கபில்தேவுக்கு வாழ்நாள் சாதனையாளர் விருது !

**krishnaamma** · **krishnaamma** Fri Sep 26, 2014 7:17 pm

லண்டன்: லண்டனில் உள்ள ‘ஹவுஸ் ஆப் லார்ட்சில்’ நடந்த நிகழ்ச்சியில், முன்னாள் இந்திய கிரிக்கெட் அணி கேப்டன் கபில்தேவுக்கு, வாழ்நாள் சாதனையாளருக்கா விருது வழங்கி கவுரவிக்கப்பட்டார்.

இந்திய – ஐரோப்பிய வர்த்தக அமைப்பு சார்பில், வாழ்நாள் சாதனையாளர் விருது வழங்கும் நிகழ்ச்சி, லண்டனில் உள்ள ‘ஹவுஸ் ஆப் லார்ட்சில்’ நடந்தது. இவ்விருது முன்னாள் இந்திய கிரிக்கெட் அணி கேப்டன் கபில்தேவுக்கு வழங்கப்பட்டது. இவர் 1983ல் இந்தியாவுக்கு முதன்முதலில் உலக கோப்பை வென்று தந்தது மற்றும் குஷீ சங்கம் சார்பில் ஏழை மற்றும் ஆதரவற்றோர்களின் முன்னேற்றத்துக்கு பாடுபட்டது உள்ளிட்ட காரணங்களுக்காக கிடைத்தது.

கபில்தேவ் கூறுகையில், ‘‘இந்தியனாக இருப்பதில் பெருமை அடைகிறேன். தற்போதுள்ள நிலையில், இந்தியா, உலக அளவில் எந்த நாட்டுடனும் வர்த்தகத்தில் ஈடுபட தயாராக உள்ளது. எனக்கு இங்கிலாந்தை பிடிக்காது. ஏனெனில் பிரிட்டிஷ்காரர்கள் இந்தியாவை ஆட்சி செய்தனர். அதேவேளையில், அவர்களால் சிறப்பாக விளையாட முடியாத கிரிக்கெட்டை எங்களுக்கு வழங்கியதில் மகிழ்ச்சி. அவர்கள் மூலம் வந்த ஆங்கில மொழியை என்னால் நன்றாக பேச முடியாது,’’ என்றார்.

நன்றி : தினமலர்