தினசரி செய்திகள்

திருவண்ணாமலை மாவட்டம் போளூர் வட்டம் விளாப்பாக்கம் கிராமத்தில் இறந்தவருக்கு 2 ஆண்டுகளாக முதியோர் உதவித்தொகை வங்கியில் கடந்த மாதம்வரை செலுத்தப்பட்டுள்ள.. அதிசயம்..அதே அலுவலகம் அவரின் இறப்பு சான்றையும் வழங்கியுள்ளது, !!!!!!!!!!!!!!!!!!!!

* லடாக் பகுதியில் சீன ராணுவம் 25 முதல் 30 கிலோ மீட்டர் தூரம் வரை இந்திய எல்லைக்குள் ஊடுருவி உள்ளது என்று வெளியான செய்தியை ராணுவ தலைமை தளபதி தல்பீர் சிங் சுகாக் மறுத்தார். சீன ராணுவம் ஊடுருவல் ஏதும் இல்லை என்றும் அவர் கூறினார்.

* ஆப்கானிஸ்தான் நாட்டின் சுதந்திர தினத்தையொட்டி அந்த நாட்டின் பிரதமருக்கு இந்திய பிரதமர் நரேந்திர மோடி நேற்று வாழ்த்துச் செய்தி அனுப்பினார்.

* கடந்த மாதம் டெல்லி போலீஸ்காரர் ஒருவரை கொன்றதாக தேடப்பட்ட உத்தரபிரதேச வாலிபர் பெரோஸ், நேற்று டெல்லியில் போலீசாரால் சுட்டுக்கொல்லப்பட்டார்.

* மேற்கு வங்காளத்தில் 3 நாள் வேலை நிறுத்தம் அறிவித்த தனியார் போக்குவரத்து தொழிலாளர்கள், நேற்று தங்கள் போராட்டத்தை தள்ளிவைப்பதாக அறிவித்தனர்.

* காஷ்மீர் மாநிலம் குப்வாரா மாவட்டம் தங்தார் என்ற இடத்தில் தீவிரவாதிகளுக்கும் ராணுவத்தினருக்கும் இடையே நடந்த துப்பாக்கி சண்டையில் தீவிரவாதி ஒருவர் சுட்டுக்கொல்லப்பட்டார்.

* பாராளுமன்றத்தில் நிறைவேற்றப்பட்ட நீதிபதிகள் நியமன மசோதாவை செல்லாது என்று அறிவிக்கக்கோரி முன்னாள் தலைமை வக்கீல் பிஸ்வஜீத் பட்டாச்சாரியா மற்றும் 2 வக்கீல்கள் சுப்ரீம் கோர்ட்டில் நேற்று மனுத்தாக்கல் செய்தனர்.

* இந்திய கம்யூனிஸ்டு, தேசியவாத காங்கிரஸ் ஆகிய கட்சிகளை சேர்ந்த பிரதிநிதிகள் நேற்று தேர்தல் கமிஷன் முன்பு ஆஜராகி தங்கள் கட்சிகளுக்கு தேசிய கட்சி என்ற அந்தஸ்தை ரத்து செய்யக்கூடாது என்று வற்புறுத்தினார்கள்.

* ஊழலை முற்றாக குறைக்கும் வகையில் போக்குவரத்து விதிமுறைகளில் தேசிய அளவில் மாற்றங்கள் ஏற்படுத்தப்படும் என்று மத்திய மந்திரி நிதின் கட்காரி தெரிவித்தார்.

* நீதிபதிகளை நியமனம் செய்யும் கொலேஜியம் முறையை ஒழித்து விட்டு நீதிபதிகள் நியமன சட்டம் அமல்படுத்தப்படுகிறது. இது தொடர்பான சட்டரீதியான பணிகள் நிறைவடைய மேலும் சில காலம் பிடிக்கும் என்பதால் உயர்நீதிமன்றங்களில் காலியாக உள்ள 257 நீதிபதிகள் பதவியும், உச்சநீதிமன்றத்தில் காலியாக உள்ள ஒரு இடமும் நிரப்புவதற்கு குறைந்தது 8 மாதங்கள் ஆகலாம் என்று கூறப்படுகிறது.

திருவண்ணாமலை எங்க ஊருங்க, அதனால எங்க ஊரு காரு ஏதோ மேலை போயி ரொம்ப சிரம்பப்படுராரு போல இருக்கு. அதுக்குள்ள கண்டு புடிச்சிட்டாங்களே.

* தாய்லாந்து நாட்டில் ராணுவ தளபதி பிரயுத் சான் ஓச்சா கடந்த மே மாதம் 22–ந் தேதி ரத்தம் சிந்தாமல் புரட்சி நடத்தி ஆட்சி அதிகாரத்தை கைப்பற்றினார். இந்த நிலையில் அந்த நாட்டு பாராளுமன்றம் அவரை பிரதமராக நேற்று அறிவித்துள்ளது. இதற்கு அந்த நாட்டின் அரசர் ஒப்புதல் வழங்க வேண்டும்.

* அமெரிக்க பத்திரிகையாளர் ஜேம்ஸ் போலே, ஐ.எஸ்.ஐ.எஸ். தீவிரவாதிகளால் தலை துண்டிக்கப்பட்டு படுகொலை செய்யப்பட்டிருப்பது, உலகையே உலுக்கி உள்ளது. போலேயை பணயக்கைதியாக பிடித்து வைத்திருந்த தீவிரவாதிகள், அவரை உயிருடன் விடுவிக்க அமெரிக்காவிடம் ஒரு பெருந்தொகையை பணயத்தொகையாக கேட்டதாகவும், அதை அமெரிக்கா ஏற்க மறுத்து விட்டதாகவும், போலே குடும்பப் பிரதிநிதியும், அவரோடு தீவிரவாதிகளிடம் பிடிபட்டிருந்த பணயக்கைதி ஒருவரும் தெரிவித்தனர். இதற்கிடையே போலேயையும், பிற அமெரிக்க பணயக்கைதிகளையும் மீட்க அமெரிக்கா கடந்த கோடை காலத்தில் மேற்கொண்ட நடவடிக்கை தோல்வியில் முடிந்ததாகவும் இப்போது தெரிய வந்துள்ளது.

* உள்நாட்டுப்போர் நடந்து வரும் உக்ரைனில் அந்த நாட்டின் பொருளாதார துறை மந்திரி பாவியோ ஷெரமேட்டா (வயது 43) நேற்று பதவி விலகினார். தற்போதைய பொருளாதார நெருக்கடியில் இருந்து நாட்டை எப்படி மீட்டெடுப்பது என்பதில் அரசுடன் ஏற்பட்ட மோதலால்தான் தான் பதவி விலகி இருப்பதாக சமூக வலைத்தளம் ஒன்றில் குறிப்பிட்டுள்ளார்.

* ஜேம்ஸ் போலேயை போன்று தாங்கள் பிடித்து வைத்துள்ள மற்றொரு அமெரிக்க பத்திரிகையாளரையும் கொல்லப்போவதாக ஐ.எஸ்.ஐ.எஸ். தீவிரவாதிகள் மிரட்டல் விடுத்துள்ளனர். ஆனால் அதற்கு அஞ்சாமல், ஈராக்கில் மொசூல் நகர் அருகே நேற்று அமெரிக்க படையினர் வான்வழி தாக்குதல் நடத்தினர். ஆளில்லா விமானங்களும் குண்டுவீச்சு நடத்தி உள்ளன.

* பிரேசில் அதிபர் தேர்தலில் சோஷலிஸ்டு கட்சி சார்பில் போட்டியிட களம் இறங்கிய வேட்பாளர் எட்வர்டோ காம்பஸ், விமான விபத்தில் பலியானதைத் தொடர்ந்து புதிய வேட்பாளராக மரினா சில்வா என்ற பெண் சுற்றுச்சூழல் பிரசாரகர் அறிவிக்கப்பட்டுள்ளார்.

* ரஷிய தலைநகர் மாஸ்கோவில் அமெரிக்காவின் 4 மெக்டொனால்டு உணவகங்கள் இயங்கி வந்தன. ஆனால் சுகாதார விதிகள் சரியாக கடைப்பிடிக்கப்படவில்லை என குற்றம் சாட்டி, இந்த உணவகங்களை தற்காலிகமாக மூடி ரஷிய சுகாதாரத்துறை நடவடிக்கை எடுத்துள்ளது. உக்ரைன் விவகாரத்தில் ரஷியா மீது அமெரிக்கா பொருளாதார தடை விதித்ததின் எதிரொலியாக இது பார்க்கப்படுகிறது.

* அமெரிக்க பத்திரிகை நிருபர் ஜேம்ஸ் போலே, ஐ.எஸ்.ஐ.எஸ். தீவிரவாதிகளால் தலை துண்டித்து படுகொலை செய்யப்பட்டதற்கு ஐ.நா. பாதுகாப்பு கவுன்சில் கடும் கண்டனம் தெரிவித்துள்ளது.

* மேற்கு ஆப்பிரிக்க நாடுகளில் எபோலா உயிர்க்கொல்லி நோய் தாக்கி பலியானவர்களின் எண்ணிக்கை 1,427 என உலக சுகாதார நிறுவன புள்ளிவிவரங்கள் கூறுகின்றன.

* காஸாமுனை–இஸ்ரேல் இடையே இனி சண்டைநிறுத்தம் அமலுக்கு வந்தால், அதை கண்காணிக்கும் வழிமுறையை உருவாக்க வேண்டும் என்று இங்கிலாந்து, பிரான்ஸ், ஜெர்மனி ஆகியவை கருத்து தெரிவித்துள்ளன.

* ஐ.எஸ்.ஐ.எஸ். தீவிரவாதிகள் மீது வான்வழி தாக்குதல்களை தீவிரப்படுத்துவதற்கு கூடுதல் நிதி பயன்படுத்த அமெரிக்க பாராளுமன்றத்தில் ஜனாதிபதி ஒபாமா ஒப்புதல் கோருவார் என வாஷிங்டன் தகவல்கள் கூறுகின்றன.

* ஈராக்கில் புதிய அரசு அமைவது தொடர்பான பேச்சு வார்த்தையில் இருந்து செல்வாக்குமிக்க சன்னி முஸ்லிம் தலைவர்கள் இருவர் விலகி இருக்க முடிவு எடுத்துள்ளனர். சன்னி முஸ்லிம் மசூதி மீது ஷியா பிரிவு தீவிரவாதிகள் தாக்குதல் நடத்தி, 68 பேர் கொன்று குவிக்கப்பட்டதே இதற்கு காரணம்.

* உக்ரைனில் போர் நிறுத்தம் காணச்செய்வதுதான், அங்கு பயணம் மேற்கொள்வதின் நோக் கம் என்று ஜெர்மனி பிரதமர் ஏஞ்சலா மெர்க்கெல் கூறி உள்ளார்.

* உள்நாட்டுப்போர் நடந்து வரும் நிலையில், உக்ரைன் அரசின் அனுமதியின்றி ரஷியா அங்கு நிவாரணப்பொருட்களை அனுப்பியது. இதற்கு மேற்கத்திய நாடுகள் கடும் எதிர்ப்பு தெரிவித்தன. இதையடுத்து நிவாரணப்பொருட்களை எடுத்துச்சென்ற லாரிகள் வந்த வழியே திரும்புகின்றன. இதனால் அங்கு பதற்றம் தணியும் என எதிர்பார்க்கப்படுகிறது.