பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

by **krishnaamma** Thu Sep 04, 2014 8:40 pm

First topic message reminder :

பத்திய சமையல் - பிரசவித்த தாய்மார்களுக்கானது ! ரொம்பநாளாக இது பற்றி எழுதணும் என்று இருந்தேன்; இப்போ 1 மாதம் முன்பு ஓர் டாக்டரின் வேண்டுகோளுக்கு இணங்க அவங்க மட்டுப்பெண்ணுக்காக இதை தொகுக்க ஆரம்பித்தேன். போன 10 - 15 நாளாக இதே வேலையாக இருந்தேன். இன்று தான் முடித்தேன்.

எனவே, எனக்கு தோன்றியது இங்கும் அவற்றை பகிரலாம் என்று. இன்னும் நிறைய பேருக்கு உதவுமே என்று தான் இங்கே போடுகிறேன். இது எங்கள் வீட்டு வழக்கம்; உங்கள் வீட்டு வழக்கம் வேறாக இருக்கலாம், முடிந்தால் இங்கு பகிரவும். எங்களுக்கும் உதவும் புன்னகை

இதோ அந்த குறிப்புகள் புன்னகை

by **krishnaamma** Fri Sep 05, 2014 8:17 pm

தேவையானவை :

2 டீ ஸ்பூன் புளி பேஸ்ட்
1/2 டீ ஸ்பூன் கடுகு
2 -4 மிளகாய் வற்றல்
1/4 ஸ்பூன் பெருங்காயப்பொடி
உப்பு
2 டேபிள் ஸ்பூன் வேப்பம் பூ ( புது பூ அல்லது காய்ந்த பூ )
2 டீ ஸ்பூன் நெய்
கறிவேப்பிலை

செய்முறை :

வாணலி இல் 1 டீ ஸ்பூன் நெய்விட்டு முதலில் வேப்பம் பூவை வைத்து தனியே எதுத்து வைத்துக்கொள்ளணும் .
மீண்டும் 1 டீ ஸ்பூன் நெய்விட்டு கடுகு கறிவேப்பிலை மிளகாய் வற்றல் தாளித்து, 2 டம்ளர் தண்ணீர் விடவும்.
புளி பேஸ்ட் போட்டு நன்கு கலக்கவும்.
உப்பு பெருங்காயம் போடவும்.
நன்கு கொதிக்க விடுங்கோ.
வாசனை போனதும் மீண்டும் 1/2 கப் தண்ணீர் விட்டு விளாவவும்.
வறுத்து வைத்துள்ள வேப்பம் பூவை போடவும்.
ஒரு கொதி வந்ததும் அடுப்பை அணைத்து விடவும்.
சீக்கிரம் செய்யக்கூடிய சுவையான ரசம் வேப்பம் பூ ரசம் தான் புன்னகை

முக்கியமான குறிப்பு : எங்க பாட்டி சொல்வா, இந்த ரசம் ஞாயிறு, செவ்வாய் மற்றும் வெள்ளிக்கிழமைகளில் பண்ணக் கூடாது என்று. எனவே இதை நினைவில் வைத்துக்கொள்ளுங்கள்

by **தமிழ்நேசன்1981** Fri Sep 05, 2014 8:23 pm

பயனுள்ள குறிப்புகள் நன்றி

by **krishnaamma** Fri Sep 05, 2014 9:05 pm

தமிழ்நேசன்1981 wrote:பயனுள்ள குறிப்புகள்

மேற்கோள் செய்த பதிவு: 1085265

நன்றி நேசன் புன்னகை

by **krishnaamma** Fri Sep 05, 2014 9:19 pm

தேவையானவை :

1/2 கப் வேகவைத்த பயத்தம் பருப்பு
2 பச்சை மிளகாய்களை பருப்புடன் வேகப்போடுங்கள்
2 இன்ச் இஞ்சி தோல் சீவி துருவி பார்ப்புடன் வேகப்போடுங்கள்.
1 எலுமிச்சை இன் சாறு எடுத்து வைத்துக்கொள்ளுங்கள்
1/4 மஞ்சள் பொடி
உப்பு
நெய்
1/2 ஸ்பூன் கடுகு
1/2 ஸ்பூன் சீரகம்
1/4 ஸ்பூன் பெருங்காயப்பொடி
கறிவேப்பிலை / கொத்துமல்லி

செய்முறை :

குக்கரில் பயத்தம்பருப்பு வைக்கும்போதே, அதில் துருவின இஞ்சி மற்றும் பச்சைமிளகாயை போட்டுவிடவும்.
வாணலி இல் நெய் விட்டு கடுகு சீரகம் கறிவேப்பிலை போட்டு தாளிக்கவும்.
அதில் பருப்பு கலவையை கொட்டவும்.
அதில் மஞ்சள் பொடி, பெருங்காயப்பொடி, உப்பு எல்லாம் போடவும்.
கொஞ்சநேரம் அது கொதிக்கட்டும்.
1/2 டம்ளர் தண்ணீர் விட்டு விளாவணும்.
அது கொதித்ததும் இறக்கிடணும்.
பிறகு எலுமிச்சை சாறு விட்டு கலக்கணும்.
ரொம்ப சாதுவான ரசம் இது புன்னகை

by **krishnaamma** Fri Sep 05, 2014 9:36 pm

தேவையானவை :

இஞ்சி 2 இன்ச்
தக்காளி 1
புளி பேஸ்ட் 1 டீ ஸ்பூன்
ரசப்பொடி 1 ஸ்பூன்
உப்பு
கறிவேப்பிலை
நெய் 1 ஸ்பூன்
கடுகு 1/2 ஸ்பூன்
சீரகம் 1/2 ஸ்பூன்
மஞ்சள் பொடி
பெருங்காயப்பொடி

செய்முறை :

வாணலி இல் நெய்விட்டு கறிவேப்பிலை, கடுகு, சீரகம் போட்டு தாளிக்கணும்.
2 டம்ளர் தண்ணீர் விட்டு புளி பேஸ்ட் போட்டு கலக்கவும்.
உப்பு மஞ்சள் பொடி , பெருங்காயப்பொடி, ரசப்பொடி, துண்டாக்கப்பட்ட தக்காளி, துருவின இஞ்சி எல்லாம் போட்டு கொதிக்கவிடவும்.
மீண்டும் 1/2 டம்ளர் தண்ணீர் விட்டு விளாவணும்.
அது கொதித்ததும் இறக்கிடணும்.
அவ்வளவு தான் 'டேஸ்டி ரசம் ' ரெடி புன்னகை

by **krishnaamma** Fri Sep 05, 2014 9:46 pm

தேவையானப்பொருட்கள்:

கறிவேப்பிலை - 1 கப் (உருவியது )
மிளகு - 2 ஸ்பூன்
கடலைப்பருப்பு - 2 டேபிள்ஸ்பூன்
உளுத்தம் பருப்பு - 2 டேபிள்ஸ்பூன்
புளி பேஸ்ட்- 2 spoon
பெருங்காய்த்தூள் 1/2 டீஸ்பூன்
உப்பு - தேவைக்கேற்றவாறு
எண்ணை - 1 டீஸ்பூன்

செய்முறை:

வாணலியில் 1 /2 ஸ்பூன் எண்ணை விட்டு அதில் கறிவேப்பிலை போட்டு வதக்கவும்.
நன்றாக 'மொரு மொரு 'பாக வறுக்கவும்.
தனியே வைக்கவும்.
மீண்டும் வாணலியில் 1 /2 ஸ்பூன் எண்ணை விட்டு அதில் உப்பு தவிர மற்ற சாமான்களை போட்டு நன்கு வறுக்கவும்.
எல்லாம் நன்கு ஆறினதும், உப்பு போட்டு புளி பேஸ்ட் கெட்டி யாக அரைக்கவும்.
மிளகு போடுவதால் உடலுக்கு நல்லது.
சுடு சாதத்தில் நல்ல எண்ணை விட்டு இந்த துவையலும் போட்டு , தொட்டு கொள்ள சுட்ட அப்பளம்/ டாங்கர் பச்சடி வைத்தால் ரொம்ப நன்றாக இருக்கும்.

குறிப்பு: புளி போடுவதானால், அதை சின்ன சின்ன தாக பிச்சு , வரட்டு வாணலி இல் நன்கு வறுக்கவும் வறுத்த சாமான்களை அரைக்கும் போது இதையும் போடணும் .
காய்ந்த கறிவேப்பிலை லும் இப்படி துவையல் செயலாம்.

by **krishnaamma** Fri Sep 05, 2014 9:47 pm

இது ரொம்ப சுலபமான ஆனால் ருசியான பச்சடி.

தேவையானவை:

சிவக்க வறுத்து அரைத்த உளுத்தம் பொடி 1/2 கப்
திக்கான மோர் - ஒரு கப்
மோர் மிளகாய் வறுத்தது அல்லது வறுக்காதது எதானாலும் பரவாஇல்லை 4- 6
உப்பு - தேவையான அளவு.

செய்முறை:

மோர் மிளகாய் யை கிள்ளி போட்டு, மேலே சொன்ன எல்லாவற்றையும் ஒரு பாத்திரத்தில் போட்டு கரைக்கவும்.
வேண்டுமானால் தண்ணீர் விடவும்.
அவ்வளவு தான் 'டாங்கர் பச்சடி' தயார்
எல்லா காரமான துவையல்களுக்கும் , கூட்டுக்கும் இது ரொம்ப நல்லா இருக்கும்.
நாங்க இதில் சாதம் போட்டுக் கூட சாப்பிட்டுவிடுவோம்.
ரொம்ப அருமையாக இருக்கும் .

by **krishnaamma** Fri Sep 05, 2014 9:49 pm

தேவையானப்பொருட்கள்:

புதினா - 1 கப்
மிளகு - 2 ஸ்பூன்
கடலைப்பருப்பு - 2 டேபிள்ஸ்பூன்
உளுத்தம் பருப்பு - 2 டேபிள்ஸ்பூன்
புளி பேஸ்ட்- 2 spoon
பெருங்காய்த்தூள் 1/2 டீஸ்பூன்
உப்பு - தேவைக்கேற்றவாறு
எண்ணை - 1 டீஸ்பூன்

செய்முறை:

வாணலியில் 1 /2 ஸ்பூன் எண்ணை விட்டு அதில் புதினா போட்டு வதக்கவும். நன்றாக 'மொரு மொரு 'பாக வறுக்கவும்.
தனியே வைக்கவும்.
மீண்டும் வாணலியில் 1 /2 ஸ்பூன் எண்ணை விட்டு அதில் உப்பு தவிர மற்ற சாமான்களை போட்டு நன்கு வறுக்கவும்.
எல்லாம் நன்கு ஆறினதும், உப்பு போட்டு புளி பேஸ்ட் கெட்டி யாக அரைக்கவும்.
மிளகு போடுவதால் உடலுக்கு நல்லது.
சுடு சாதத்தில் நல்ல எண்ணை விட்டு இந்த துவையலும் போட்டு கொள்ள சுட்ட அப்பளம்/ டாங்கர் பச்சடி வைத்தால் ரொம்ப நன்றாக இருக்கும்.

குறிப்பு: புளி போடுவதானால், அதை சின்ன சின்ன தாக பிச்சு , வரட்டு வாணலி இல் நன்கு வறுக்கவும் வறுத்த சாமான்களை அரைக்கும் போது இதையும் போடணும் .

by **krishnaamma** Fri Sep 05, 2014 9:55 pm

தேவையானப்பொருட்கள்:

கொத்துமல்லி இலைகள் - 1 கப்
மிளகு - 2 ஸ்பூன்
கடலைப்பருப்பு - 2 டேபிள்ஸ்பூன்
உளுத்தம் பருப்பு - 2 டேபிள்ஸ்பூன்
புளி பேஸ்ட்- 2 spoon
பெருங்காய்த்தூள் 1/2 டீஸ்பூன்
உப்பு - தேவைக்கேற்றவாறு
எண்ணை - 1 டீஸ்பூன்

செய்முறை:

வாணலியில் 1 /2 ஸ்பூன் எண்ணை விட்டு அதில் உப்பு தவிர மற்ற சாமான்களை போட்டு நன்கு வறுக்கவும்.
எல்லாம் நன்கு ஆறினதும், உப்பு போட்டு புளி பேஸ்ட் கெட்டியாக அரைக்கவும்.
கொத்துமல்லியை நன்கு அலசி பொடியாக நறுக்கி, அதையும் மிக்சி இல் போட்டு அரைக்கவும்.
தேவையானால் மட்டுமே துளி தண்ணீர் விடவும்.
மிளகு போடுவதால் உடலுக்கு நல்லது.
சுடு சாதத்தில் நல்ல எண்ணை விட்டு இந்த துவையலும் போட்டு கொள்ள சுட்ட அப்பளம்/ டாங்கர் பச்சடி வைத்தால் ரொம்ப நன்றாக இருக்கும்.

குறிப்பு: புளி போடுவதானால், அதை சின்ன சின்ன தாக பிச்சு , வரட்டு வாணலி இல் நன்கு வறுக்கவும் வறுத்த சாமான்களை அரைக்கும் போது இதையும் போடணும் .மேலும் கொத்துமல்லி துவையலுக்கு இலைகளை அப்படியே போடணும் வறுக்க வேண்டாம்

by **krishnaamma** Fri Sep 05, 2014 10:11 pm

தேவையானவை :

1 கப் துருவின இஞ்சி
2 ஸ்பூன் புளி பேஸ்ட்
1/2 ஸ்பூன் வறுத்து பொடித்த வெந்தய பொடி
1 டீ ஸ்பூன் பொடித்த வெல்லம்
1 மிளகாய் வற்றல்
உப்பு
கொஞ்சம் எண்ணை
கடுகு மற்றும் உளுத்தம் பருப்பு 1 ஸ்பூன்

செய்முறை :

வாணலி இல் எண்ணை விட்டு இஞ்சி, மிளகாய் போட்டு வதக்கவும்.
மிக்சி இல் புளி பேஸ்ட், வெல்லம் மற்றும் உப்பு போட்டு அரைக்கவும்.
தண்ணீர் ரொம்ப மட்டாக விடவும்.
வாணலி இல் எண்ணை விட்டு கடுகு உளுத்தம்பருப்பு போட்டு தாளித்து துவையல் மீது கொட்டவும்.
அவ்வளவுதான் இஞ்சி துவையல் ரெடி.
வயத்து கோளாறுக்கு கூட இந்த துவையல் ரொம்ப நல்லது புன்னகை