காசநோயை குணப்படுத்தும் நாவல் பழம்!

**சிவா** · **சிவா** Tue Aug 19, 2014 3:31 pm

நாவல் மரத்தின் பழம், இலை, மரப்பட்டை மற்றும் விதை என அனைத்துமே மருத்துவ குணங்கள் கொண்டவை. நீரிழிவு நோயால் பலரும் பாதிக்கப்பட்டு அவதியுறுகிறார்கள். இதை கட்டுப்படுத்த நாவல் பழத்தின் விதைகள் சிறந்த மருந்து.

இதன் விதைகளை நிழலில் உலர்த்தி தூள் செய்து கொள்ள வேண்டும். ஒரு கிராம் அளவு தூளை, காலை, மாலை வேளைகளில் சாப்பிட்டு வந்தால் போதும். படிப்படியாக நீரிழிவு நோய் கட்டுப்படும்.

சிலருக்கு சிறுநீர் கழிக்கும் போது எரிச்சல் ஏற்பட்டு அவதிப்படுவார்கள். இப்படிப்பட்டவர்கள், நாவல் பழங்களை பிழிந்து வடிகட்டிய சாற்றை 3 தேக்கரண்டி அளவு எடுத்துக்கொள்ள வேண்டும்.

அதனுடன், ஒரு தேக்கரண்டி அளவு சர்க்கரை கலந்து குடிக்க வேண்டும். தினமும் காலை, மாலை ஆகிய இரு வேளைகள் வீதம் 2 நாட்களுக்கு சாப்பிட்டாலே போதும். சிறுநீர் எரிச்சல் போய்விடும்.

நாவல் மரத்தின் இலைக் கொழுந்தை நசுக்கி சாறு எடுத்து, ஒரு தேக்கரண்டி அளவு சாப்பிட வேண்டும். காலை, மாலை என இரு வேளை 3 நாட்களுக்கு தொடர்ந்து இவ்வாறு சாப்பிட்டு வந்தால் பேதியை கட்டுப்படுத்தலாம்.

10 சென்டிமீட்டர் நீளமும், 5 சென்டிமீட்டர் அகலமும் கொண்ட முற்றிய நாவல் மரத்தின் பட்டையை சேகரித்துக் கொள்ள வேண்டும். இதை 1/2 லிட்டர் தண்ணீரில் இட்டு கொதிக்க வைக்க வெண்டும்.

கொதிக்கும் நீரை 1/4 லிட்டராக சுண்டக்காய்ச்சிய பின்னர், வாயில் கொப்பளித்து வர வேண்டும். தொடர்ந்து ஓரிரு நாட்கள் இவ்வாறு செய்தால் தொண்டைப் புண் குணமாகும்.

நாவல் பழத்தின் பிற பயன்கள்:

* நாவல் பழத்திற்கு சிறுநீர் பெருக்கம், பசியை தூண்டும் தன்மை உண்டு. மேலும், நாக்கு மற்றும் பல் ஈறுகளை சுத்தம் செய்யும் தன்மையும் இதற்கு உண்டு.

* தொடர்ந்து நாவல் பழங்கள் சாப்பிட்டு வந்தால் குடல், இரைப்பை இதயத்தின் தசைகள் வலுவாகும்.

* நாவல் பழச்சாற்றுக்கும் நீரிழிவு நோயை கட்டுப்படுத்தும் குணம் உண்டு.

* நாவல் மரத்தின் பட்டைக்கு நரம்பை பலப்படுத்தும் சக்தியும், காசநோய், குடல் புண்கள் மற்றும் வயிற்றுப்போக்கு ஆகியவற்றை குணமாக்கும் சக்தியும் உண்டு.

* இரத்தம் சுத்தப்படுத்துதலிலும் நாவல் முக்கிய இடம் பெறுகிறது.

jesifer · jesifer Tue Aug 19, 2014 3:59 pm

அருமையான தகவல்..........கிடைத்திருந்த பழத்தை சாப்பிட முடியாமல் போச்சே....

காசநோயை குணப்படுத்தும் நாவல் பழம்! 3838410834

**சிவா** · **சிவா** Tue Aug 19, 2014 5:00 pm

jesifer wrote:அருமையான தகவல்..........கிடைத்திருந்த பழத்தை சாப்பிட முடியாமல் போச்சே....

ஏன்? விற்றுவிட்டீர்களா?

**T.N.Balasubramanian** · **T.N.Balasubramanian** Tue Aug 19, 2014 7:42 pm

சுட்டப் பழமாக இருந்திருக்கும் .

ரமணியன்

**T.N.Balasubramanian** · **T.N.Balasubramanian** Tue Aug 19, 2014 7:45 pm

நல்லத் தகவல் .
காச நோய்க்கு சிறந்த மருந்தென்ற தகவல் , புதியது எனக்கு .
ரமணியன்

Sponsored content · Sponsored content

காசநோயை குணப்படுத்தும் நாவல் பழம்!

காசநோயை குணப்படுத்தும் நாவல் பழம்!

Re: காசநோயை குணப்படுத்தும் நாவல் பழம்!

Re: காசநோயை குணப்படுத்தும் நாவல் பழம்!

Re: காசநோயை குணப்படுத்தும் நாவல் பழம்!

Re: காசநோயை குணப்படுத்தும் நாவல் பழம்!

Re: காசநோயை குணப்படுத்தும் நாவல் பழம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக