சிரிப்பால் விளைந்த தீமை'

சிரிப்பால் விளைந்த தீமை'

1966-ல் வாரியாருக்கு பெரிய அளவில் மணிவிழா நடத்த வேண்டும் என்று அவரது அன்பர்கள் திட்டமிட்டனர். ஆனால் அவர் விரும்பவில்லை. தனக்கே உரிய நகைச்சுவைப் பாணியில் சொன்ன காரணம்: “சிலர் மணிவிழா என்று 'மணி' திரட்டும் விழாவாகச் செய்து கொள்வார்கள். நான் அதை எள்ளளவும் விரும்ப-வில்லை.”சிலர் சிரிக்கவே மாட்டார்கள். சிரித்தால் தம்முடைய பெருமை குறைந்துவிடும் என்று எண்ணி வாழைப் பூவைப் போல் 'உம்' என்று முகத்தை வைத்துக் கொண்டிருப்பார்கள். அவர்களைக் கண்டு பரிதாபப்பட வேண்டும் என்பது வாரியார் கருத்து.குடவாசல் சிவாலயத்தில் குடமுழுக்கு நடந்தது. அவ்விழாவில் வாரியார் கலந்து கொண்டு 'மீனாட்சியம்மை திருமணம்' என்னும் தலைப்பில் விரிவுரை நிகழ்த்திக் கொண்டிருந்தார்.இடையிடையே சில நகைச்சுவை இடம்பெற்ற பொழுது பலரும் விழுந்து விழுந்து சிரித்தனர். ஒருவர் மட்டும் சிரிக்கவில்லை. இடையில் வாரியார் சுவாமிகளின் உரையில் ஓர் ஆச்சரியமான நகைச்சுவை வந்தது. எல்லோரும் கொல்லென்று சிரித்தார்கள். இடையில் சிரிக்காமல் இருந்த அந்த அன்பர் சிரிப்பை அடக்க முடியாமல் குபீரென்று சிரித்து விட்டார். வந்தது ஆபத்து. என்ன ஆபத்து என்று கேட்கின்றீர்களா? அவர் வாயில் புகையிலையை மென்று எச்சிலை அடக்கிக் கொண்டிருந்தார். அந்தப் தாம்பூல எச்சில் அருகில் இருந்தவரின் வெள்ளைச் சட்டை, சிவப்புக் கலர் தோய்த்தது போன்ற ஒரு காட்சியை உண்டாக்கியது. சிரிக்காதவர் சிரித்ததனால் இந்தத் தீமை ஏற்பட்டது என இந்நிகழ்வையும் தமது பேச்சுத் திறத்தால் சிரிப்புக்கு உள்ளாக்கினார் வாரியார். 'சிரிப்பால் விளைந்த தீமை' என அவர் இதைச் சுவையாகக் குறிப்பிட்டார்.

பகிர்வுக்கு நன்றி

நகைச்சுவைபடப் பேசுவதும் , சொற்சுவை ததும்பப் பேசுவதும் வாரியாருக்குக் கைவந்த கலை !

‘பாரி ஆண்ட நாட்டில் இன்று நக்சல் பாரிகள்’ ! - சொன்னவர் வாரியார் !

யானைக்கும் அடி சறுக்கும் என்ற பழமொழிக்கேற்ப
வாரியார் சுவாமிகள், ஒரு முறை நடந்து கொண்டார்.
-
அண்ணா மரணம் அடைந்திருந்த சமயத்தில் ஆன்மிக
சொற்பொழிவாளர் கிருபானந்த வாரியார் நெய்வேலி
பகுதியில் தொடர் சொற்பொழிவில் ஈடுபட்டிருந்தார்.
அப்போது ஒரு கூட்டத்தில், ‘ஆண்டவனை நம்பாதவர்கள்
அமெரிக்காவுக்கே போனாலும் டாக்டர் மில்லரே வந்தாலும்
இப்படித்தான் முடிவு ஏற்படும்’ என்று பேசியதாக
செய்திகள் கசிந்தன.
-
இதன் பின் விளைவுகளை அவர் சந்திக்க நேரிட்டது.
-
பின்னர் எம்.ஜி.ஆர்.அவர்கள் தலையிட்டு சமரசம்\
ஏற்பட்டது...
-

நல்ல பகிர்வு ஜெசிபர்