கோயில் நிலம் அபகரிப்பு: மு.க.அழகிரி மீது வழக்குப்பதிவு

**சிவா** · **சிவா** Thu 28 Aug 2014 - 5:39

முன்னாள் மத்திய மந்திரியும், தி.மு.க.தலைவர் கருணாநிதியின் மகனுமான மு.க.அழகிரி மீது மதுரை புறநகர் மாவட்ட நில அபகரிப்பு தடுப்பு போலீசார் வழக்குப்பதிவு செய்துள்ளனர்.

மு.க.அழகிரியை தலைவராக கொண்ட அறக்கட்டளையின் சார்பில் மதுரை மாவட்டம் சிவரக்கோட்டையில் தயா பொறியியல் கல்லூரி இயங்கி வருகின்றது.

அப்பகுதியில் உள்ள மீனாட்சி அம்மன் கோயிலுக்கு சொந்தமான 44 சென்ட் நிலத்தை தயா கல்லூரிக்காக மு.க.அழகிரி அபகரித்து விட்டதாக இந்து அறநிலையத்துறை உதவி கமிஷனர் கருணாநிதி மதுரை புறநகர் மாவட்ட நில அபகரிப்பு தடுப்பு போலீசாரிடம் புகார் அளித்துள்ளதாகவும், போலீசார் வழக்குப்பதிவு செய்துள்ளதாகவும் இந்து அறநிலையத்துறை கூடுதல் கமிஷனர் முத்துவிஜயன் தெரிவித்துள்ளார்.

இது தொடர்பான புகார் வரப்பெற்றதாக ஒப்புக் கொண்டுள்ள போலீசார், வழக்குப்பதிவு செய்யப்பட்டுள்ளதா? என்பது தொடர்பாக மேற்கொண்டு விபரம் அளிக்க மறுத்து விட்டனர்.

[note]கோயில் சொத்து முதல் அரசாங்க சொத்து வரை அபகரித்து வைத்துள்ளனர்! அனைத்தையும் மீட்க நடவடிக்கை எடுக்க வேண்டும்[/note]