உத்தரகண்ட் வெள்ளம் ; 900 பேர் தவிப்பு; பலி எண்ணிக்கை 30 ஆக உயர்வு

**சிவா** · **சிவா** Sat 16 Aug 2014 - 21:34

டேராடூன்: உத்தரகண்ட் மாநிலத்தில் தொடர் மழை வெள்ளம், நிலச்சரிவு காரணமாக பலி எண்ணிக்கை 30 ஐ தாண்டியுள்ளது. ரிஷிகேஷ் - பத்ரிநாத் சாலை முழுவதும் துண்டிக்கப்பட்டுள்ளது. இது போல் அசாம் மற்றும் உ . பி., மாநிலத்திலும் வெள்ளப்பெருக்கு ஏற்பட்டுள்ளதால் சில மாவட்டங்கள் பாதிக்கப்பட்டுள்ளது. அணைகள் நிரம்பும் தருவாயில் உள்ளது. மலை பகுதியில் 900 ஆயிரம் பேர் சிக்கி தவிப்பதாக தெரிய வந்துள்ளது. தேசிய பேரிடர் மீட்பு படையினர் உத்தரகண்ட் மாநிலத்திற்கு அனுப்பி வைக்கப்பட்டுள்ளனர். மகாராஷ்ட்டிர மாநிலம் புனேயில் ஏற்பட்ட நிலச்சரிவில் பலர் வீடுகள் இழந்துள்ளனர். கர்நாடகாவில் பல இடங்களில் மழை பெய்து வருகிறது. தமிழகத்தில் மதுரையில் இன்று மாலையில் நல்ல மழை பெய்தது.

புனித தலங்கள் உள்ள உத்தர்காசி, யாம்கேஸ்வர், ஹரித்துவார், ரிஷிகேஷ் பகுதிகள் முழு சேதத்தை சந்தித்திருக்கின்றன. இன்னும் மழை நீடிக்கும் என வானிலை மையம் எச்சரித்துள்ளதால் மேலும் அபாயம் ஏற்பட்டுள்ளது. கரையோர மக்கள் பாதுகாப்பான பகுதிக்கு செல்லுமாறு அறிவுறுத்தப்பட்டுள்ளனர்.

கடந்த ஒரு வாரகாலமாக உத்தர்கண்ட் மாநிலத்தில் தொடர் மழை பெய்து வருகிறது. இதன் காரணமாக பல இடங்களில் நிலச்சரிவு ஏற்பட்டுள்ளது. ராஜ்பூர் பகுதியில் 3 வீடுகள் இடிந்து 7 பேர் பலியாயினர். மொத்தம் உயிரிழந்தவர்களின் எண்ணிக்கை 30 ஆக உயர்ந்துள்ளது. ரிஷகேஷ் - பத்ரிநாத் சாலை முழுமையாக துண்டிக்கப்பட்டுள்ளது. இங்குள்ள ஆறுகளில் வெள்ளம் பெருக்கெடுத்து ஓடுகிறது. சர்தாம் யாத்திரை சென்ற பக்தர்கள் நிறுத்தி வைக்கப்பட்டுள்ளனர். என்.எச்-70 பாதையில் உள்ள பாலங்கள் பலவீனமாக இருப்பதாக அலர்ட் செய்யப்பட்டு போக்குவரத்து நிறுத்தப்பட்டுள்ளன.

இது போல் உ.பி., மாநிலம் பால்ராம்பூரில் வெள்ள அபாய எச்சரிக்கை விடுக்கப்பட்டுள்ளது. ரப்தி என்ற ஆற்றில் வெள்ள பெருக்கெடுத்து ஓடுகிறது. அசாம் மாநிலம் நவகோன் பகுதி வெள்ளத்தினால் கடும் பாதிப்பை சந்தித்துள்ளது.

[thanks]தினமலர்[/thanks]

**சிவா** · **சிவா** Mon 18 Aug 2014 - 19:06

உத்திரப்பிரதேச வெள்ளத்திற்கு 28 பேர் பலி: தண்ணீரில் மிதக்கும் 1500 கிராமங்களில் மக்கள் தத்தளிப்பு: மீட்புப்பணிகள் தீவிரம்

உத்திரகண்ட்டை தொடர்ந்து உத்திரப்பிரதேசத்தை மிரட்டி வரும் மழை வெள்ள பாதிப்புகளில் 28 பேர் உயிரிழந்தததோடு, 1500 கிராமங்கள் தண்ணீரில் தத்தளிக்கின்றன. உத்திரப்பிரதேசத்தில் கனமழை பெய்து வரும் நிலையில் நேபாளத்திலிருந்த வெளியேரும் வெள்ள நீரும், அம்மாநில ஆறுகளில் பெருக்கெடுத்துள்ளன. இதனால் பக்ரைஜ், பல்ராம்பூர், லக்கிம்பூர் உள்ளிட்ட 9 மாவட்டங்களில் வெள்ளப் பெருக்கு ஏற்பட்டுள்ளது. இதனால் கரையோர மற்றும் தாழ்வான பகுதிகள் நீரில் மூழ்கியுள்ளன. வெள்ளத்தில் முற்றிலும் பாதிக்கப்பட்டுள்ள 1500 கிராமங்களில் பல ஆரம் மக்கள் வீடுகள் மற்றும் உடமைகளை இழந்து தவிக்கின்றனர்.

பாதிக்கப்பட்ட பகுதிகளில் மீட்புப் பணிகளை உத்திரப்பிரதேச அரசு முடுக்கிவிட்டுள்ளது. ஏராளமான மக்கள் பாதுகாப்பான பகுதிகளுக்கு அழைத்து செல்லப்பட்டுள்ளனர். மழை வெள்ள பாதிப்புகளில் இதுவரை 28 பேர் உயிரிழந்துள்ளனர். குறிப்பாக பக்ரைஜ் மாவட்டத்தில் 202 கிராமங்கள் கடுமையாக பாதிக்கப்பட்டு 14 பேர் பலியாகியுள்ளனர்.

சில வாரங்களுக்கு முன்னதாகவே கனமழையை எதிர்கொள்ள தொடங்கிய உத்திரகண்ட் மாநிலத்தில் நிலச்சரிவு, காட்டாற்று வெள்ளம் ஆகியவற்றால் ஆயிரக்கணக்கா மக்கள் பாதிக்கப்பட்டுள்ளனர். அங்கு மீட்பு பணிகளை துரிதப்படுத்திய முதலமைச்சர் ஹரிஷ் ராவத் தற்போது நிலைமை கட்டுக்குள் உள்ளதாக கூறியுள்ளார்.

இந்நிலையில் பீகார் மாநிலத்தில் பெய்து வரும் கனமழையால் வெள்ள நீர் சூழ்ந்துள்ள கிராமங்களில் சிக்கித் தவிக்கும் சுமார் 4 லட்சம் பேரை மீட்கும் பணி தொடர்ந்து நடைபெற்று வருகிறது. இதனிடையே ம¬ழு வெள்ளதால் பாதிக்கப்பட்டுள்ள வடமாநிலங்களில் நிலைமையை கண்காணித்து வரும் மத்திய அரசு மீட்புப்பணிக்கு தேவையான உதவிகள் செய்து தரப்படும் என்றும் தெரிவித்துள்ளது.

**T.N.Balasubramanian** · **T.N.Balasubramanian** Mon 18 Aug 2014 - 19:59

என்றோ செய்திருக்க வேண்டிய நதி நீர் இணைப்பை , செய்தால் நாட்டிற்கு நல்லது .

ரமணியன்

**krishnaamma** · **krishnaamma** Mon 18 Aug 2014 - 20:13

T.N.Balasubramanian wrote:என்றோ செய்திருக்க வேண்டிய நதி நீர் இணைப்பை , செய்தால் நாட்டிற்கு நல்லது .

ரமணியன்

மேற்கோள் செய்த பதிவு: 1080293

எனக்கும் ஒவ்வொரு முறை இது போல செய்திகளை படிக்கும்போது தோன்றுகிறது ஆனால் சம்பந்தப்பட்டவர்கள் கவனிக்கவே மாட்டேன் என்கிறார்களே சோகம்