பில்லி, சூனியம் விரட்டிய போது சாமியார் அடித்துக் கொல்லப்பட்டார்

by **சிவா** Thu Aug 28, 2014 4:24 am

திருவண்ணாமலை கீழ்நாத்தூரை சேர்ந்தவர் மணி. இவரது மகன் சுரேஷ் (வயது 35). அவருக்கு திருமணமாகி மனைவி மற்றும் 2 குழந்தைகள் உள்ளனர். சுரேசுக்கு அடிக்கடி உடல்நிலை சரியில்லாமல் இருந்து வந்தது. இதனால் அவருக்கு தோஷம் இருப்பதாக அவரது உறவினர்கள் கூறியுள்ளனர்.

இதனையடுத்து பில்லி, சூனியத்தை விரட்டி தோஷம் கழிப்பதற்காக விழுப்புரம் மாவட்டம் கண்டாச்சிபுரம் பகுதியை சேர்ந்த சாமியார் அரிகிருஷ்ணன் (45) என்பவரை அழைத்து வந்தனர்.

பின்னர் சுரேசுக்கு தோஷம் கழிப்பதற்காக மேலத்திகான் கிராமத்தில் உள்ள சுடுகாட்டிற்கு சாமியார் அரிகிருஷ்ணனை அழைத்து சென்றனர். அங்கு தோஷம் கழித்து கொண்டிருந்த சாமியாரை சுரேஷ் திடீரென உருட்டு கட்டையால் தாக்கினார்.

இதில் படுகாயம் அடைந்த சாமியார் அரிகிருஷ்ணனை மீட்டு புதுச்சேரி அரசு ஆஸ்பத்திரியில் சேர்த்தனர்.

அங்கு சிகிச்சை பலனின்றி சாமியார் அரிகிருஷ்ணன் இரவில் பரிதாபமாக இறந்தார்.

இதுகுறித்து மேலத்திகான் கிராம உதவியாளர் ஜெயந்தி, திருவண்ணாமலை கிழக்கு போலீசில் புகார் செய்தார். போலீசார் வழக்குப்பதிவு செய்து விசாரணை நடத்தி வந்தனர்.

சாமியார் இறந்ததால் போலீசார் கொலை வழக்காக மாற்றி சுரேசை கைது செய்தனர். மேலும் அவரிடம் விசாரணை நடத்தி வருகின்றனர்.

by **ayyasamy ram** Thu Aug 28, 2014 9:07 am

சாமியாரை அடித்தது சுரேஷ் அல்ல...
-
அவருக்குள் இருந்து ஆட்டி வைத்த ஆவி ...!!
-

பில்லி, சூனியம் விரட்டிய போது சாமியார் அடித்துக் கொல்லப்பட்டார்

பில்லி, சூனியம் விரட்டிய போது சாமியார் அடித்துக் கொல்லப்பட்டார்

Re: பில்லி, சூனியம் விரட்டிய போது சாமியார் அடித்துக் கொல்லப்பட்டார்