தொற்று நோயாகப் பரவும் காலில் விழும் காலாசாரம்!

**சிவா** · **சிவா** Tue 9 Sep 2014 - 1:06

அ.தி.மு.க மேடைகளில் நடக்கும் காலில் விழும் 'காலா’சாரம் இப்போது தி.மு.க-விலும் தொடங்கிவிட்டது. மு.க.ஸ்டாலின் பங்கேற்கும் நிகழ்ச்சிகளில் சால்வையைக் கொடுத்துவிட்டு அவரது காலைத்தொட்டு வணங்குவதைப் பார்க்க முடிகிறது. இதனை கடந்த வாரத்தில் திருச்சியில் அதிகமாகப் பார்க்க முடிந்தது.

கடந்த 2-ம் தேதி திருச்சி சங்கம் ஹோட்டலில் மாவட்ட தி.மு.க ஆய்வுக்கூட்டத்துக்கு ஏற்பாடு செய்யப்பட்டிருந்தது. இதற்காக சென்னையில் இருந்து திருச்சிக்கு விமானம் மூலம் வந்தார் ஸ்டாலின். அவரது வருகைக்காக திருச்சி, கரூர், புதுக்கோட்டை மாவட்டங்களில் இருந்து தொண்டர்கள் விமான நிலையத்தின் வி.ஐ.பி நுழைவாயிலில் காத்திருந்தனர். கூடவே திருச்சி மாவட்ட செயலாளரும் முன்னாள் அமைச்சருமான நேரு, முன்னாள் அமைச்சர்களான ரகுபதி, செல்வராஜ், புதுக்கோட்டை மாவட்டச் செயலாளர் பெரியண்ணன் அரசு, கரூர் மாவட்டச் செயலாளர் நன்னியூர் ராஜேந்திரன் உள்ளிட்டோர் காத்திருந்தனர்.

சரியாக இரவு 8.55 மணிக்கு விமானநிலையத்தில் இருந்து வெளியே வந்த ஸ்டாலினுக்கு சால்வை அணிவித்து வரவேற்ற நேரு, அவரின் காலைத்தொட்டு ஆசீர்வாதம் வாங்கினார். அவரைத் தொடர்ந்து வந்த மாநகரச் செயலாளர் அன்பழகன், மாநில இளைஞரணி துணைச் செயலாளர் சுபா சந்திரசேகர் என பலரும் வரிசையாக ஸ்டாலின் காலைத்தொட்டு ஆசிர்வாதம் வாங்கினர். திருச்சி செல்வராஜின் ஆதரவாளர்களான கைக்குடி சாமி உள்ளிட்டோர் ஸ்டாலின் கையை மட்டும் குலுக்கிவிட்டு நகர்ந்தனர். காலில் விழும் தொண்டர்களை கண்டுகொள்ளாமல் நின்றிருந்தார் ஸ்டாலின்.

ஆய்வுக்கூட்டத்தில் நிர்வாகிகளிடம் பேசினார். அந்தக் கூட்டம் முடிந்ததும் முக்கிய நிர்வாகிகளை சந்தித்தார். அப்போது யாரையும் ஸ்டாலின் பேசவிடவில்லை. ''உங்களைப் பேசவிட்டால் இந்தக் கூட்டம் சண்டையில்தான் முடியும் என்பது எனக்குத் தெரியும். காலையிலிருந்து நான் நிர்வாகிகளுடன் பேசியதில் 80 சதவிகிதம் பேரை மாற்ற வேண்டும் என நினைக்கிறார்கள். திருச்சி மாவட்டம் மற்ற மாவட்டங்களுக்கு முன்னோடியாக விளங்கும் என நம்புகிறேன். நீங்கள் புதியவர்களுக்கு வாய்ப்பு கொடுத்து வழிவிட வேண்டும். கட்சி இதைவிட இக்கட்டான சூழலில் இருந்தெல்லாம் மீண்டு வந்துள்ளது. வைகோ பிரிந்தபோது கட்சித் தலைவர் பதவியிலிருந்து கலைஞரையே நீக்கிய கொடுமையும் அரங்கேறியது. இந்தப் பிரச்னை தேர்தல் ஆணையராக இருந்த டி.என்.சேஷனிடம் போனது. அப்போது அவர், இந்தியாவில் இதுபோன்ற ஜனநாயகமுள்ள கட்சியை பார்த்ததில்லை என தி.மு.க-வை வியந்து பேசினார் சேஷன். கட்சியில் இப்போது உள்ள பொறுப்பாளர்களை அப்படியே மாற்றினாலும் கட்சி முடங்கிவிடாது. ஒருபோதும் துரோகிகளை மன்னிக்கவே மாட்டேன். உங்கள் ஒவ்வொருவரின் உணர்வுகளையும் பிரதிபலிக்கும் விதமாக கட்சித் தலைமை மாற்றங்களைக் கொண்டுவரும் ஒத்துழைப்பு தாருங்கள்'' என்று பேசி முடித்தார் ஸ்டாலின்.

இரவு திருச்சி கலைஞர் அறிவாலயத்தில் நடந்தது பொது உறுப்பினர்கள் கூட்டம். அதில் முன்னாள் அமைச்சர் நேருவின் பேச்சு அனைவரையும் உன்னிப்பாகக் கவனிக்க வைத்தது. ''மாவட்டச் செயலாளரான எனது தலைமையில் நடக்கும் கடைசி கூட்டத்தில் பொருளாளர் ஸ்டாலின் கலந்துகொள்வது மகிழ்ச்சி. இத்தனை காலங்களாக உங்கள் மனதைப் புண்படும்படியாக நான் நடந்துகொண்டிருந்தால் என்னை மன்னித்துவிடுங்கள். இனி என்னதான் திருச்சி மாவட்டமானாலும் கழகத்தைப் பொறுத்தவரை இரண்டு மாவட்டங்கள்தான். புதிய மாவட்டச் செயலாளர்கள் அறிவிக்கப்பட்டாலும், கழக வளர்ச்சிக்காக தொடர்ந்து உழைப்போம்'' என உருக்கமாக முடித்தார் நேரு.

இறுதியாக ஸ்டாலின் பேச எழுந்தார். அவருக்கு அனைவரும் சால்வை கொடுத்தார்கள். அப்போதும் காலைத்தொட்டு வணங்கும் படலம் தொடங்கியது.

ஆறுதல் செய்தி: சிரி

அ.தி.மு.க-வில் நெடுஞ்சாண் கிடையாக விழுவார்கள். இங்கு அந்தளவுக்கு இறங்கவில்லை, அவ்வளவுதான்!

விகடன்

**M.M.SENTHIL** · **M.M.SENTHIL** Tue 9 Sep 2014 - 1:19

ஆனாலும் இந்த தோற்று நோய்க்கு மருந்து இல்லை என்பது மட்டுமே சற்று கவலை சோகம்

**பிஜிராமன்** · **பிஜிராமன்** Tue 9 Sep 2014 - 15:59

அந்தந்த கட்சி தலைவர்கள் நினைத்தால் முடியும்........

காலில் விழுந்தால் கட்சியில் இருந்து நீக்கப் படுவீர்கள் என்று கூறினால்......

ஒருவரும் தெரியாமல் கால் தடுக்கி கூட காலில் விழ மாட்டார்கள்

rksivam · rksivam Tue 9 Sep 2014 - 16:40

பெரியாரின் தொண்டர்கள், பகுத்தறிவாளர்கள், தன்மானதொன்டர்கள், திராவிட பாரம்பர்யத்தின் பாது காவலர்கள், காலில் விழுந்தால் கவனிக்கப்படுவார்கள், பதவி கிடைக்கும், கட்டபஞ்சாயத்து செய்யலாம், சில்லறை சேரும்.

காசு பணம் துட்டு money money

நெறைய சேர்ந்ததுக்கப்புறம் யாரு சார் கவலை படுவாங்க. யாருக்கு ஞாபகம் இருக்கப்போகுது.

சிவம்

**சிவா** · **சிவா** Tue 9 Sep 2014 - 17:21

பிஜிராமன் wrote:அந்தந்த கட்சி தலைவர்கள் நினைத்தால் முடியும்........

காலில் விழுந்தால் கட்சியில் இருந்து நீக்கப் படுவீர்கள் என்று கூறினால்......

ஒருவரும் தெரியாமல் கால் தடுக்கி கூட காலில் விழ மாட்டார்கள்

காலில் விழுந்தால் தான் பதவியே கிடைக்கிறதாம் பிஜிராமன்!

**சிவா** · **சிவா** Tue 9 Sep 2014 - 17:21

rksivam wrote:பெரியாரின் தொண்டர்கள், பகுத்தறிவாளர்கள், தன்மானதொன்டர்கள், திராவிட பாரம்பர்யத்தின் பாது காவலர்கள், காலில் விழுந்தால் கவனிக்கப்படுவார்கள், பதவி கிடைக்கும், கட்டபஞ்சாயத்து செய்யலாம், சில்லறை சேரும்.

காசு பணம் துட்டு money money

நெறைய சேர்ந்ததுக்கப்புறம் யாரு சார் கவலை படுவாங்க. யாருக்கு ஞாபகம் இருக்கப்போகுது.

சிவம்

சரியாகக் கூறியுள்ளீர்கள் சிவம்!

**சிவா** · **சிவா** Tue 9 Sep 2014 - 17:22

M.M.SENTHIL wrote:ஆனாலும் இந்த தோற்று நோய்க்கு மருந்து இல்லை என்பது மட்டுமே சற்று கவலை

இதற்கு ஒரே மருந்து இதுபோன்ற செயல்களில் ஈடுபடுபவர்கள், ஈடுபட வைப்பவர்கள் என யாரைப் பார்த்தாலும் மக்களாகிய நாம் தொடர்ந்து செருப்பால் அடிக்கும் போராட்டம் செய்ய வேண்டும்!

rksivam · rksivam Tue 9 Sep 2014 - 17:32

சிவா wrote:
M.M.SENTHIL wrote:ஆனாலும் இந்த தோற்று நோய்க்கு மருந்து இல்லை என்பது மட்டுமே சற்று கவலை

இதற்கு ஒரே மருந்து இதுபோன்ற செயல்களில் ஈடுபடுபவர்கள், ஈடுபட வைப்பவர்கள் என யாரைப் பார்த்தாலும் மக்களாகிய நாம் தொடர்ந்து செருப்பால் அடிக்கும் போராட்டம் செய்ய வேண்டும்!

மேற்கோள் செய்த பதிவு: 1085981

கேரளாவில் முடியும்( அச்சுதானந்தன் பட்ட பாடு ) இங்கேயெல்லாம் சாத்தியமில்லை. காமராஜருக்கப்புரம் தமிழன் தன்மான துண்டை உதறி எறிந்துவிட்டான். கேப்மாரிகள், குறைசொல்பவர்கள், சட்டத்தை மதிக்காதவர்கள் வாழுமிடமாகிவிட்டது

சிவம்

**பிஜிராமன்** · **பிஜிராமன்** Tue 9 Sep 2014 - 17:49

சிவா wrote:
பிஜிராமன் wrote:அந்தந்த கட்சி தலைவர்கள் நினைத்தால் முடியும்........

காலில் விழுந்தால் கட்சியில் இருந்து நீக்கப் படுவீர்கள் என்று கூறினால்......

ஒருவரும் தெரியாமல் கால் தடுக்கி கூட காலில் விழ மாட்டார்கள்

காலில் விழுந்தால் தான் பதவியே கிடைக்கிறதாம் பிஜிராமன்!

மேற்கோள் செய்த பதிவு: 1085978

உண்மை தான் அண்ணா.....

என் நண்பனின் அப்பா கவுன்சிலர்.... என் நண்பனுக்கு அரசியலில் தான் ஆர்வம்.... ஒரு முறை நாங்கள் இதே தலைப்பில் பேசிக் கொண்டிருந்தோம்..அப்பொழுது....என் நண்பன்.... அஞ்சு வருஷம் ராஜா மாறி இருக்க ஒரு தடவ ஏன் பல தடவ கூட கால் ல விழுந்தா என்ன கேவலம் அப்டின்னு சொன்னான்...

**சிவா** · **சிவா** Tue 9 Sep 2014 - 17:55

பிஜிராமன் wrote:
சிவா wrote:
பிஜிராமன் wrote:அந்தந்த கட்சி தலைவர்கள் நினைத்தால் முடியும்........

காலில் விழுந்தால் கட்சியில் இருந்து நீக்கப் படுவீர்கள் என்று கூறினால்......

ஒருவரும் தெரியாமல் கால் தடுக்கி கூட காலில் விழ மாட்டார்கள்

காலில் விழுந்தால் தான் பதவியே கிடைக்கிறதாம் பிஜிராமன்!
மேற்கோள் செய்த பதிவு: 1085978

உண்மை தான் அண்ணா.....

என் நண்பனின் அப்பா கவுன்சிலர்.... என் நண்பனுக்கு அரசியலில் தான் ஆர்வம்.... ஒரு முறை நாங்கள் இதே தலைப்பில் பேசிக் கொண்டிருந்தோம்..அப்பொழுது....என் நண்பன்.... அஞ்சு வருஷம் ராஜா மாறி இருக்க ஒரு தடவ ஏன் பல தடவ கூட கால் ல விழுந்தா என்ன கேவலம் அப்டின்னு சொன்னான்...

சீனர்களிடம் ஒரு பழக்கம் உள்ளது! எந்த முறையிலாவது பணம் சம்பாதித்துக் கொண்டே இருக்க வேண்டும், பணம் இல்லையேல் இறந்துவிட வேண்டும் என்பார்கள்! அந்தப் பணம் மனைவி, மகள் விபச்சாரம் செய்த பணமாக இருந்தாலும் மகிழ்ச்சியாக ஏற்றுக் கொள்வார்கள்!

எனக்கு இரண்டிற்கும் தொடர்பு இருப்பது போலவே உள்ளது!

Sponsored content · Sponsored content

தொற்று நோயாகப் பரவும் காலில் விழும் காலாசாரம்!

தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

Re: தொற்று நோயாகப் பரவும் காலில் விழும் காலாசாரம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக