சொத்து குவிப்பு வழக்கு: பெங்களூர் தனிக்கோர்ட்டில் ஜெயலலிதா புதிய மனு

by **சிவா** Mon Sep 15, 2014 9:57 pm

சொத்து குவிப்பு வழக்கில் பெங்களூர் தனிக்கோர்ட்டில் ஜெயலலிதா புதிய மனு ஒன்றை தாக்கல் செய்துள்ளார். அதில் பாதுகாப்பு காரணங்களை கருதி தனிக்கோர்ட்டை பரப்பன அக்ரஹாராவுக்கு மாற்ற வேண்டும் என்று கோரிக்கை விடுத்துள்ளார். அந்த மனு மனு மீது நாளை (செவ்வாய்கிழமை) விசாரணை நடைபெறுகிறது.

தமிழக முதல்–அமைச்சர் ஜெயலலிதா, சசிகலா, சுதாகரன், இளவரசி ஆகியோர் மீதான சொத்து குவிப்பு வழக்கு பெங்களூர் தனிக்கோர்ட்டில் நடைபெற்று வருகிறது. இந்த வழக்கில் இறுதி வாதம் நிறைவடைந்து வருகிற 20–ந் தீர்ப்பு வழங்கப்படும் என்று பெங்களூர் தனிக்கோர்ட்டு அறிவித்து உள்ளது. இந்த நிலையில் பெங்களூர் தனிக்கோர்ட்டில் ஜெயலலிதா சார்பில் ஒரு புதிய மனு தாக்கல் செய்யப்பட்டது.

அந்த மனுவில், “சொத்து குவிப்பு வழக்கில் 20–ந் தேதி தீர்ப்பு வழங்கப்படும் என்றும், வழக்கில் குற்றம் சாட்டப்பட்டு உள்ளவர்கள் நேரில் ஆஜராக வேண்டும் என்றும் கோர்ட்டு உத்தரவிட்டுள்ளது. தமிழக முதல்–அமைச்சராக உள்ள ஜெயலலிதா ‘இசட்‘ பிரிவு பாதுகாப்பில் உள்ளார். தற்போது வழக்கு நடைபெறும் தனிக்கோர்ட்டில் போதிய பாதுகாப்பு வசதிகள் இல்லை. ஜெயலலிதா நேரில் வந்து வாக்குமூலம் அளித்தபோது சுப்ரீம் கோர்ட்டு உத்தரவுப்படி பரப்பன அக்ரஹாராவுக்கு கோர்ட்டு தற்காலிகமாக மாற்றப்பட்டது.

அதேபோல் தீர்ப்பு வழங்கப்படும் தினத்தன்று கோர்ட்டை பரப்பன அக்ரஹாராவுக்கு மாற்ற வேண்டும். போதிய பாதுகாப்பு ஏற்பாடுகளை செய்யுமாறு கர்நாடக அரசுக்கு உத்தரவிட வேண்டும்.”இவ்வாறு அந்த மனுவில் கூறப்பட்டுள்ளது.

இந்த மனுவை விசாரணைக்கு ஏற்றுக்கொண்ட நீதிபதி ஜான் மைக்கேல் குன்கா விசாரணையை மறுநாள்(அதாவது இன்றைக்கு) தள்ளிவைத்தார்.

by யினியவன் Mon Sep 15, 2014 10:16 pm

அம்மா சார்பா மனு குடுங்கப்பா - கொடைநாட்டுக்கு மாத்த சொல்லி

சொத்து குவிப்பு வழக்கு: பெங்களூர் தனிக்கோர்ட்டில் ஜெயலலிதா புதிய மனு

சொத்து குவிப்பு வழக்கு: பெங்களூர் தனிக்கோர்ட்டில் ஜெயலலிதா புதிய மனு

Re: சொத்து குவிப்பு வழக்கு: பெங்களூர் தனிக்கோர்ட்டில் ஜெயலலிதா புதிய மனு