ஆர்க்கிமிடிஸ் - Archimedes

by **சிவா** Sat Aug 23, 2014 5:07 am

பண்டைய காலத்தில் தோன்றிய மிகச் சிறந்த கணித மேதை, விஞ்ஞானி ஆர்க்கிமிடிஸ் (Archimedes). சைராகூஸ் என்ற நாட்டில் (இன்றைய இத்தாலியின் ஒரு பகுதி) பிறந்த இவரது காலம் கி.மு. 287 - 212.

ஆர்க்கிமிடிஸ் என்றதும் ஒரு கதை நினைவுக்கு வரும். ஆர்க்கிமிடிஸ் குளித்துக் கொண்டிருந்தபோது, 'மிதவை விசை விதி’ என்கிற விதியைக் கண்டறிந்தார். அந்த மகிழ்ச்சியில், யுரேகா, யுரேகா (கண்டறிந்தேன், கண்டறிந்தேன்) என்று கத்தியபடி, நிர்வாணமாக தெருவில் ஓடினாராம். இதன் மூலம், யுரேகா என்ற சொல், அறிவியல் கண்டுபிடிப்பின் அடையாளமாகவே விளங்குகிறது.

சைராகூஸ் நகரின் மீது ரோமானியர்கள் அவ்வப்போது தாக்குதல் மேற்கொண்டனர். அவர்களின் மிகப் பெரிய படை பலத்தை ஆர்க்கிமிடிஸ், கணிதத்தின் துணைகொண்டு சாதுர்யமாகச் சமாளித்ததாகவும் வரலாறு கூறுகிறது.

சைராகூஸ் நகரம் அமைந்த கடற்பகுதியின் வழியாக ரோமானியர்கள் தாக்குதலை நடத்த, தங்கள் கப்பல்களைக் கடற்கரை அருகில் நிறுத்தி, அந்த நகர் மீது கடும்தாக்குதல் நடத்த முயன்றனர். இதை அறிந்த சைராகூஸ் மக்கள், ஆர்க்கிமிடிஸ்ஸின் உதவியை நாடினர்.

சூரிய ஒளியை எதிரொலிக்கும் நூற்றுக்கணக்கான கண்ணாடிகளைக் கடற்கரையோரம் வரிசையாகப் பொருத்தச் சொன்னார் ஆர்க்கிமிடிஸ். சூரிய ஒளி மூலம் உதயமாகும் வெப்பத்தை, ரோமானியர்களின் கப்பல்கள் மேல் விழுமாறு அமைத்தார். கண்ணாடிகளின் சூரிய வெப்பத்தைக் கப்பல்கள் மீது ஒருங்கே குவித்ததால், ரோமானியர்களின் கப்பல்கள் தீப்பற்றி எரிந்தன. இந்த வெற்றிக்கு, கணிதத்தில் தோன்றும் பரவளையம் என்ற வளைவரையின் பண்பையே ஆர்க்கிமிடிஸ் பயன்படுத்தினார். இதை, 'ஆர்க்கிமிடிஸ் மரணக் கதிர்கள்’ என இன்று நாம் கூறுகிறோம்.

ஆர்க்கிமிடிஸ் கண்டறிந்த 'கவண் எறி கருவி’ என்ற ஆயுதம் மூலம், சரியான கோணத்தில் எறியப்பட்ட மிகப் பெரிய கற்கள், எதிராளிகளின் கூடாரங்களை நாசம் செய்ய உதவின. இந்தக் கற்களை எறியத் தேர்ந்தெடுக்கும் கோணம், பாதை, எறியப்பட வேண்டிய விசையைக் கணிதத்தின் துணைகொண்டே ஆர்க்கிமிடிஸ் அறிந்தார்.

ஆர்க்கிமிடிஸ் அலெக்ஸாண்ட்ரியாவில் இருந்தபோது, அற்புதத்திருகு கருவியைக் கண்டறிந்தார். இது ஆர்க்கிமிடிஸ் திருகு என அழைக்கப்பட்டு, உலகெங்கும் பயன்படுத்தப்படுகிறது. இது, கீழ்மட்டத்தில் இருக்கும் நீரை, மேல்மட்டத்துக்கு இறைத்துத் தேக்கிக்கொள்ளப் பயன்படுத்தப்படும் பொறியியல் கருவியாக விளங்குகிறது. கப்பலில் தேங்கும் நீரை, கடலில் இறைக்கவும், நீர்த் தேக்கம் அல்லது குளத்தில் இருந்து வயலுக்கு நீரை இறைக்கவும் இது பயன்படுகிறது.

இந்த அற்புதக் கருவியை ஆர்க்கிமிடிஸ் கண்டறிந்ததும் கணிதம் மூலமே! கணிதத்தில் தோன்றும் சுருள் வடிவில் அமைந்த திருகைத் தேர்ந்தெடுத்ததனால், அதிக சுழற்றுவிசை கிடைக்கப் பெற்று, நீரை எளிதாக இறைக்க முடிந்தது. இதற்கு, சுருளின் கணிதப் பண்பே காரணம்.

இப்படி கணித அடிப்படைகளால் தன் நாட்டையும், வாழ்வின் தேவைக்கான கருவிகளையும் வழங்கி, அழியாப் புகழ்பெற்றவர் ஆர்க்கிமிடிஸ்.

by **T.N.Balasubramanian** Sat Aug 23, 2014 5:14 am

நல்ல தகவல் , யுரேகா , வார்த்தை பிரபல்யம் அடைய ஒரு ஆர்கிமிடிஸ் .

ரமணியன்

by யினியவன் Sat Aug 23, 2014 7:13 am

Nalla pakirvu boss.

Naan kooda padichchappas Surekha Surekha nnu kaththi irukkaen - kooda padichcha ponnu ava புன்னகை

by **சிவா** Sat Aug 23, 2014 7:28 am

யினியவன் wrote:Nalla pakirvu boss.

Naan kooda padichchappas Surekha Surekha nnu kaththi irukkaen - kooda padichcha ponnu ava

தமிழ் எழுதி ஈகரையில் வேலை செய்கிறதே?

by **T.N.Balasubramanian** Sat Aug 23, 2014 7:41 am

நீங்கள் சுரேகா என்று கத்தி இருக்கீங்களா ?
கத்திகொண்டே ஓடி இருந்தால் பெரிய ஆளாக வந்து இருப்பீர்கள்.
நான் அறிந்தவர் இவரே .
ஆர்க்கிமிடிஸ் - Archimedes Ht5VXkBQTqTcfZ5l0Xaa+images