பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

by **krishnaamma** Thu Sep 04, 2014 8:40 pm

First topic message reminder :

பத்திய சமையல் - பிரசவித்த தாய்மார்களுக்கானது ! ரொம்பநாளாக இது பற்றி எழுதணும் என்று இருந்தேன்; இப்போ 1 மாதம் முன்பு ஓர் டாக்டரின் வேண்டுகோளுக்கு இணங்க அவங்க மட்டுப்பெண்ணுக்காக இதை தொகுக்க ஆரம்பித்தேன். போன 10 - 15 நாளாக இதே வேலையாக இருந்தேன். இன்று தான் முடித்தேன்.

எனவே, எனக்கு தோன்றியது இங்கும் அவற்றை பகிரலாம் என்று. இன்னும் நிறைய பேருக்கு உதவுமே என்று தான் இங்கே போடுகிறேன். இது எங்கள் வீட்டு வழக்கம்; உங்கள் வீட்டு வழக்கம் வேறாக இருக்கலாம், முடிந்தால் இங்கு பகிரவும். எங்களுக்கும் உதவும் புன்னகை

இதோ அந்த குறிப்புகள் புன்னகை

by **krishnaamma** Thu Sep 04, 2014 9:35 pm

அங்காய பொடி 3

தேவையானவை :

1/2 cup தனியா
2 tsp மிளகு
3 tsp சீரகம்
காய்ந்த வேப்பம் பூ 1 கைப்பிடி அளவு
1சுக்கு
20‘சுண்டைகாய் ’ வத்தல்
பெருங்காயம் ஒரு துண்டு
1/2 cup கறிவேப்பிலை
உப்பு

செய்முறை :

வாணலி இல் பொறுமையாக ஒவ்வொன்றாக கருகாமல் வறுக்கவும்.
'நைசான' பொடியாக மிக்சி இல் பொடித்து, காற்று புகாத டப்பாவில் போட்டு வைத்துக்கொள்ளவும்.
சுடு சாதத்தில் நெய் விட்டு இந்த பொடியை போட்டு சாப்பிடவேண்டியது தான் புன்னகை

by **krishnaamma** Thu Sep 04, 2014 9:44 pm

கலத்துக்கு பொடி

தேவையானவை : தேவையானவை :

வேப்பம் பூ 1 டேபிள் ஸ்பூன்
கறிவேப்பிலை கொஞ்சம்
'துவரம் பருப்பு' 1 டேபிள் ஸ்பூன்
உளுத்தம் பருப்பு 1 டேபிள் ஸ்பூன்
சுக்கு 1 துண்டு
மிளகு 1 டீ ஸ்பூன்
சீரகம் 1 டீ ஸ்பூன்
மஞ்சள் பொடி
உப்பு
பெருங்காயம் 1 துண்டு

செய்முறை :

வாணலி இல் பொறுமையாக ஒவ்வொன்றாக கருகாமல் வறுக்கவும்.
'நைசான' பொடியாக மிக்சி இல் பொடித்து, காற்று புகாத டப்பாவில் போட்டு வைத்துக்கொள்ளவும்.
சுடு சாதத்தில் நெய் விட்டு இந்த பொடியை போட்டு சாப்பிடவேண்டியது தான் புன்னகை

குறிப்பு : இந்த பொடியும் அங்காயப்பொடியும் மாற்றி தினமும் சாப்பிடணும்; இது நன்கு ஜெரிக்க உதவும். குழந்தையும் பாலாக வாந்தி எடுக்காது. வயற்றில் 'வாயு' கொண்டுக்காது. ரொம்ப நல்லது.

by **krishnaamma** Thu Sep 04, 2014 9:52 pm

சம்பா பொடி

தேவையானவை :

2 sp சீரகம்
2 sp மிளகு
¼ sp பெருங்காயப்பொடி
கொஞ்சம் உப்பு

செய்முறை :

எல்லாவற்றையும் ஒன்றிரண்டாக பொடித்து வைத்துக்கொள்ளவும்.
தேவையான போது நெய் இல் வறுத்து சுடு சாதத்தின் மேல் கொட்டி, கலந்து சாப்பிடவேண்டியது தான் புன்னகை

குறிப்பு: நாம் சாதரணமாக கூட இந்த சம்பா சாதம் செய்து சாப்பிடலாம், ஜுரம் வந்தவர்களுக்கு வாய்க்கு நல்லா இருக்கும். ரொம்ப முக்கியம் என்ன வென்றால், எங்க கோவில்களில் பெருமாளுக்கு பண்ணுவா

by **krishnaamma** Thu Sep 04, 2014 9:59 pm

மணத்தக்காளி வத்தல்

இதை வீட்லும் போடலாம் அல்லது கடைலும் வாங்கலாம்.
கொஞ்சம் மணத்தக்காளி வத்தலை நெய் இல் வறுத்து வைத்துக்கொள்ளவும்.
சாப்பிடும்போது அதை நொறுக்கி சாதத்துடன் கலந்து சாப்பிட சொல்லவும்.
நிறைய வறுத்து வைத்துக்கொண்டால் , தயிர் சாதத்துக்கு தொட்டுக்கலாம்.

குறிப்பு: சுண்டைக்காய், மிதுக்கன்காய், வேப்பம் பூ போன்றவைகளையும் இதே போல வறுத்து , பொடித்து சாதத்தில் போட்டு சாப்பிட கொடுக்கலாம். தயிர் சாதத்துக்கு தொட்டுக்கலாம்.

by **krishnaamma** Fri Sep 05, 2014 11:52 am

யாரும் பார்க்கலையா ? புன்னகை

by **krishnaamma** Fri Sep 05, 2014 2:22 pm

நாரத்தை இலை பொடி - இது தான் 'வேப்பிலை கட்டி' என்று சொல்லப்படுவது புன்னகை

பேர் தான் நாரத்தை இல்லை பொடி, வேப்பிலை கட்டி என்று சொல்றோமே தவிர இதை எலுமிச்சை இலைகளில் தான் செய்வோம் புன்னகை

தேவையானவை :

2 கைப்பிடி அளவு எலுமிச்சை இலைகள்.
2 கைப்பிடி அளவு நாரத்தை இலைகள் ( கிடைத்தால் ஓகே இல்லாவிட்டால் வெறும் எலுமிச்சை இலைகளில் செய்ய வேண்டியது தான் புன்னகை

)
கொஞ்சம் மிளகாய் வற்றல்
பெருங்காயப்பொடி 1/4 ஸ்பூன்
உப்பு
1/2 - 1 ஸ்பூன் புளி பேஸ்ட்

செய்முறை :

இலைகளை சுத்தம் செய்து அலசி தண்ணிரை வடியவும்.
தண்ணீர் நன்கு வடிந்ததும், மேலே சொன்ன பொருட்களுடன் மிச்சி இல் போட்டு தண்ணீர் விடாமல் அரைக்கவும் .
காற்று புகாத டப்பாவில் எடுத்து வைக்கவும்.
சுடு சாதத்தில் நல்லெண்ணெய் விட்டு இதையும் போட்டு பிசைந்து சாப்பிட கொடுக்கவும்.
உடம்புக்கு ரொம்ப நல்லது இது, துவர்ப்பு, புளிப்பு காரம் என்று அருமையாக இருக்கும் வாய்க்கு புன்னகை

by **krishnaamma** Fri Sep 05, 2014 2:32 pm

சுக்கு திப்பிலி மருந்து - இதுக்கும் கண் அளவு தான் புன்னகை

சுக்கு
கண்டதிப்பிலி
ஓமம்
மிளகு
சீரகம்
விரளி மஞ்சள்
தனியா
வெல்லம்
நெய்

இஞ்சி சாறு கொஞ்சம்

செய்முறை :

எல்லாவற்றையும் தனித்தனியாக கருகாமல் வறுக்கணும்.
வெல்லத்தை கரைத்து வடிகட்டவும்.
வறுத்தவைகளை மிக்சி இல் பொடிக்கவும்.
வெல்ல கரைசலுடன் சேர்த்து கரைக்கவும்.
அத்துடன் இஞ்சி சாறும் சேர்த்து அடுப்பில் வைத்து கிளறவும்.
அது கொஞ்சம் கெட்டியாகும் போது நெய் விட்டு கிளறவும்.
அது லேகியப்பதம் வந்ததும் இறக்கிவிடவும்.
ஆறினதும் பாட்டிலில் போட்டு வைக்கவும்.
காலையில் பால் சாப்பிட்டதும் அல்லது வெறும் வயற்றில் கூட இதை சாப்பிட்டு விட்டு சூடாக வெந்நீர் அல்லது பால் சாப்பிடலாம் புன்னகை

குறிப்பு: எங்க பாட்டி செய்வா இதை, ஆனால் எல்லாம் கண் அளவாய்த்தான் போடுவா, எனவே எனக்கு அளவு தெரியலை

by **krishnaamma** Fri Sep 05, 2014 2:49 pm

மருந்து பொடி 2

இது பொதுவாக அவரவர்கள் வீட்டு வழக்கப்படி இருக்கும். இதோ மற்றும் ஒரு பொடி..

சுக்கு 250 gm
‘திப்பலி’ 5 gms
மிளகு 20 gms
ஓமம் 5 gms
‘வரளி மஞ்சள் ’ 1
‘ஜாதிக்காய் 1/4
ஜாதி பத்திரி 2 -4
கிராம்பு 8 - 10
ஏலக்காய் 2
பனை வெல்லம் 50 gm
நெய் தேவையான alavu

செய்முறை :

சுக்கு, திப்பிலி. ஓமம், மஞ்சள் மற்றும் மிளகாய் தனித்தனியாக கருகாமல் வறுக்கவும்.
மிக்சி இல் மெத் என்று நல்ல பொடியாக பொடிக்கவும்.
காற்று புகாத டப்பாவில் போட்டு வைக்கவும்.
லேகியம் தேவையான போது, ஜாதிக்காய், ஜாதி பத்திரி, கிராம்பு மற்றும் ஏலக்காயை பொடிக்கவும்.
அடுப்பில் பனைவெல்லத்தை பிறகு காய்ச்சவும்.
மறு அடுப்பில் ஒரு சின்ன வாணலி இல் நெய் விட்டு, ஏலப்பொடி ஜாதிக்காய் பொடிகளை போடவும்.
முன்பே பொடித்து வைத்துள்ள சுக்கு பொடி கலவையையும் இதில் போட்டு கிளறவும்.
சிம் இல் வைக்கவும்.
பனை வெல்லம் பாகானதும், அதை நெய் மற்றும் பொடிகள் உள்ள வாணலி இல் விடவும்.
நன்கு கிளறவும்.
லேகியப்பதம் வந்து நெய் பிரிய ஆரம்பித்ததும் இறக்கவும்.
பிள்ளை பெற்றவளுக்கு தினமும் 2 வேளை தரவும்.
அம்மைக்கும் குழந்தைக்கும் அஜீரண கோளாறு வராமல் காக்கும் லேகியம் இது புன்னகை

by உமேரா Fri Sep 05, 2014 2:52 pm

பகிர்வுக்கு நன்றி அம்மா ..

by **krishnaamma** Fri Sep 05, 2014 2:53 pm

முதலில் குழம்பு பொடி. இது தான் குழம்பின் ருசியை நிர்ணயம் செய்வது. நான் இங்கு தரப்போகும் பொடி 4 தலைமுறைகளாக எங்கள் வீட்டில் உபயோகிப்பது. கண்டிப்பாக உங்கள் அனைவருக்கும் பிடிக்கும். இதோ அளவுகள்.

500gm குண்டு மிளகாய்
500gm தனியா
150gm மிளகு
100gm துவரம் பருப்பு
100gm கடலை பருப்பு
100gm வெந்தயம்
100gm விரளி மஞ்சள்

மேல் கூறிய எல்லா பொருட்களையும் ஒரு டப்பாவில் போட்டு, மெசினில் அரைத்து, ( 3 முறை போட்டு அரைக்கவும் ) ஒரு பேப்பரில் போட்டு ஆறவிடவும். பிறகு
காற்று புகாத டப்பாவில் போட்டு வைக்கவும். தினசரி உபயோகத்துக்கு சிறிய டப்பாவில் எடுத்துவைதுக்கொள்ளவும்.

இந்த பொடி 6 மாதமானாலும் கெடாது. Fridge இல் வைத்தால் வருடக்கணக்கில் வைத்துக்கொள்ளலாம்.

குறிப்பு : இது நான் முன்பே கொடுத்தது தான் என்றாலும் இந்த திரிக்கு தேவை என்பதால் மீண்டும் தருகிறேன்

by **krishnaamma** Fri Sep 05, 2014 2:53 pm

குழம்பு பொடி அடுத்ததாக முக்கியமானது புளி. இதை குறைவாகவும் நிறைவாகவும் உபயோகிக்க சிறந்த வழி - புளி பேஸ்ட் . ஆமாம். இன்றைய விலை வாசியில் நாம் எதையுமே வீணடிக்க முடியாது. எனவே புளியை சிக்கனமாக உபயோகிக்கவும், சமையலை சிக்கிரம் முடிக்கவும் இந்த புளி பேஸ்ட் உதவும். அதை தயாரித்து வைத்துக்கொண்டால் சமையல் எளிது.

இப்ப புளி பேஸ்ட் :

இது ரொம்ப சுலபம். 1 /4kg புளியை வெந்நீரில் அரை மணி ஊறவைக்கவும்
பிறகு மட்டா தண்ணி விட்டு கரைக்கவும்
'திக் ' புளி தண்ணி யை தனியே வைக்கவும்.
ஒரு பெரிய வாணலில் தாரளமாக (100 gm ) எண்ணெய் விட்டு கடுகு மஞ்சள் பொடி, தாளிக்கவும்.
பெருங்காயபொடி போடவும்.
புளிதண்ணியை ஊற்றவும்
அது நன்கு கொதிக்கட்டும்.
மற்றும் ஒரு வாணலில் 1 மேசை கரண்டி வெந்தயம் வறுக்கவும்.
நன்கு பொடி செய்து புளி தண்ணி இல் போடவும்.
நன்கு கொதித்து லேகிய பதம் வந்ததும் இறக்கவும்.
ஆறினதும் பாட்டில் ல போடவும்.
நம்ப புளி பேஸ்ட் தயார்.

குறிப்பு: கெட்டியாக புளி கரைக்க கஷ்டமானால், கொட்டை களை எடுத்துவிட்டு, மிக்சியில் அரைத்து வடிகட்டலாம். ( நான் அப்படி தான் செய்வது வழக்கம். )

by **krishnaamma** Fri Sep 05, 2014 2:55 pm

உமேரா wrote:பகிர்வுக்கு நன்றி அம்மா ..

மேற்கோள் செய்த பதிவு: 1085118

ம்.....நேத்திலேருந்து போடறேன்..............யாரும் பாக்கலியோ என்று நினைத்தேன்.......நீங்க பார்த்துவிட்டிங்க புன்னகை

நன்றி உமேரா புன்னகை

by **krishnaamma** Fri Sep 05, 2014 2:56 pm

வத்த குழம்பில் என்ன, என்ன போடலாம்?

பூண்டு, வெண்டைக்காய், அவரைக்காய், வெங்காயம் போடலாம்.

கறிகாய் இல்லாவிடில், சுண்டக்காய் வற்றல் , மணத்தக்காளி வற்றல், கத்தரிக்காய் வற்றல், கொத்தவரை வற்றல் போட்டு அல்லது குழம்பு வடாம் போட்டும் வற்றல் குழம்பு வைக்கலாம்.

by **krishnaamma** Fri Sep 05, 2014 2:57 pm

தேவையானவை:

பூசணி துருவல் – ஒரு கப்,
உளுத்தம்பருப்பு – ஒரு கப்,
மிளகாய் வற்றல் – 5 முதல் 8,
உப்பு – தேவையான அளவு,
பெருங்காயம – கால் டீஸ்பூன்

செய்முறை:

உளுத்தம்பருப்பை அரை மணி நேரம் ஊற வைத்து மிளகாய் சேர்த்து கெட்டியாக அரைத்துக் கொள்ளவும்.

அதனுடன் பூசணிக்காய் துருவல், பெருங்காயத்தூள், உப்பு சேர்த்து நன்றாக பிசையவும்.
பிசைந்த மாவை பிளாஸ்டிக் பேப்பரில் சிறிது சிறிதாக கிள்ளிப் போட்டு, நன்றாக காய்ந்ததும் எடுக்கவும்.

வத்தகுழம்பு , பருப்புசாம்பார், பொரிச்ச கூ ட்டு செய்யும்போது இதைப் பொரித்துப் போட்டால், சுவையும் மணமும் கூடும்.

குறிப்பு: பூசணிக்காய் துருவல் போடாமலும் இதை செய்யலாம்.

by **krishnaamma** Fri Sep 05, 2014 2:58 pm

கறிகாய் இல்லாவிடில், சுண்டக்காய் வற்றல் , மணத்தக்காளி வற்றல், கத்தரிக்காய் வற்றல், கொத்தவரை வற்றல் போட்டு "வற்றல்" குழம்பு வைக்கலாம் என் சொன்னேன் அல்லவா? அதை எப்படி போடுவது?

அதாவது, சுண்டக்காய் வற்றல் , மணத்தக்காளி வற்றல், கொத்தவரை வற்றல்,
தாமரை தண்டு வற்றல், பாகற்காய் வற்றல் போன்றவற்றை முதலில் எண்ணெயில் வறுத்துக்கொள்ள வேண்டும்.

அதை தனியே எடுத்து வைத்துவிட்டு குழம்பு செய்ய வேண்டும். இன்னும் ஒரு இரண்டு நிமிஷம் குழம்பு கொதித்தால் போறும் என்கிற நிலை வரும் போது, வறுத்து வைத்துள்ள வற்றலை போடணும். மற்றுமொரு கொதி வந்ததும் இறக்கணும்.

குறிப்பு: மேல் கூறிய வற்றல்களில் உப்பு இருக்கும். எனவே குழம்பு வைக்கும் போது உப்பு குறைவாக போடணும். இல்லாவிடில் குழம்பு உப்பு கரித்துவிடும்.

by Sponsored content

பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

அங்காய பொடி 3

கலத்துக்கு பொடி

சம்பா பொடி

மணத்தக்காளி வத்தல்

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

நாரத்தை இலை பொடி

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

குழம்பு பொடி

இப்ப புளி பேஸ்ட்

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

குழம்பு வடாம்

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

Re: பத்திய சமையல் - பிரசவித்த தாய்மார்களுக்கானது ! - கச்சல் வாழைக்காய் கூட்டு !

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய