லஞ்சம் வாங்கிய 'மனுநீதிச்சோழன்'

லஞ்சம் வாங்கிய 'மனுநீதிச்சோழன்' - தொழிலதிபர் எம்.ஏ.எம்.,ராமசாமி கைது

சென்னை: சென்னையில் கம்பெனி பதிவாளர் மனுநீதிச்சோழன் இன்று சி.பி.ஐ., அதிகாரிகளால் கைது செய்யப்பட்டார். பிரபலதொழில் அதிபரிடம் இருந்து இவர் லஞ்சம் பெற்றதாக தெரிய வந்ததை அடுத்து அவர் கைது செய்யப்பட்டுள்ளதாக சி.பி.ஐ., வட்டாரம் தெரிவிக்கிறது. முன்னாள் எம்.பி.,யும் தொழிலதிபருமான எம்.ஏ.எம்.,ராமசாமியும் சி.பி.ஐ.,யால் கைது செய்யப்பட்டார். இவர் லஞ்சம் கொடுத்த குற்றத்திற்காகவா அல்லது யாருக்கும் லஞ்சம் கொடுக்க முற்பட்டாரா என்ற விவரம் இன்னும் தெரிவிக்க சி.பி.ஐ., அதிகாரிகள் தெரிவிக்க மறுத்து வருகின்றனர்.

முழு விவரம் விரைவில் தெரிவிக்கப்படும் என அதிகாரிகள் கூறியுள்ளனர்.
ராமசாமி ஒரு கம்பெனி துவக்கியதாகவும், இதனை பங்கு மார்க்கெட் கொண்டு செல்வதற்கு முறைப்படி பதிவு செய்ய வேண்டும் என்பதற்காகவும், பதிவாளருக்கு ரூ. 10 லட்சம் லஞ்சம் வழங்கியதாக கூறப்படுகிறது. இவ்வாறு லஞ்சம் வாங்கிய குற்றத்திற்காக பதிவாளர் கைது செய்யப்பட்டுள்ளதாக தெரிகிறது. மேலும், இந்த கம்பெனி சட்டத்திற்குட்பட்டு இல்லாமல் இருந்துள்ளது என்றும் தெரிய வந்துள்ளது.

சோழன் மீது ஏற்கனவே பல வழக்கு: சொத்து குவிப்பு வழக்கில் பதிவாளர் மனு நீதிச்சோழன் மற்றும் அவரது மனைவி ஆகியோர் மீது சி.பி.ஐ., வழக்கு பதிவு செய்திருந்தது. கடந்த 2011 செப்டம்பர் மாதம் இந்த வழக்கில் இருந்து சி.பி.ஐ., கோர்ட்டால் விடுவிக்கப்பட்டார் என்பது குறிப்பிடத்தக்கது.
கோவையில் இவர் அதிகாரியாக இருந்த போது இவருக்கு புரோக்கராக செயல்பட்டவரை கொலை செய்ய முயற்சித்ததாக வழக்கு பதியப்பட்டது. இந்த வழக்கு தீர்ப்பில் அவர் நிரபராதி என தீர்ப்பளிக்கப்பட்டது.

நன்றி : dinamalar.

ரமணியன்

பேருக்கும் செய்கைக்கும் சம்பந்தம் இல்லை போல் இருக்கு .
சொத்துக்கள் சேர்த்து வைத்து என்ன பிரயோஜனம் ?

ரமணியன்

T.N.Balasubramanian wrote:பேருக்கும் செய்கைக்கும் சம்பந்தம் இல்லை போல் இருக்கு .
சொத்துக்கள் சேர்த்து வைத்து என்ன பிரயோஜனம் ?

ரமணியன்

மேற்கோள் செய்த பதிவு: 1082718

மஹா பாவி...........அவர் பேரையும் சந்திக்கு இழுத்துட்டான் அரிச்சந்திரன் என்று பேர் வெச்சிண்டு உடம்பெல்லாம் பொய்யாக இருப்பது போல

உங்கள் தலைப்பு என்னை பிரமிக்க வைத்துவிட்டது..
”லஞ்சம் வாங்கிய 'மனுநீதிச்சோழன்' ”

காலையில கொழப்பி விட்டீங்கள்....

தண்ணீர் இல்லாமல் கூட இருப்பார்கள்
லஞ்சம் வாங்காமல் இருக்க மாட்டார்கள் நம் மக்கள்
லஞ்சம் மக்களின் நிழலாய் மாறி விட்டது
நல்லோர்களை நான் குறிப்பிடவில்லை

அப்படி பார்க்க போனால் பல தொழில் அதிபர்களை கைது செய்யணும் - கொடுக்கல் வாங்கலில் எதோ தகராறு வந்ததால் மாட்டிகிட்டாங்க.