சுப்பிரமணிய சாமி மீது மேலும் ஒரு அவதூறு வழக்கு

சென்னை, செப்.10 - தமிழக முதல் அமைச்சர் ஜெயலலிதா சார்பில் சுப்பிரமணிய சாமி மீது சென்னை செசன்ஸ் கோர்ட்டில் மேலும் ஒரு அவதூறு வழக்கு தாக்கல் செய்யப்பட்டுள்ளது..

சென்னை முதன்மை செசன்ஸ் கோர்ட்டில் முதல் அமைச்சர் சார்பில் மாநகர அரசு வக்கீல் எம்.எல். ஜெகன தாக்கல் செய்த அவதூறு வழக்கு மனுவில் கூறியிருப்பதாவது:-

கடந்த செப்டம்பர் 4-ம் தேதி வெளியான டைம்ஸ் ஆப் இந்தியா பத்திரிக்கையில் பி.ஜே.பி. முன்னணி தலைவர் சுப்பிரமணிய சாமி பேட்டி கொடுத்துள்ளார். அதில் மீனவர் பிரச்சனை தொடர்பாக அவதூறான வகையில் பேசியுள்ளார் இவரது பேச்சானது தமிழக அரசுக்கும், முதல் அமைச்சரின் நற்பெயருக்கும், புகழுக்கும் களங்கம் ஏற்படுத்தும் வகையில் உள்ளது. இந்த செய்தியின் உண்மை தன்மை குறித்து விசாரிக்காமல், டைம்ஸ் ஆப் இந்தியா பத்திரிக்கை உள்நோக்கத்துடன் செய்தி வெளியிடப்பட்டுள்ளது. இந்த செய்தி அவதூறானது, உண்மைக்கு மாறானது..

இவ்வாறு அவதூறு செய்தி வெளியிட்ட டைம்ஸ் ஆப் இந்தியா பத்திரிக்கை ஆசிரியர் சுனில் நாயர் , வெளியீட்டாளர் சந்தானகோபால், மற்றும் பேட்டியளித்த சுப்பிரமணிய சாமி ஆகியோரை கிரிமினல் அவதூறு சட்டத்தின் கீழ் தண்டிக்க வேண்டும். இவ்வாறு அந்த மனுவில் கூறப்பட்டுள்ளது.

சுப்பிரமணிய சாமி கொடுத்த பேட்டி தொடர்பாக ஏற்கனவே ஒரு நாளிதழ் மீது முதல் அமைச்சர் சார்பில் நேற்று ஒரு அவதூறு வழக்கு தாக்கல் செய்யப்பட்டது என்பது குறிப்பிடத்தக்கது.

இந்த இரண்டு மனுக்களும் நீதிபதி ஆதிநாதன் முன்பு விரைவில் விசாரணைக்கு வரவுள்ளது.

சென்னை முதன்மை செசன்சு கோர்ட்டில் முதலமைச்சர் ஜெயலலிதா சார்பில் நகர குற்றவியல் தலைமை வக்கீல் எம்.எல்.ஜெகன் மனு ஒன்றை தாக்கல் செய்தார். அதில் அவர் கூறியிருப்பதாவது:

பிஜேபியின் முன்னணி தலைவரான சுப்பிரமணியசாமி பேட்டி அளித்ததாக, மீனவர் பிரச்சினையின் பின்னணியில் பிரபலங்கள் என்ற தலைப்பில், நாளிதழ் ஒன்றில் கடந்த 4-ந் தேதி செய்தி வெளியாகி இருந்தது. அதில் கூறப்பட்டுள்ள தகவல்கள் அனைத்தும் உண்மைக்கு புறம்பாக உள்ளன.

உண்மைத்தன்மை ஆராயாமல் செய்தி வெளியிடப்பட்டுள்ளது. அதில் கூறப்பட்டுள்ள கருத்துகள், முதலமைச்சர் ஜெயலலிதாவின் நற்பெயருக்கும், அவரது புகழுக்கும் இழுக்கு ஏற்படுத்துவதாக உள்ளது.எனவே அவதூறாக செய்தி வெளியிட்ட அந்த பத்திரிகையின் வெளியீட்டாளர் மற்றும் சுப்பிரமணியசாமி ஆகியோர் மீது கிரிமினல் அவதூறு சட்டத்தின்கீழ் நடவடிக்கை எடுக்க வேண்டும்.இவ்வாறு அதில் கூறப்பட்டுள்ளது. விரைவில் இந்த மனு விசாரணைக்கு வருகிறது.

இந்த ஆளை இன்னுமா வண்டலூர்ல அடைக்கல?