கேரளாவில் 700 மதுபான பார்களுக்கு மூடுவிழா!

**சிவா** · **சிவா** Thu Aug 21, 2014 10:14 pm

First topic message reminder :

மதுவினால் ஏற்படும் குற்றங்களை தடுப்பதற்காக கேரள அரசு அதிரடி நடவடிக்கையில் இறங்குகிறது. குஜராத்திற்கு அடுத்தப்படியாக கேரளாவிலும் விரைவில் மதுபானங்கள் படிப்படியாக புழக்கத்திலிருந்து குறைக்கப்படுகிறது.

கேரளாவில் ஐக்கிய ஜனநாயக முன்னணி வரும் ஏப்ரல் 2015 ஆம் ஆண்டுக்குள் மதுபானத்தை பாதியளவாக தடை செய்ய முடிவு செய்துள்ளது. ஏற்கனவே கேரள அரசு அடுத்த 10 ஆண்டுகளுக்குள் மதுவை முற்றிலுமாக தடை செய்ய திட்டமிட்டிருந்தது.

இந்நிலையில், முதல் மந்திரி உம்மன் சாண்டியும், முஸ்லீம் லீக்கும் அங்கு மதுவை தடை செய்யக்கோரி வலியுறுத்தி வந்தனர். இதன் தொடர்ச்சியாக அங்கு மூடப்பட்டுள்ள 418 பார்களுக்கு லைசென்சு வழங்கப்பட மாட்டாது என அரசு அறிவித்துள்ளது. அதேபோல் மீதமிருக்கும் 312 பார்களுக்கும் லைசென்சு முற்றிலுமாக ரத்து செய்யப்படுகிறது.

3 மற்றும் 4 ஸ்டார் ஓட்டல்களிலும் பார் லைசென்சுகள் ரத்தாகிறது. 5 ஸ்டார் ஓட்டல்களில் மட்டுமே பார்களுக்கு இனி அனுமதி வழங்கப்படும்.