குத்திக் கிழிக்கப்பட்ட இன்ஸ்பெக்டர்... சந்திசிரிக்கும் சட்டம் ஒழுங்கு!

ஆகஸ்ட் 11... சேலம் மாநகர ஆயுதப்படையில் இன்ஸ்பெக்டராக இருப்பவர் சொரிமுத்து. இரவு பணி முடிந்து வீட்டுக்குக் கிளம்பியிருக்கிறார். காந்தி ரோடு பகுதியில் தன் ஜீப்பை நிறுத்திவிட்டு இறங்கினார். அப்போது குடிபோதையில் ஒருவர் வண்டியைத் தடுமாறியபடி ஓட்டிக்கொண்டு வந்து கீழே விழ... அவரைத் தூக்கிவிட்ட சொரிமுத்து, 'இப்படி குடிச்சிட்டு எதுக்கு வண்டி ஓட்டுறீங்க...’ என்று சத்தம் போட... போதை பார்ட்டிக்கு ஆதரவாக வந்தவர், கத்தியை எடுத்து இன்ஸ்பெக்டர் சொரிமுத்துவை கிழித்துக் குதறியிருக்கிறார். இப்போது மருத்துவமனையில் தீவிர சிகிச்சைப் பிரிவில் சேர்க்கப்பட்டுள்ளார் சொரிமுத்து.

இன்ஸ்பெக்டர் சொரிமுத்துவை பார்க்க மருத்துவமனைக்குச் சென்றோம். அவரது மனைவி தெய்வானை நம்மிடம் பேசினார். ''சென்னையில இருந்து டிரான்ஸ்ஃபர் ஆகி மூணு வருஷத்துக்கு முன்னாடி சேலத்துக்கு வந்தாரு. நானும் என்னோட பொண்ணும் சென்னையிலதான் இருக்கோம். இவரு மட்டும் சேலத்துல ரூம் எடுத்து தங்கியிருந்தாரு. காக்கி சட்டையை போடுறதை அவ்வளவு பெருமையாகவும் கம்பீரமாகவும் நினைப்பாரு. 'உசிரைவிட உத்யோகம்தான் பெருசு!’னு என்கிட்ட அடிக்கடி சொல்லுவாரு. இப்போ அவரை இந்த நிலமையில ஆஸ்பத்திரியில பார்க்குறதுக்கு ரொம்பவும் வேதனையா இருக்கு. நிச்சயமா அவரு குணமாகி திரும்ப வருவாரு!'' என்று கலங்கினார்.

தீவிர சிகிச்சைப் பிரிவில் இருக்கும் இன்ஸ்பெக்டர் சொரிமுத்துவையும் பார்த்தோம். அவருக்கு ஆறுதல் சொல்லிப் பேசினோம். ''ராத்திரி டூட்டி முடிச்சிட்டு டிபன் வாங்குறதுக்காக அங்கே ஜீப்பை நிறுத்திட்டு இறங்கினேன். அப்போ ஒருத்தர் வேகமா பைக்ல தடுமாறிகிட்டே வந்தார். நிறுத்தி வெச்சிருந்த ஒரு கார்ல மோதி கீழே விழுந்துட்டார். நான் பதறிப்போய் பக்கத்துல பார்த்தேன். வண்டியில பால் கேன் கட்டியிருந்தார். அவரைத் தூக்கிவிட்டேன். நல்ல போதையில் அவர் இருப்பது தெரிஞ்சுது. 'தண்ணியடிச்சுட்டு ஏன்யா இப்படி வந்து விழுறீங்க. குடிச்சா வண்டி ஓட்டாதீங்க..’னு நான் சொல்லிட்டு இருந்தேன். அப்போ திடீர்னு இன்னொருத்தன் வந்தான். 'இதெல்லாம் நீ எதுக்குடா கேட்குற... உன் வேலையைப் பார்த்துகிட்டு போய்ட்டே இரு...’னு என்னைத் திட்டினான். 'நீ யாரு தம்பி... நான் இன்ஸ்பெக்டர்’னு சொன்னேன். 'நீ யாரா இருந்தா எனக்கு என்ன’னு சொல்லிட்டே கத்தியை எடுத்து பல இடங்கள்ல குத்திட்டான். ரெண்டு பேரு சேர்ந்து தாக்கியதுல என்னால எதுவும் செய்ய முடியலை. அதுக்குள்ள என்னோட டிரைவர் பார்த்துட்டு மைக்ல தகவல் சொல்லிட்டு ஓடி வந்தாரு. ரெண்டு பேருமா சேர்ந்து ஒருத்தனைப் பிடிச்சிட்டோம். இன்னொருத்தன் ஓடிட்டான். நல்ல வேளை உசிரைக் காப்பாத்திட்டாங்க.!'' என்று தழுதழுத்தார்.

வழக்கை விசாரிக்கும் அஸ்தம்பட்டி காவல் நிலைய ஆய்வாளர் பால்பாண்டியிடம் பேசினோம். ''போதையில் இருந்த பால்காரரை இன்ஸ்பெக்டர் கண்டித்துள்ளார். இதைப் பார்த்து அந்த ஏரியா டீக்கடையில் வேலை பார்க்கும் ரவிச்சந்திரன் என்பவர் இடையில் வந்து மிரட்டியிருக்கிறார். இன்ஸ்பெக்டரை கோபத்தில் கத்தியில் குத்தியிருக்கிறார். ரவிச்சந்திரனை இன்ஸ்பெக்டரே பிடித்துக் கொடுத்துவிட்டார். பால்காரன் மட்டும் தப்பிவிட்டார். அவரையும் தேடி வருகிறோம். இன்ஸ்பெக்டர் அந்த நேரத்தில் யூனிஃபார்மில் இல்லை. அதனால் போலீஸ் என்பதை தெரியாமல்தான் குத்தியிருக்கிறான்'' என்று சொன்னார்.



[thanks]விகடன் [/thanks]

சிவா wrote:வழக்கை விசாரிக்கும் அஸ்தம்பட்டி காவல் நிலைய ஆய்வாளர் பால்பாண்டியிடம் பேசினோம். ''போதையில் இருந்த பால்காரரை இன்ஸ்பெக்டர் கண்டித்துள்ளார். இதைப் பார்த்து அந்த ஏரியா டீக்கடையில் வேலை பார்க்கும் ரவிச்சந்திரன் என்பவர் இடையில் வந்து மிரட்டியிருக்கிறார். இன்ஸ்பெக்டரை கோபத்தில் கத்தியில் குத்தியிருக்கிறார். ரவிச்சந்திரனை இன்ஸ்பெக்டரே பிடித்துக் கொடுத்துவிட்டார். பால்காரன் மட்டும் தப்பிவிட்டார். அவரையும் தேடி வருகிறோம். இன்ஸ்பெக்டர் அந்த நேரத்தில் யூனிஃபார்மில் இல்லை. அதனால் போலீஸ் என்பதை தெரியாமல்தான் குத்தியிருக்கிறான்'' என்று சொன்னார்.

இன்ஸ்பெக்டர் யூனிஃபார்மில் இல்லாததால் குத்திவிட்டார் என்று காரணம் சொல்கிறது போலீஸ். அப்படியானால் தப்பு கண்முன்னே நடந்தாலும் பொதுமக்கள் எதுவும் கண்டுகொள்ள வேண்டாம். தட்டிக்கேட்டால் உங்கள் உயிருக்கு நாங்கள் பொறுப்பல்ல... என்று சொல்வதைப்போலத்தானே இருக்கிறது. சட்டம் ஒழுங்கு மிகச் சிறப்பாக இருக்கிறது என்று எப்படிச் சொல்வது?

[thanks]விகடன் [/thanks]

அதானே .... பேசாமல் நமக்கென்ன என்று போய்கொண்டே இருக்க வேண்டும் போல