புதிய சாலைப்பாதுகாப்பு மசோதா: கடும் அபராதம் மற்றும் 7 ஆண்டு சிறை

by **சிவா** Sun Sep 14, 2014 5:21 am

சாலைப் பாதுகாப்பு மற்றும் போக்குவரத்து மசோதா 2014, என்ற புதிய மசோதா பற்றி மக்கள் கருத்தைக் கேட்டுப் பரிசீலிக்க இன்று (சனிக்கிழமை) வெளியிடப்பட்டது.

மேலும் குழந்தைகள் சாலை விபத்தில் பலியானாலோ அல்லது ஓட்டுனரின் அலட்சியத்தினால் பலியானாலோ காரணமான நபர்களுக்கு ரூ.3 லட்சம் அபராதம் முதல் 7 ஆண்டு சிறைத் தண்டனை வரை கொடுக்க இந்த மசோதாவில் பரிந்துரை செய்யப்பட்டுள்ளது.

பள்ளி வாகனங்களை மது அருந்திவிட்டு ஓட்டும் ஓட்டுனர்களுக்கு முதல் முறைக் குற்றம் இழைத்தால் 3 ஆண்டுகள் சிறையும், ரூ.50,000 வரையிலும் அபராதம் விதிக்கப்படலாம் என்றும் முன்மொழியப்பட்டுள்ளது.

குடித்து விட்டு வாகனம் ஓட்டும் இளைஞர்களின் வாகன உரிமம் உடனடியாக ரத்து செய்யப்படவும் ரூ.25,000 அபராதம் விதிக்கவும் பரிந்துரைகள் மேற்கொள்ளப்பட்டுள்ளது.

மேலும் சிகப்பு சிக்னலை மீறி வாகனம் ஒட்டிச் செல்பவர்கள் 3ஆம் முறையாக மீறல் செய்யும் போது ரூ.15,000 அபராதம் மற்றும் ஓட்டுனர் உரிமம் ரத்து மேலும் கட்டாய பயிற்சிக்கும் இவர்கள் அனுப்பப்படுவர்.

நாட்டில் ஆண்டொன்றிற்கு 1.4 லட்சம் பேர் சாலை விபத்துகளில் பலியாகின்றனர். உலகிலேயே சாலை விபத்து மரணங்களில் இந்தியா முதலிடத்தில் உள்ளது.

"இந்த புதிய மசோதா விபத்தினால் பாதிக்கப்படுவோர்களுக்கு உடனடி ஆறுதல் அளிக்கும். மேலும் லட்சக்கணக்கானோர் உயிரைப் பாதுகாக்கவும் உதவும் என்று சாலைகள் மற்றும் நெடுஞ்சாலைத் துறை மத்திய அமைச்சர் நிதின் கட்காரி தனது டிவிட்டரில் கூறியுள்ளார்.

இந்த மசோதா நாடாளுமன்ற குளிர்காலக் கூட்டத்தொடரில் தாக்கல் செய்யப்படலாம் என்று தெரிகிறது.

by சிவனாசான் Sun Sep 14, 2014 5:51 pm

மசோதா ,சட்டம் கொண்டு வரலாம். அதன்படி மதித்து செயல்படாதவரை...... நடைமுறையில் விருப்பு வெறுப்பு இன்றி சட்டப்படி காலம்கடத்தாமல் தண்டனை அளிக்கனுமே.........!!! அளித்தால் நலமேற்படும்.

by **krishnaamma** Sun Sep 14, 2014 6:09 pm

குடித்து விட்டு ஓட்டுவது மட்டுமேவிபத்துகளுக்கு காரணம் இல்லையே சிவா, இந்த போன் பேசிண்டே ஓட்டறா பாருங்கோ ஆண்டு முதலில் 100% நிறுத்தப்படவேண்டும்....................மகா பாவிகள் கண் கருத்து எல்லாம் போன் மேலே......வண்டி மட்டும் ரோடுமேலே.................அப்புறம் அக்சிடென்ட் ஆகாமல் எப்படி????????????? கோபம்

இந்த போன் பேசுவது பற்றி மசோதாவில் இல்லையே??????????????? சோகம்

by **தமிழ்நேசன்1981** Sun Sep 14, 2014 7:47 pm

விலைமதிப்பில்லாத மனித உயிர்களை பெயர் தெரியாத நோய்கள் போக்குவது போதும்.. விபத்துகள் மனிதர்களின் கவனக்குறைவாலும் விதிமீறல்களாலும் உருவாகின்றன.. அதற்கு காரணம் அலட்சிய மனோபாவம்தான்...பாவம் விபத்துக்குள்ளாபவர்கள்.. சட்டம் மிக மிக கடுமையாக்கப்பட்டால்தான் அலட்சிய மனோபாவம் கொஞ்சமாவது விலகும்..

by Sponsored content

புதிய சாலைப்பாதுகாப்பு மசோதா: கடும் அபராதம் மற்றும் 7 ஆண்டு சிறை

புதிய சாலைப்பாதுகாப்பு மசோதா: கடும் அபராதம் மற்றும் 7 ஆண்டு சிறை

Re: புதிய சாலைப்பாதுகாப்பு மசோதா: கடும் அபராதம் மற்றும் 7 ஆண்டு சிறை

Re: புதிய சாலைப்பாதுகாப்பு மசோதா: கடும் அபராதம் மற்றும் 7 ஆண்டு சிறை

Re: புதிய சாலைப்பாதுகாப்பு மசோதா: கடும் அபராதம் மற்றும் 7 ஆண்டு சிறை

Re: புதிய சாலைப்பாதுகாப்பு மசோதா: கடும் அபராதம் மற்றும் 7 ஆண்டு சிறை