இருளாகும் எதிர்காலம்

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள் :: மரபுக் கவிதைகள்

Page 1 of 1 •

இருளாகும் எதிர்காலம்

#1088035

karaumalaithamizhazhan
புதியவர்: பதிவுகள் : 30
இணைந்தது : 14/09/2014

Post karaumalaithamizhazhan Tue Sep 16, 2014 12:31 pm

இருளாகும் எதிர்காலம்
பாவலர் கருமலைத்தமிழாழன்
தமிழினத்தின் முகவரியே
தமிழ்மொழிதான் ! தமிழ்மொழியைத்
தமிழினமே நாமிழந்தால்
தரணியிலே நாமழிவோம் !
காணும்மொழி அன்றுதமிழ்
காணவைக்கும் கண்ணேதமிழ்
பேணுவதை விட்டுவிட்டால்
பொறிபார்வை இழந்துவிடும் !
எழுத்துமொழி மட்டுமன்று
எழுகின்ற உணர்வுமொழி
பழுதடைய விட்டுவிட்டால்
பறிபோகும் நம்முரிமை !
பண்பாட்டின் பெருஞ்சின்னம்
பழகிநிற்கும் தமிழ்மொழிதான்
இன்பமொழி நாமிழந்தால்
இருக்குமிடம் அழிந்துவிடும் !
உடலாடை போன்றதன்று
உயிராடை தமிழ்மொழிதான்
உடலியக்கும் உயிர்பிரிந்தால்
உன்வாழ்வும் முடிந்துவிடும் !
அம்மாவின் குருதிவழி
அகிலத்தைச் சொன்னமொழி
மம்மியென்று மாறிவிட்டால்
மண்ணுரிமை பறிபோகும் !
பேசுகின்ற தமிழ்நாக்கைப்
பிடித்திழுத்துப் பிறர்நாக்கில்
பேசுகின்ற ஊமையராய்ப்
பெருமுட்டாள் நிலையானோம் !
வீடிழந்தோம் தெருவிழந்தோம்
விடியலினைத் தேடுகின்ற
நாடிழந்த ஏதிலியாய்
நலிந்துவிட்டத் தமிழரானோம் !
தன்மானம் இனமானம்
தமிழ்மானம் காப்பதற்கே
இன்றேநாம் எழவிலையேல்
இருளாகும் எதிர்காலம் !
********

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

Page 1 of 1