ISIS VIDEO - Flames of War - போர் தீப்பிழம்புகள்

ஐ.எஸ்.ஐ.எஸ் தீவிரவாதிகள் ”போர் தீப்பிழம்புகள்” புதிய பிரச்சார வீடியோவை வெளியிட்டு உள்ளனர்

ஈராக்கில் சன்னி முஸ்லிம் பிரிவைச் சேர்ந்த ஐ.எஸ்.ஐ.எஸ். தீவிரவாதிகள், 15 நகரங் களை கைப்பற்றியுள்ளனர். மேலும் சிரியாவின் ஒருபகுதியையும் கைப்பற்றி இரண்டையும் இணைத்து இஸ்லாமிய நாடாக அறிவித்து உள்ளனர். இதனால் பக்கத்து நாடுகளுக்கு அச்சம் ஏற்பட்டு உள்ளது.

ஐ.எஸ்.ஐ.எஸ் தீவிரவாதிகளால் அமெரிக்காவுக்கு மிரட்டல் இருக்கலாம் எனக்கூறப்பட்டது கடந்த ஆகஸ்டில் இருந்து அமெரிக்கா ஈராக் தீவிரவாதிகள் மீது 162 தடவை வான் வழியாக குண்டு வீசி தாக்குதல் நடத்தியுள்ளது.

ஐ.எஸ்.ஐ.எஸ் தீவிரவாதிகளுக்கு எதிராக போரிட 30 நாடுகள் ஒன்றிணைந்து உள்ளன. இந்த நாடுகள் அடுத்த வாரம் நடைபெறும் ஐநா பொதுக்கூட்டத்தில் கலந்து கொள்கின்றன.அப்போது தீவிரவாதிகள் மீது நடவடிக்கை எடுப்பது தொடரபாக விவாதிக்கபடுகிறது.

இந்த நிலையில் ஐ.எஸ்.ஐ.எஸ் தீவிரவாதிகள் ஹாலிவுட் ஸ்டைலில் ஒரு பிரசார வீடியோவை வெளியிட்டு உள்ளனர் அதன் பெயர் ”போர் தீப்பிழம்புகள்”. இந்த வீடியோவை வாஷிங்டனை சேர்ந்த மத்திய கிழக்கு மீடியா ஆராய்ச்சி நிறுவனத்தால் மே மாதம் நிறுவப்பட்ட அல் ஹயாத் மீடியா வெளியிட்டு உள்ளது.52 வினாடிகள் ஓடும் இந்த வீடியோ முதல் பார்வையில் இது ஓரு வீடியோ கேம் போல் உள்ளது.டாங்கிகள் வெடிக்கிறது. தொடர்ந்து போர் தீப்பிழம்புகள் (Flames of War) என வருகிறது. தொடர்ந்து சண்டை தொடங்கிவிட்டது என வருகிறது. வீடியோ விரைவில் வருகிறது என முடிகிறது.

வெளிநாட்டு கைதிகள் கொலைகள் காட்டும் முந்தைய வீடியோக்கள் போல் இல்லாமல் இந்த வீடியோ, அதிக தரத்தில் சினிமா பாணியில் தயாரிக்கபட்டு உள்ளது.