பார்கள். ஒரு விடயத்தை அழகுடனும் நேர்த்தியுடனும் பார்ப்போர், கேட்போருக்கு சுவைபட வழங்கி, அவர்களது சிந்தையில், உணர்வில் ஓரளவாவது அசைவை ஏற்படுத்துவதே கலை என்று கூறலாம்.
-
சிலருக்கு இயற்கையாகவே சில திறமைகள் அமைந்திருக்கும். சிலர் தாமாகவே திறமைகளை வளர்த்துக் கொள்வார்கள். அதிலும் சிலர் மாத்திரம்தான் தமது கலைகளின் ஊடாக சாதனைகளை செய்து உலகின் கவனத்தை தன்பால் ஈர்க்கின்றனர்.
-
அந்தவகையில் நியூயோர்க்கை சேர்ந்த 21 வயதுடைய பெண்ணொருவர் தன்னுடைய வித்தியாசமான ஓவிய ஆற்றலால் உலகில் பலருடைய பார்வைகளை தன்மீது விழவைத்துள்ளார்.
-
ஓவியம் வரைவதில் திறமைமிக்க இப்பெண், தனது எண்ணங்களை வண்ணமாக்க காகிதத்தை தேடவில்லை. மாறாக தனது முகத்தையே வண்ணங்களால் மின்னச்செய்துள்ளார்.
-
அழகான சிங்கங்கள் முதல் பதற வைக்கும் பேய்கள் என பல வடிவங்களை இவர் தனது முகத்தில் வரைகிறார்.
இவர், தனது முகத்தில் வரையும் ஓவியங்களை இன்ஸ்டகிராமில் பதிவேற்றம் செய்து வருகிறார். இவரது இணையத்தளத்தை 6,000க்கும் மேற்பட்டோர் பின்தொடர்கின்றனர்.
-
நான் இதனை ஒரு பொழுது போக்காகவே செய்து வருகின்றேன். இரவில் எனது படுக்கையறையில் வரைந்து பார்ப்பேன். அப்போதுதான் யாரும் என்னை பார்க்கமாட்டார்கள். அதுமட்டுமின்றி, நான் யாருக்கும் இவ்வாறு செய்து வரைந்து காண்பிப்பதுமில்லை.
-
ஒருநாள் நான் வெளியிலுள்ள மின்விளக்குகளை அணைப்பதற்காக சென்றேன். அப்போது என்னை பார்த்துவிட்டு பாதையில் சென்றவர்கள் பயந்தே போய்விட்டனர். சிலர் ஆச்சரியத்தின் எல்லைக்கே சென்றுவிட்டனர் என அவர் தெரிவித்துள்ளார்.
-
------------------
நன்றி: தமிழ் செய்திகள் - நெட்