இரண்டு சாக்கடைகள் கொண்ட நகரம் சென்னை- கமல்

**சிவா** · **சிவா** Sat Aug 23, 2014 11:51 pm

கடந்த 2004 -ஆம் ஆண்டிலிருந்து ஆகஸ்ட் 22 -ஆம் தேதி சென்னையின் பிறந்த தினமாக கொண்டாடப்பட்டு வருகிறது. நேற்று சென்னைக்கு 375 -வது பிறந்ததினம்.

அதனை முன்னிட்டு பல்வேறு அமைப்புகள் கலைநிகழ்ச்சிகள் நடத்தினர். கமல்ஹாசன் சென்னையின் பிறந்தநாளை முன்னிட்டு அறிக்கை ஒன்றை வெளியிட்டார். அதன் விவரம்...

ஒரு கடற்கரை கிராமமாக தொடங்கி, கிழக்கிந்திய கம்பெனி, போர்த்துகீசியர், டச்சு, பிரெஞ்சு போன்ற பலர் படையெடுத்து வெல்ல முயன்று கடைசியில் ஆங்கிலேயர் தக்க வைத்துக்கொண்ட ஒரு அழகான தீவு. இரண்டாற்றின் கரை என்று ஸ்ரீரங்கத்தை சொல்வார்கள். சென்னையும் இரண்டாற்றின் கரைதான். அதற்கு இன்று 375 வயதாகி இருக்கிறது. இந்த இளம் தாயை, இரு நதி கொண்ட இரண்டாற்றின் கரையாகிய இந்த ஊரை, இரண்டு சாக்கடைகள் கொண்ட நகரமாக மாற்றிய அவப்பெயர் நம் தலைமுறைக்கு உண்டு.

இதை மாற்றும் திறமையும் நமக்கு உண்டு. அதை செய்தால் சரித்திரத்தில் நாம் இரண்டு நதிகளை சுத்திகரித்து புதுப்பித்த வித்தகர்களாக போற்றப்படுவோம். இல்லையேல் நாம் வாழ்ந்த இக்காலத்தின் சரித்திரம் நல்ல இரு நதிகளை சாக்கடையாக மாற்றிய ஜனக்கூட்டத்தின் சரித்திரமாக எழுதப்படும். அதை நினைவில் கொண்டு பெற்றதை கொண்டாடுவோம், கற்றதை போற்றுவோம். பிறந்தநாள் வாழ்த்துக்கள் எனது சென்னைக்கு.

- இவ்வாறு தனது அறிக்கையில் கமல் தெரிவித்துள்ளார்.

**T.N.Balasubramanian** · **T.N.Balasubramanian** Sun Aug 24, 2014 1:18 am

ஆம் , கூவத்தையும் பக்கிங்காம் canal இரெண்டையும் சுத்தப்படுத்தி , அதை அசுத்தபடுத்த முடியா அளவு தீர்வு கண்டால் போதும் .
முன்பெல்லாம் இதில் சரக்கு படகுகள் போகும் . அப்படியா என்று ஆச்சர்யத்துடன் இப்போது கேட்கும் அளவு இப்போது உள்ளது .
பச்சையப்பா முதலியார் தினமும் காலையில் கூவம் ஆற்றில் குளித்ததாக கேள்வி .

ரமணியன்

**மாணிக்கம் நடேசன்** · 13/12/2009

தமிழகத்தை அன்றும் இன்றும் கெடுத்துக் கொண்டிருப்பது இரண்டு கூவங்கள். ஒன்று இன்றையா அரசியல், இன்னொன்று இன்றைய தமிழக தமிழ் சினிமா. மதுவைவும் புகையையும், எப்படி ருசிப்பது, எப்படி ரசிப்பது என்னும் சிறப்பான பாடத்தை , படத்தை நடத்துகிறார்கள் பட கதாநாய்கள்.

Sponsored content · Sponsored content

இரண்டு சாக்கடைகள் கொண்ட நகரம் சென்னை- கமல்

இரண்டு சாக்கடைகள் கொண்ட நகரம் சென்னை- கமல்

Re: இரண்டு சாக்கடைகள் கொண்ட நகரம் சென்னை- கமல்

Re: இரண்டு சாக்கடைகள் கொண்ட நகரம் சென்னை- கமல்

Re: இரண்டு சாக்கடைகள் கொண்ட நகரம் சென்னை- கமல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக