ஆந்திர மாநிலத்தின் புதிய தலைநகரம் விஜயவாடா: சந்திரபாபு நாயுடு அறிவிப்பு!

**தமிழ்நேசன்1981** · 21/11/2010

(04/09/2014)

ஆந்திர மாநிலத்தின் புதிய தலைநகரம் விஜயவாடா: சந்திரபாபு நாயுடு அறிவிப்பு! Vijayawada

ஹைதராபாத்: ஆந்திர மாநிலத்தின் புதிய தலைநகர் விஜயவாடா பகுதியில் அமைக்கப்படும் என அம்மாநில முதலமைச்சர் சந்திரபாபு நாயுடு தெரிவித்துள்ளார்.

புதிய தலைநகரை தேர்வு செய்வதில் இழுபறி நீடித்த நிலையில், கர்னூலை தலைநகராக அறிவிக்கக் கோரி ராயலசீமாவில் முழு அடைப்புப் போராட்டம் நடத்தப்பட்டது. இதே கோரிக்கையை வலியுறுத்தி கர்னூல் மாவட்டத்திலும் நேற்று முழு அடைப்புப் போராட்டம் நடைபெற்றது.

இந்நிலையில், ஆந்திர மாநிலத்துக்கு புதிய தலைநகரம் விஜயவாடா பகுதியில் அமையும் என்று சட்டசபையில் இன்று முதல்வர் சந்திரபாபு நாயுடு அறிவித்தார்.

முதல்வரின் இந்த அறிவிப்பை எதிர்க்கட்சிகள் வரவேற்றுள்ளன. அதே சமயம் இதுகுறித்து அவையில் விவாதம் நடத்தி அதன் மீது வாக்கெடுப்பு நடத்த வேண்டும் என அரசை வலியுறுத்தி உள்ளன.

விஜயவாடா அதிக அளவில் விவசாயம் நடைபெறும் பகுதி என்பது குறிப்பிடத்தக்கது.

**தமிழ்நேசன்1981** · 21/11/2010

மதுவிலக்கு கொள்கையில் இருந்து பின்வாங்க மாட்டோம்: உம்மன்சாண்டி உறுதி!

ஆந்திர மாநிலத்தின் புதிய தலைநகரம் விஜயவாடா: சந்திரபாபு நாயுடு அறிவிப்பு! Untitled%207(233)

ஆந்திர மாநிலத்தின் புதிய தலைநகரம் விஜயவாடா: சந்திரபாபு நாயுடு அறிவிப்பு! Untitled%207(233)

திருவனந்தபுரம்: மதுவிலக்கு கொள்கையில் இருந்து பின்வாங்க மாட்டோம் என்று உம்மன்சாண்டி உறுதியாக தெரிவித்துள்ளார்.

கேரளாவில் படிப்படியாக மது விலக்கை அமல்படுத்தும் நடவடிக்கையில் அம்மாநில முதல்வர் உம்மன்சாண்டி ஈடுபட்டுள்ளார். மாநிலம் முழுவதும் 412 மதுக்கடைகள் சமீபத்தில் அதிரடியாக மூடப்பட்டன. தொடர்ந்து படிப்படியாக மதுக்கடைகள் மூடப்படும் என்று கேரள அரசு தெரிவித்து உள்ளது.

இந்நிலையில் அமைச்சரவை கூட்டத்திற்கு பின்னர், திருவனந்தபுரத்தில் முதலமைச்சர் உம்மன்சாண்டி செய்தியாளர்களை சந்தித்தார். அப்போது அவரிடம், புதிய மதுவிலக்கு கொள்கையினால் அரசுக்கு வருமான இழப்பு ஏற்படாதா? என்று நிருபர்கள் கேட்டதற்கு, ''மதுக்கடைகளை படிப்படியாக மூடுவது என்ற முடிவை நாங்கள் அவசர கதியில் எடுக்கவில்லை. 5 மாதங்கள் நன்கு ஆலோசித்துதான் இந்த முடிவை எடுத்துள்ளோம்.

இதனால், அரசுக்கு ஏற்படும் ரூ.7 ஆயிரம் கோடி இழப்பை நான் எளிதாக எடுத்துக்கொள்ளவில்லை. இருப்பினும் அதை விட சமுதாயத்திற்கு ஏற்படும் இழப்பு அதிகம். மது விலக்கு கொள்கையில் இருந்து நாங்கள் பின் வாங்க மாட்டோம்" என்று உறுதிபட கூறினார்.