கருப்புக்கொடி ஏற்றுவோம் வாரீர்

by karaumalaithamizhazhan Mon Sep 22, 2014 4:06 pm

கருப்புக்கொடி ஏற்றுவோம்   வாரீர்
                                                            பாவலர் கருமலைத்தமிழாழன்
                        கருப்புக்கொடி    கருப்புக்கொடி   வீடு   தோறும்
                                    கண்டனத்தைத்    தெரிவிக்க   ஏற்று   வோமே
                        நறுந்தமிழர் நறுந்தமிழர்    உயிரெ ரித்தே
                                    நல்லவன்போல்   வேடமிடும்   இராச   பக்சே
                        மறுபடியும்   மறுபடியும்   ஐ நா   மன்றில்
                                    மறுத்துரைக்க    அனுமதியைத்   தந்த   தற்கே
                        கருப்புக்கொடி   கருப்புக்கொடி   வீடு   தோறும்
                                    கண்டனத்தைத்   தெரிவிக்க   ஏற்று   வோமே !

                        கருஞ்சட்டை   அணிந்திடுவோம்    ஆண்க   ளெல்லாம்
                                    கருஞ்சேலை   உடுத்திடுவோம்   பெண்க ளெல்லாம்
                        கருப்புதினம் எனஉலகோர்   அறியும்   வண்ணம்
                                    கருமுகில்கள்   சூழ்ந்ததுவோ என்னு   மாறு
                        தெருவெல்லாம்    கருப்புதுணி   பதாகை   கட்டி
                                    தெரியாமல்   தமிழகந்தான்   மறையு   மாறு
                        அருந்தமிழா    செய்திடுவோம் ! கலைஞர்   சொல்லை
                                    அகமேற்று   ஐ நாவின்   செயல்கண்   டித்தே !

                        கலிங்கத்தை   வென்றிட்ட   வீரர்   நம்மோர்
                                    காண்இமயக்   கல்லெடுத்துக்   கனக   விசயர்
                        தலைமீது   சுமக்கவைத்தும்    கடாரத்   தையே
                                    தம்மாட்சிக்   கீழ்கொணர்ந்த   வீரர் நம்மோர்
                        எலிஉருவ   இலங்கையையும்    வென்ற   வர்நாம்
                                    எக்காள    மிடும்இராச   பக்சே   வுக்குப்
                        புலிநிகர்த்த வீரர்நாம்   என்று ணர்த்த
                                    புறப்படுவோம்   கருப்புக்கொடி   கையி லேந்தி !

                        உலகமறைத்   திருக்குறளைத்   தந்த இனத்தை
                                    உயரியஐந் திலக்கணத்தைத் தந்த   இனத்தை
                        உலகத்தின் மூத்தகுடி   தமிழி   னத்தை
                                    உருகுலைய   வைத்திட்ட   இராசபக்   சேவை
                        உலகத்தை    மதிக்காத   இராசபக்   சேவை
                                    உலகின்முன் குற்றவாளி கூண்டில்   ஏற்ற
                        கலைஞர்தம்   ஆணையினை   சிரமே   லேற்றிக்
                                    கருப்புக்கொடி   கரத்திலேற்போம்   வாரீர்! வாரீர்!

                        தளபதிதாம்   சென்றங்கே   ஐ நா   மன்றில்
                                    தகுந்தபல   ஆதாரம்   எடுத்துக்   காட்டி
                        உளம்முழுதும்   கொலையுணர்வு   அரக்க   னாக
                                    உலவுகின்ற   இராசபக்சே   முகம்கி   ழித்தும்
                        களம்கண்ட   வீரன்போல்   ஐ நா   மன்றில்
                                    காட்சிதர   அனுமதியைத்   தந்த   தற்கே
                        வளத்தமிழா   ஆர்த்தெழுந்தே    எதிர்பைக்   காட்ட
                                    வான்உயரக்   கருப்புக்கொடி   ஏற்று   வோம்வா !

                        உலகத்து    நாடுகளின் தூதர்   கட்கே
                                    உண்மையிளை    தளபதிதாம்   எடுத்து   ரைக்க
                        உலகத்தின் பலதலைவர்   கண்ட   னத்தை
                                    உரியவழி   தெரிவித்தும்   தமிழர்   தம்மின்
                        குலமழித்த   இராசபக்சே    பேசு   தற்கே
                                    குறுமதியால்   அனுமதித்த ஐ நா விற்கே
                        பலமாக   நம்எதிர்ப்பைக்   காட்டு   தற்கே
                                    பாய்ந்தெழுவோம்   கருப்புக்கொடி   கையி   லேந்தி !

                        உண்மையினைக்   கண்டறிய   ஐ நா   மன்றம்
                                    உரைத்தகுழு   இலங்கைக்குள்   நுழைவ   தற்குத்
                        திண்ணமுடன்   இராசபக்சே    தடைவி   தித்தும்
                                    திமிராக   அனுமதிக்க   மறுத்த    போதும்
                        கண்டிக்கத்   துணிவின்றி   மன்றத்   துள்ளே
                                    கருத்துரைக்க   அனுமதித்த   செயலெ   திர்த்தே
கருப்புக்கொடி ஏற்றுவோம் வாரீர் Clip_image002

கருப்புக்கொடி ஏற்றுவோம் வாரீர் Clip_image002

                        பன்னாடும்   உணர்தற்கே   கருப்புக்   கொடியால்
                                    பார்கண்ணை   மூடிடுவோம் எழுந்து   வாரீர் !

                        அடலேறே   கலைஞர்தம்    உடன்பி   றப்பே
                                    ஆரியத்ததின்   சூழ்ச்சிகளை   வென்ற   வர்நாம்
                        கடலலையாய்   ஆர்த்தெழுந்தே   பகையை   வெல்லும்
                                    கனல்வீர   மரபினிலே   பிறந்த   வர்நாம்
                        விடல்இன்னும்   நமக்கிழுக்கு   இராசபக்   சேவின் பாவலர்
                                    வினைகளுக்கு   முடிவுகட்ட !   கலைஞர் தம்மின்             கருமலைத்தமிழாழன்
                        படையாகப்   புறப்படுவோம்1   கருப்புக்   கொடியால்

                                    பார்உணரத்    தமிழினத்தைக்   காப்போம்   வாரீர் !