மாணவனைத் தன் மகனாக நினைத்து நெறிப்படுத்தும் ஆசிரியர்கள்

-
ரைட் ஆனரபிள் வி.எஸ்.ஸ்ரீனிவாச சாஸ்திரி
–

ஆசிரியரை “பிளேடு’ என மாணவன் அழைக்கிறான்.
மாணவனை “தறுதலை’ என ஆசிரியர் நினைக்கிறார்.
ஆனால் ஆசிரியரை வழிகாட்டும் குருவாக நினைக்கும்
மாணவர்களும், மாணவனைத் தன் மகனாக நினைத்து
நெறிப்படுத்தும் ஆசிரியர்களும் இருக்கத்தான்
செய்கிறார்கள்.
-
பேச்சாற்றல் மிக்க வி.எஸ். ஸ்ரீனிவாச சாஸ்திரி
அவர்களை 1921ல் லண்டனில் நடந்த இம்பீரியல்
மாநாட்டில் கலந்து கொள்ள ஆங்கிலேய இந்திய அரசு
அனுப்பி வைத்தது. கும்பகோணம் அரசு கலைக்கல்லூரியில்
முதல்வராகப் பணியாற்றிய லண்டனைச் சேர்ந்த
பில்டர்பெக் அவ்களும் அம்மாநாட்டில் கலந்து கொண்டார்.
-
மாநாடு முடிந்ததும் பெக் அவர்கள் சாஸ்திரி அவர்களைத்
தன் வீட்டில் ஏற்பாடாகியிருந்த விருந்திற்கு அழைத்திருந்தார்.
-
விருந்து முடிந்ததும் பெக் மற்ற விருந்தாளிகளிடம்
கூறினார்: “கும்பகோணம் அரசு கலைக் கல்லூரியில்
ஏழ்மையின் காரணமாக மேல்சட்டைகூட இல்லாமல்
ஒரு துண்டைப் போர்த்திக் கொண்டு ஒரு மாணவன்
வருவார். ஒருநாள் மழையின் காரணமாகத் துண்டு
நனைந்துவிட்டது. மேல்துண்டு இல்லாமல் வகுப்புக்கு
வந்த மாணவனுக்கு எட்டணா அபராதம் விதித்தேன்.
அந்த மாணவன்தான் இன்று வெள்ளைத் தலைப்பாகை,
கருப்பு கோட், சிகப்பு டை அணிந்து இங்கே
அமர்ந்திருக்கிறார் என்பது எனக்குப் பெருமையாக
இருக்கிறது.’
-
வி.எஸ். சாஸ்திரி அவர்கள் ாட்டெனப் பேச ஆரம்பித்தார்:
“ஆம். விபூதி பெட்டிக்குள்ளிருந்து அம்மா எடுத்துக்
கொடுத்த எட்டணாவைச் செலுத்த, கல்லூரி அலுவலகம்
சென்றேன்.
ஏற்கெனவே அந்த அபராதம் செலுத்தப்பட்டிருந்தது.
செலுத்தியவர் யார் தெரியுமா தந்தையின் அக்கறை
உள்ளம் கொண்டு என் முதல்வர் பெக் அவர்கள்’
-
————————————-
- டாக்டர் கே.கே. சாமி. (மஞ்சரி)