7 வயது சிறுமி மண்ணில் புதைப்பு: உயிருடன் பத்திரமாக மீட்கபட்டாள்

உத்தர பிரதேச மாநிலத்தில் 7 வயது சிறுமி உயிருடன் மண்ணில் இருந்து மீட்கப்பட்டுள்ள சம்பவம் அங்கு பெரும் பரபரப்பை ஏற்படுத்தியுள்ளது.

உ.பியில் உள்ள சிதாப்பூர் மாவட்டத்தை சேர்ந்த அலோக் குமார் என்ற நபர் அங்குள்ள ஒரு கரும்பு தோட்டத்தின் வழியாக நடந்து வந்து கொண்டிருந்தார். அப்போது அங்கு ஒரு சிறுமியின் அழுகுரல் கேட்டுகொண்டிருந்தது. இதனால் அதிர்ச்சி அடைந்த அலோக் குமார் அழுகை சத்தம் வரும் திசை நோக்கி நடக்க தொடங்கினார்.அப்போது கரும்பு தோட்டத்தின் உள்ள ஒரு இடத்தில் மண் குவியல் நகர்வதை கண்டு அதிர்ச்சி அடைந்தார். மண்ணில் புதைக்கப்பட்டு இருந்த அந்த சிறுமி வெளியே வருவதற்கு முயற்சி செய்து கொண்டிருந்தார்.

இதைக்கண்டு அதிர்ச்சியில் உறைந்த அலோக் குமார் உடனடியக மண் குவியலை அகற்றி சிறுமியை மீட்டார். அப்போது சிறுமி அரை மயக்கத்தில் இருந்தாள். உடனடியாக அவர் அருகில் உள்ள மான்பூர் போலீஸ் நிலையத்திற்கு சிறுமியை கொண்டு சென்றார்.

மீண்டும் அதிருஷ்டவசமாக சிறுமிக்கு நினைவு திரும்பியது.சிறுமியின் கழுத்து நெறிக்கப்பட்டு இருந்தது. பின்னர் போலீசார் அவளிடம் விசாரணை நடத்தினர். விசாரணையில், அவள் பெயர் தானு என்பது தெரியவந்தது. கவுரா மாவட்டத்தை சேர்ந்தவள் என்பதும் தெரியவந்தது. கவுரா மாவட்டத்தில் தனது தாயாருடன் வசித்ததாகவும், அப்போது அவளது அத்தை- மாமா உள்ளிட்டோர் சிலர் தானுவை தூக்கி கொண்டு சென்றதாகவும் அவர்கள்தான் கழுத்தை நெறித்ததாகவும், பின்னர் மண்ணுக்குள் புதைத்தாகவும் தெரிவித்தார்.இருப்பினும் அவர்கள் யார் என்பதை தானுவால் சரியாக அடையாளம் காட்ட இயலவில்லை. இந்த தகவலை சிதாபூர் காவல் நிலையை அதிகாரி ராஜேஷ் கிருஷ்ணா தெரிவித்தார்.

தானுவின் இல்லத்தை கண்டறிய லக்னோ போலீசாருடன் சிதாபூர் போலீஸ் நிலையை அதிகாரிகள் தொடர்பில் உள்ளனர்.

அருகில் வசித்து வரும் இல்லத்தினருடன் விசாரிக்கையில், கடந்த ஆகஸ்ட் 20 க்கு பிறகு சிறுமியும் அவளது தாயாரையும் காணவில்லை என்றனர். இந்த செய்தி அங்குள்ள செய்தி சேனல்களில் ஒளிபரப்பானது. இதைக்கண்ட தானுவின் தாய் வழி பாட்டி, போலீசாரை தொடர்பு கொண்டார்.

போலீசாரிடம் அவர் கூறுகையில், திருமணாகி சில மாதங்களுக்கு பிறகு ரேனு இங்கு வந்தார். அதன் பிறகு இங்குதான் இருந்து வருகிறார். இந்த நிலையில், கடந்த 15 தினங்களுக்கு என்னிடம் தகவல் ஏதும் தெரிவிக்காமல் தானுவுடன் புறப்பட்டு சென்று விட்டாள் என்று தனுவின் பாட்டி ராஜ்ரானி தெரிவித்தார்.

சிறுமி தானுவின் தாய் ரேனுவையும் கடந்த ஆகஸ்ட் 20 முதல் காணவில்லை.போலீசார் அவரை தேடும் பணியில் ஈடுபட்டனர்.

மருத்துவ மனையில் அனுமதிக்கபபட்டு இருந்த தானு, சிகிச்சைக்கு பிறகு தனது பாட்டி வீட்டுக்கு அனுப்பபட்டாள்.

http://www.dailythanthi.com/News/India/2014/08/28100745/Throttled-and-left-to-die-by-her-family-Indian-girl.vpf

மீட்டவர் வாழ்க !!!