உண்ணாவிரதம் மேற்கொள்ளப்படும் வேலையற்ற பட்டதாரிகள் எச்சரிக்கை

உண்ணாவிரதம் மேற்கொள்ளப்படும் வேலையற்ற பட்டதாரிகள் எச்சரிக்கை


2011ஆம் ஆண்டு பட்டப்படிப்பினை பூர்த்திசெய்த போதும் இதுவரையில் தங்களுக்கு பட்டதாரிகள் நியமனம் வழங்கப்படாததை நினைவுபடுத்தியும் விரைவில் தங்களுக்கு நியமனங்களை வழங்க நடவடிக்கையெடுக்குமாறு வலியுறுத்தியும் மட்டக்களப்பு மாவட்ட வேலையற்ற பட்டதாரிகள் சங்கத்தினால் கவனயீர்ப்பு பேரணி ஒன்று நடத்தப்பட்டது.

மட்டக்களப்பு நகரின் காந்திபூங்காவில் இருந்து மட்டக்களப்பு மாவட்ட செயலகம் வரையில் அமைதியான முறையில் இந்த பேரணி நடத்தப்பட்டது.

மட்டக்களப்பு மாவட்ட வேலையற்ற பட்டதாரிகள் சங்கத்தின் தலைவர் யு.உதயவேந்தன் தலைமையில் இடம்பெற்ற இந்த போராட்டத்தில் மட்டக்களப்பு மாவட்டத்தில் உள்ள 2011ஆம் ஆண்டு பட்டத்தினை பூர்த்திசெய்து இதுவரையில் வேலை கிடைக்காத பட்டதாரிகள் கலந்துகொண்டனர்.

ஜனாதிபதி அவர்களே எங்களுக்கு ஒரு தீர்வை பெற்றுத்தாருங்கள்மிக விரைவில் நியமனம் வேண்டும்தொழில் இல்லாமல் பாதிக்கப்பட்ட பட்டதாரிகள் நாம் எமக்கு குரல் கொடுக்க எவருமில்லை´ போன்ற வாசகங்கள் எழுதப்பட்ட சுலோகங்களை இவர்கள் தாங்கியிருந்தனர்.

தங்களுடன் பட்டத்தினை பூர்த்தி செய்தவர்கள் வேலைபெற்று தற்போது தொழில்புரிந்துவருகையில் தங்களுக்கு இதுவரையில் நியமனம் வழங்கப்படாதது கவலையளிப்பதாக இதில் கலந்துகொண்டோர் தெரிவித்தனர்.

பட்டதாரிகள் நியமனம் வழங்கும் திகதிக்கு சில தினங்களுக்கு பின்னரே தமக்கு பட்டப்படிப்பு பூர்த்திசெய்யப்பட்டதாகவும் அதற்கு காரணம் பல்கலைக்கழகத்தில் ஏற்பட்ட தாமதமே காரணம் எனவும் இவர்கள் குற்றஞ்சாட்டினர்.

கடந்த காலத்தில் தமக்கு நியமனம் வழங்கப்படும் என உறுதியளிக்கப்பட்டபோதிலும் இதுவரையில் தமக்கு நியமனங்கள் வழங்கப்படவில்லையெனவும் இதன்போது கருத்து தெரிவித்த மட்டக்களப்பு மாவட்ட வேலையற்ற பட்டதாரிகள் சங்கத்தின் தலைவர் யு.உதயவேந்தன் தெரிவித்தார்.

மட்டக்களப்பு மாவட்டத்தில் 2011ஆம் ஆண்டு பட்டப்படிப்பினை பூர்த்திசெய்து இதுவரையில் வேலைகள் அற்ற நிலையில் நூற்றுக்கும் மேற்பட்டோர் உள்ளதாகவும் அவர் தெரிவித்தார்.

தங்களது கோரிக்கைகள் ஏற்றுக்கொள்ளப்பட்டு இந்த ஆண்டுக்குள் நியமனங்கள் வழங்க நடவடிக்கையெடுக்கவேண்டும்.அல்லாது போனால் மட்டக்களப்பு பஸ் நிலையத்துக்கு முன்பாக தொடர்ச்சியான உண்ணாவிரத போராட்டங்களை நடத்தவுள்ளதாகவும் அவர் தெரிவித்தார்.

இந்த கவனயீர்ப்பு போராட்டத்தினை தொடர்ந்து மாவட்ட செயலகத்தில் மேலதிக அரசாங்க அதிபர் எஸ்.கிரிதரனை சந்தித்து தமது நிலைமைகள் தொடர்பில் கலந்துரையாடியதுடன் மகஜர் ஒன்றினையும் கையளித்தனர்.

ஹலோ.............புதியவரே .........பார்த்து பதிவிடுங்கள்...............இது 'தினசரி செய்திகள் ' என்கிற இடத்தில் போடணும்.............'இந்து' வில் போட்டிருக்கீங்க ...................முதலில் தளத்தை நன்கு பார்வை இடுங்கள் .பிறகு பதிவிடுங்கள் .......சரியா?

இப்போ நான் மாற்றிவிட்டேன் !