ராயல் என்ஃபீல்ட் தண்டர்பேர்டு

**சிவா** · **சிவா** Fri Sep 12, 2014 2:57 am

First topic message reminder :

ராயல் என்ஃபீல்ட் தண்டர்பேர்டு - Page 2 P49

ராயல் என்ஃபீல்டு பைக்குகளுக்கு, எப்போதும் இந்திய வாடிக்கையாளர்கள் மனதில் தனி இடம் உண்டு. 50 ஆண்டுகளையும் தாண்டி இந்தியாவில் வெற்றிகரமான மோட்டார் சைக்கிள் நிறுவனமாக ராயல் என்ஃபீல்டு இருப்பதற்குக் காரணம், அதன் மீது இருக்கும் 'லைஃப் ஸ்டைல்’ இமேஜ்தான்! அன்றாடப் போக்குவரத்துக்கான பைக்குகள் சூழ்ந்திருக்கும் இந்திய மார்க்கெட்டில், தனித்துவத்தோடு தெரிய விரும்புவர்களுக்கான சாய்ஸாக தொடர்ந்து இருந்து வருகிறது ராயல் என்ஃபீல்டு.

ஒவ்வொரு மோட்டார் சைக்கிள் நிறுவனமும், சின்னச் சின்ன மாற்றங்களுடன் ஒன்று அல்லது இரண்டு ஆண்டுகளுக்கு ஒருமுறை 'புத்தம் புதிய பைக்’ என்று பழைய பைக்கையே வெளியிடும். ஆனால், ராயல் என்ஃபீல்டு பைக்குகளில் அடிக்கடி மாற்றங்களை எதிர்பார்க்க முடியாது. அப்படி மாற்றங்கள் செய்கிறது என்றால், அது 'ஜஸ்ட் லைக் தட்’ மாற்றமாக இருக்காது. புத்தம் புதிய 'தண்டர்பேர்டு 500’ என்ற பெயருக்கு ஏற்றபடி, உண்மையிலேயே பெரிய மாற்றங்களுடன் புதிய பைக்காக விற்பனைக்கு வந்திருக்கிறது தண்டர்பேர்டு 500.

தண்டர்பேர்டு வரலாறு

இதுவரை இரண்டு மாற்றங்களைக் கண்டிருக்கிறது தண்டர்பேர்டு. முதலில் அலுமினியம் இன்ஜினுடனும், அதனைத் தொடர்ந்து 'யூனிட் கன்ஸ்ட்ரக்ஷன்’ இன்ஜினுடனும் வெளிவந்திருக்கும் தண்டர்பேர்டின் தோற்றத்தில், இதுவரை பெரிய மாற்றங்கள் செய்யப்படவில்லை. இப்போது தோற்றத்திலும், சிறப்பம்சங்களிலும் பல மாற்றங்கள் செய்திருக்கிறது ராயல் என்ஃபீல்டு!

ஸ்டைல்

புதிய தண்டர்பேர்டைப் பார்த்தவுடனே, பெரிய மாற்றமாகத் தெரிவது பெட்ரோல் டேங்க்தான். 20 லிட்டர் பெட்ரோல் டேங்க் பார்ப்பதற்குப் பிரம்மாண்டமாக இருக்கிறது. சின்ன புரொஜக்டர் விளக்குடன் இருக்கும் புதிய ஹெட்லைட், முன் பக்கத் தோற்றத்தை இன்னும் எடுப்பாக்கி இருக்கிறது. கிழக்குக் கடற்கரைச் சாலையில் நாம் தண்டர்பேர்டு 500 பைக்கை நள்ளிரவில் டெஸ்ட் செய்தோம். உண்மையிலேயே வெறும் ஸ்டைலுக்காக மட்டும் இல்லாமல், ஹெட் லைட் பவர்ஃபுல்லாகவும் இருப்பதை உணர முடிந்தது.

டயல்களைப் பொறுத்தவரை இரட்டைக் குடுவை டயல்கள். ஒன்று அனலாக். மற்றொன்று டிஜிட்டலில் இருக்கிறது. நீல வண்ணத்தில் மின்னும் டிஜிட்டல் டயலில் ஃப்யூல் இண்டிகேட்டரும், இரட்டை ட்ரிப் மீட்டரும், கடிகாரமும் இடம்பெற்று இருக்கின்றன. ஸ்பீடோ மற்றும் டேக்கோ மீட்டர்கள் அனலாக் ஆக உள்ளன. இந்திய பைக்குகளிலேயே முதன்முறையாக, இரட்டை டயல்களுக்கு நடுவே கார்களில் இருப்பதுபோல் வார்னிங் லைட் சுவிட்ச் வைக்கப்பட்டுள்ளது. இந்த சுவிட்சைத் தட்டினால், நான்கு இண்டிகேட்டர் விளக்குகளும் ஒரே நேரத்தில் அணைந்து அணைந்து ஒளிரும். நடு ரோட்டில் அல்லது இரவு நேரங்களில் பைக் நிற்கும்போது, இந்த விளக்குகள் மிகவும் உதவியாக இருக்கும். ரியர்வியூ கண்ணாடிகள் அகலமாகவும், பின்னால் வரும் வாகனங்களைத் தெளிவாகவும் காட்டுகின்றன. சாவி மற்றும் சைடு லாக் துவாரம் ஹேண்டில் பாரிலேயே வைக்கப்பட்டு இருக்கிறது.

பின் பக்கத்தைப் பொறுத்தவரை, பின் பக்க விளக்கில் ஐந்து நீளமான கோடுகள் போன்று எல்ஈடி விளக்குகள் பொருத்தப்பட்டுள்ளன. உயரம் குறைவானவர்களும் வசதியாக உட்கார்ந்து ஓட்டும் வகையில், புதிய தண்டர்பேர்டு இருக்கையின் உயரம் குறைக்கப்பட்டு இருக்கிறது. பின் பக்க இருக்கையும் இதுவரை ராயல் என்ஃபீல்டு பைக்குகளில் இல்லாத அளவுக்கு சொகுசாக இருக்கிறது. பின் பக்க இருக்கை தேவை இல்லை என்றால், அகற்றிவிட்டு பைகளை மாட்டிக் கொள்ள ஹூக் கொடுக்கப்பட்டுள்ளது. க்ரூஸர் பைக் என்பதற்கு சாட்சியாக, கால்களை வைக்க ஃபுட் ரெஸ்ட் இன்னும் முன்னால் தள்ளி வைக்கப்பட்டு இருப்பது சொகுசான ரைடிங் பொசிஷனை ஏற்படுத்தியிருக்கிறது.

இருக்கை உயரம் குறைவாக இருப்பதால், சுவிட்ச்சுகளைப் பொறுத்தவரை பெரிதாகக் குறை சொல்ல முடியாதபடி இருந்தாலும், நாம் டெஸ்ட் செய்த பைக்கில் ஃப்ளாஷ் லைட் வேலை செய்யவில்லை. கறுப்பிலேயே மூன்று வகையான கறுப்பு நிறங்களுடன் வெளிவந்திருக்கிறது தண்டர் பேர்டு 500. இதில் மேட் ஃபினிஷ்தான் சூப்பர்!

ஒட்டுமொத்தமாக ஃபிட் அண்டு ஃபினிஷில் முன்னேற்றம் தெரிந்தாலும், கிட்டத்தட்ட இரண்டு லட்ச ரூபாயை நெருங்கும் இந்த பைக்கின் தரம், சுமார் ரகம்தான்!

இன்ஜின்

கிளாஸிக் 500 பைக்கில் இருந்த அதே யூனிட் கன்ஸ்ட்ரக்ஷன் இன்ஜின் கறுப்பு வண்ண மாற்றத்தைத் தவிர, பெரிய மாற்றங்கள் எதுவும் இன்றி தண்டர்பேர்டு 500 பைக்குக்கு இடம் மாறியிருக்கிறது. 499 சிசி, சிங்கிள் சிலிண்டர், ஏர்-கூல்டு இன்ஜின் அதிகபட்சமாக 27.2 bhp சக்தியையும், 4000 ஆர்பிஎம்-ல் அதிகபட்சமாக 4.17 kgm டார்க்கையும் வெளிப்படுத்துகிறது. 500 சிசி இன்ஜினுக்கு இந்த பவர் ரொம்பவும் குறைவு என்பதோடு, தண்டர்பேர்டு 350 பைக்கைவிட வெறும் 7.4 bhp சக்திதான் அதிகம். செல்ஃப் ஸ்டார்ட் பட்டனைத் தட்டினால், கிளாஸிக்கை விட அதிகமான சத்தத்துடன் உயிர்பெற்று எழுகிறது தண்டர்பேர்டு 500. ஆக்ஸிலரேட்டரைக் கொஞ்சம் வேகமாக முறுக்கினாலே, அதிர்வுகளால் ஆட்டம் போட ஆரம்பித்து விடுகிறது. 1.75 லட்சம் ரூபாய் கொடுத்து தண்டர்பேர்டு 500 பைக்கை வாங்குபவர்களுக்கு இந்த அதிர்வுகள் இலவசமோ?

வேகத்தைப் பொறுத்தவரை, ஆக்ஸிலரேட்டரை முறுக்க முறுக்க சட்டென வேகம் பிடித்து விடுகிறது தண்டர்பேர்டு 500. அதிகபட்சமாக மணிக்கு 130 கி.மீ வேகத்தில் சென்றோம்.

நகருக்குள் ஓட்டும்போது, கியர்பாக்ஸ் மிகவும் அசௌகரியத்தை ஏற்படுத்துகிறது. ஒவ்வொரு கியரையும் மாற்றுவதற்கு தினமும் காலையில் எக்ஸ்ட்ராவாகச் சாப்பிட வேண்டும். கியர்களில் ஏறி நின்று மிதிக்க வேண்டியிருப்பதோடு, அடிக்கடி ஃபால்ஸ் நியூட்ரலும் விழுகிறது. கியர் பாக்ஸில் முன்னேற்றம் தேவை!

ஓட்டுதல் மற்றும் கையாளுமை

சீட்டின் உயரம் குறைவாகவும், ஃபுட் ரெஸ்ட் முன் பக்கமாகத் தள்ளி வைக்கப்பட்டு இருப்பதும், ஒரு சிறந்த க்ரூஸருக்கான ரைடிங் பொசிஷனை தண்டர்பேர்டில் ஏற்படுத்தி இருக்கிறது. சீட்டும் மிகவும் சாஃப்ட்டாக இருப்பதால், நீண்ட தூரம் தொடர்ந்து ஓட்டினாலும் வலி இல்லை. பெரிய பைக்கை ஓட்டுகிறோம் என்கிற ஃபீல் இல்லை என்பது பெரிய ப்ளஸ். பழைய பைக்கைவிட வீல் பேஸ் 20 மிமீ குறைக்கப்பட்டு இருப்பதால், வளைவுகளில் வளைத்து நெளித்து ஓட்டுவதற்குச் சிறப்பாக இருப்பதோடு, புதிதாகப் பொருத்தப்பட்டு இருக்கும் எம்ஆர்எஃப் டயர்களில் நல்ல கிரிப்!

இரண்டு வீல்களிலுமே டிஸ்க் பிரேக் பொருத்தப்பட்டு இருந்தாலும், பின் பக்க டிஸ்க் பிரேக் ஒப்புக்காக இருப்பது போலவே இருக்கிறது. முன் பக்க பிரேக்ஸ் படு ஷார்ப்!

மைலேஜ்

கிழக்குக் கடற்கரைச் சாலையில் நாம் ஓட்டிப் பார்த்தபோது, லிட்டருக்கு 29.9 கி.மீ வரை மைலேஜ் தந்தது தண்டர்பேர்டு 500. ஒருமுறை பெட்ரோல் டேங்க்கை நிரப்பினால், 600 கிமீ வரை பயணிக்கலாம்!

விகடன்

**krishnaamma** · **krishnaamma** Fri Sep 12, 2014 9:10 pm

சிவா wrote:
krishnaamma wrote:
சிவா wrote:
krishnaamma wrote:
ஏன் சிவா மேலே சொன்ன பைக் உங்களிடம் இல்லையா ?

இருக்கு அக்கா, ஆனால் அதற்கு ஷிவானி உரிமை கொண்டாடிவிட்டார்!
மேற்கோள் செய்த பதிவு: 1086992

பெண்களுக்கு ஒன்று சொல்லுவா :"பொண்ணு வரத்துக்குள்ளே பூட்டிக்கோ; மாட்டுப்பெண் வரத்துக்குள்ளே சாப்பிட்டுக்கோ" என்று வசனம் சொல்லுவாங்க ............இது ஆண்களுக்கும் பொருந்தும் என்று இன்று தான் தெரிந்து கொண்டேன்

சூப்பர் ஷிவானி இதை அவளுக்கு பார்சல் பண்ணிடுங்கோ

மேற்கோள் செய்த பதிவு: 1087009

நன்னா இருக்கு பைக் மற்றும் ஷிவானி போட்டோ புன்னகை

**ராஜா** · **ராஜா** Sat Sep 13, 2014 10:59 am

சிவா wrote:

ஒருவழியா , rayal enfield என்று எழுதி ஷிவானிக்கு சட்டை போட்டுவிட்டீர்கள் போல .... புன்னகை

**M.Saranya** · **M.Saranya** Sat Sep 13, 2014 3:13 pm

பைக் மிகவும் அழகாக உள்ளது.

என் கணவருக்கும் இதை வாங்க வேண்டும் என்று ஆசை....
எப்போது நிறைவேறுமோ தெரியவில்லை ....

RAJITAMIL008 · RAJITAMIL008 Sat Sep 13, 2014 4:54 pm

இப்போ இந்த பைக் என்ன விலை ? எங்கு கிடைக்கும் ?

**ஜாஹீதாபானு** · **ஜாஹீதாபானு** Sat Sep 13, 2014 5:33 pm

ராயல் என்ஃபீல்ட் தண்டர்பேர்டு - Page 2 3838410834

**krishnaamma** · **krishnaamma** Sat Sep 13, 2014 6:40 pm

ராஜா wrote:
சிவா wrote:

ஒருவழியா , rayal enfield என்று எழுதி ஷிவானிக்கு சட்டை போட்டுவிட்டீர்கள் போல ....

மேற்கோள் செய்த பதிவு: 1087134

அது சட்டையா ராஜா சிரி சிரி

**சிவா** · **சிவா** Sat Sep 13, 2014 10:03 pm

RAJITAMIL008 wrote:இப்போ இந்த பைக் என்ன விலை ? எங்கு கிடைக்கும் ?

விலை 148000. எக்ஸ்ட்ரா பிட்டிங் எல்லாம் சேர்த்து 160000 வரும்!

இது வாங்கிய இடம், மதுரை GGMotors தென்மாவட்டங்களுக்கு இங்கு தான் இதன் ஷோரூம் உள்ளது!

திருச்சி, கோவை, சென்னை என அனைத்து பெரிய நகரங்களிலும் இதன் ஷோரும் இருக்கும் என நினைக்கிறேன்!

GGMotors இந்த இணையத்தில் தங்களுக்கான உதவி கிடைக்கும்!

Sponsored content · Sponsored content

ராயல் என்ஃபீல்ட் தண்டர்பேர்டு

ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

Re: ராயல் என்ஃபீல்ட் தண்டர்பேர்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக