சிருமியை உயிருடன் புதைத்துக் கொலை செய்த சித்தி .

உமேரா · உமேரா Thu 25 Sep 2014 - 17:43

ஆக்ராவில் சிறுமியின் வாயில் துணியை அடைத்து, உயிருடன் புதைத்துக் கொலை செய்த சித்தி கைது செய்யப்பட்டுள்ளார்.

ஹரிபூர் காவல் நிலையத்திற்கு உட்பட்ட சாஸ்திரிபுரம் பகுதியைச் சேர்ந்த சிறுமி சுமிக்‌ஷா. அவரது சித்தி அர்சனா. சிறுமி சுமிக்‌ஷாவை கடந்த ஞாயிற்றுக் கிழமையில் இருந்து காணவில்லை.

அர்சனாவும் சுமிக்‌ஷாவை காணவில்லை என்று தனது கணவரிடம் தெரித்துள்ளார். ஆனால் சிறுமியை ஞாயிறு அன்று உயிருடன் மண்ணுக்குள் குழி தொண்டி புதைத்துள்ளார்.

சிறுமியின் வாயில் துணியை வைத்து அவரது சத்தம் வெளியே கேட்டகாத வண்ணம் கொடுமையாகக் கொலை செய்துள்ளார். பின்னர் அர்சனா இந்த விவகாரத்தை தனது உறவினர் ஒருவரிடம் தெரிவித்துள்ளார். அவர் இந்தத் தகவலைக் காவல் துறையினரிடம் தெரிவித்துள்ளார்.

இதைத் தொடர்ந்து, உடனடியாக காவல் துறையினர் சம்பவ இடத்திற்குச் சென்று சிறுமியின் உடலை மீட்டனர். இறந்து கிடந்த சிறுமியின் வாயில் இருந்து துணி கண்டுபிடிக்கப்பட்டது.

இதனால் அர்சனாவை காவல் துறையினர் கைது செய்துள்ளனர். அவர் மீது கொலை வழக்குப் பதிவு செய்யப்பட்டுள்ளது. சிறுமி கொடூரமாக கொலை செய்யப்பட்ட சம்பவம் அங்கு பெரும் பரபரப்பை ஏற்படுத்தியுள்ளது.

இது தொடர்பாக காவல் துறையினர் விசாரணை நடத்தி வருகின்றனர். சிறுமி கொடூரமாகக் கொலை செய்யப்பட்டதற்கான காரணம் குறித்து காவல் துறையினர் விசாரித்து வருகின்றனர்.
நன்றி செய்திகள்.