ஏழேழு ஜன்மத்திற்கும் நீதான் கணவன்

**T.N.Balasubramanian** · **T.N.Balasubramanian** Tue 9 Sep 2014 - 17:14

ஏழேழு ஜன்மத்திற்கும் நீதான் கணவன்

கார்த்திகை மாதம் பௌர்ணமி தினத்திற்கு அடுத்த நாலாம் தினம் வடநாட்டு பெண்கள் கொண்டாடும் ஒரு பண்டிகை "கார்வ சௌத் " சூரிய உதயம் முதல் ஆரம்பித்து , மாலை சந்திரனை தரிசிக்கும் வரை கல்யாணம் ஆன பெண்கள், உண்ணா நோன்பு இருந்து , தன்னுடைய கணவன் ஏழேழு ஜன்மத்திற்கும்
தனக்கே கணவனாக அமைய வேண்டும் என இறைவனை வேண்டி இருக்கும் நோன்பு . மாலை சந்திரனை கண்டபிறகு கணவன் கையால் பழரசம் பருகி விரதத்தை முடிப்பர் . கணவனும் அன்று அவர்களை வேலை எதுவும் செய்யவிடாமல் மனைவிக்கு உதவியாக இருப்பர்.
சமிப காலங்களில் கல்யாணம் ஆகாத, கல்லூரி மாணவிகளும் ,தங்கள் காதல் நிறைவேறவும் தன் காதலனே ஏழேழு ஜன்மத்திற்கும் காதல் கணவனாக வரவேண்டும் என்ற காரணத்திற்காக இந்த விரதத்தை அனுஷ்டிக்கிறார்கள் ( பாருங்கள் , புதுமையிலும் ஒரு பழமையை நம் நாட்டு பெண்களால் மட்டுமே கொண்டு வரமுடிகிறது )

ஆன்மீகத்தில் பதியவேண்டியது நகைச்சுவை பகுதியில் பதிவாகி உள்ளதே என்று குழப்பத்தை நீக்க ,
இதை சார்ந்து ஒரு நகைச்சுவை அனுபவிப்போம்

மேல் உலகத்தில் , சித்திர குப்தன் -- வானுலக கணக்காயர் , சிருஷ்டி கடவுள் பிரம்மாவிடம் வந்து முறை இடுகிறார் .
பிரபு , இந்த கார்வா சௌத் ,விரதத்திற்கு ஒரு முடிவு கட்டவேண்டும் . தொல்லை தாங்க முடியவில்லை என்கிறார் .
பிரம்மா," என்ன விஷயம் , என்ன தொல்லை "
சிகு : இந்த பெண்களெல்லாம் ஏழேழு ஜன்மத்திற்கும் இப்போதைய கணவனே ,கணவனாக வர வரம் வேண்டுகிறார்கள் .
பிரம்மா : இதில் என்ன கஷ்டம் ?
சிகு: கஷ்டமே இங்கேதான் .எல்லா கணவன்மார்களும் ,ஒத்தியோட ஏழேழு ஜன்மத்திற்கும் நம்மால சமாளிக்க முடியாது .ரொம்ப கஷ்டம் . ஆகவே ஜென்மத்திற்கு ஒரு புது மனைவிதான் வேண்டுமென்கிறார்கள் . மிகவும் யோசனை பண்ணவேண்டியது . ந்யாயம் இருப்பதாகவே எனக்கு தோன்றுகிறது.
பிரம்மாவிற்கும் சரி என்றே பட்டாலும் , எப்படி சமாளிப்பது என்று தெரியவில்லை !
அந்த சமயத்தில் நாரத முனிவர் அங்கு வந்து சேருகிறார். அவரிடம் யோசனை கேட்கிறார்கள்
அவர்கள் கவலையை போக்க , இதற்கு சரியான தீர்ப்பை , சுக்ஹ்சிங் , என்கிறவர் , பஞ்சாபில் இருக்கிறார்கள் . அவர் கொடுப்பார் என்கிறார் .
அதன் படி சி கு , சிங்கை பார்த்து , கஷ்டத்தை தெரிவித்து , யோசனை ஒன்றை கூற சொல்லுகிறார்கள் .
அதற்கு சிங்கும் ," என்ன இதெல்லாம் பெரிய பிராப்ளமா என்ன .ஜுஜுபி எனக்கு இது" .விரதம் இருந்து இப்போதைய கணவனே ஏழு ஜன்மத்திற்கும் கணவனாக வேண்டும் என்கிற பெண்களிடம் கூறுங்கள் ," உங்கள் விருப்பப் படியே , இப்போதைய கணவனே ஏழேழு ஜன்மத்திற்கும் உங்கள் கணவன் . அதே போல் அவருடைய தாயாரும் உங்களுக்கு ஏழேழு ஜன்மத்திற்கும் மாமியாராக இருப்பார்கள் "
என்றார் .
ஆஹா சர்தார்ஜி அருமை அருமை என்று சி கு விடை பெற்றார்

ரமணியன்

**சிவா** · **சிவா** Tue 9 Sep 2014 - 17:20

" உங்கள் விருப்பப் படியே , இப்போதைய கணவனே ஏழேழு ஜன்மத்திற்கும் உங்கள் கணவன் . அதே போல் அவருடைய தாயாரும் உங்களுக்கு ஏழேழு ஜன்மத்திற்கும் மாமியாராக இருப்பார்கள் "

ஹா ஹா ஹா ஹா....!!!!

இதற்குப் பிறகு எந்தப் பெண்ணாவது கார்வ சௌத் விரதம் மேற்கொள்வாரா என்ன? அனைவரும் ஒட்டுமொத்தமாக ஓடிப் போயிருப்பார்கள்!

நன்கு சிரிக்க வைத்தீர்கள் ஐயா!

இந்த பதிவைத் துவங்கியவர் நன்றி கூறியுள்ளார் சிவா