தமிழக பாஜக தலைவராக தமிழிசை சவுந்தரராஜன் நியமனம்

தமிழக பாஜக மாநில தலைவராக, தமிழிசை சவுந்தரராஜன் நியமிக்கப்பட்டுள்ளார். டெல்லியில் கட்சித் தலைவர் அமித்ஷா இந்த அறிவிப்பை வெளியிட்டார். தமிழக பாஜகவுக்கு தலைவராக நியமிக்கப்படும் முதல் பெண் இவர் என்பது குறிப்பிடத்தக்கது.

தமிழக பாரதிய ஜனதா கட்சி தலைவராக இருந்த பொன்.ராதாகிருஷ்ணன் மத்திய அமைச்சராக நியமனம் ஆனதையடுத்து தமிழக பாரதீய ஜனதா கட்சிக்கு புதிய தலைவர் தேர்ந்தெடுக்கப்பட்டுள்ளார். முன்னதாக தமிழிசை சவுந்தரராஜன் தேசியச் செயலராக இருந்தார். பாஜக மாநில பொதுச்செயலர், துணைத் தலைவர் பதவிகளை ஏற்கனவே வகித்துள்ளார்.

தமிழக பாஜக செய்தி தொடர்பாளராக லலிதா குமாரமங்கலம் நியமிக்கப்பட்டுள்ளார்.

டெல்லியில் இன்று பாஜக தலைவர் அமித் ஷா, கட்சியின் புதிய நிர்வாகிகளை அறிவித்தார். அதன்படி தமிழக பாஜக மாநில தலைவராக தமிழிசை சவுந்தரராஜன் நியமிக்கப்பட்டுள்ளார். இதேபோல், மத்தியப்பிரதேசம் மாநிலத்திற்கு நந்த்குமார் சிங் சவுஹான், சத்தீஸ்கர் மாநிலத்திற்கு தர்மபால் கவுசிக், அசாம் மாநிலத்திற்கு சித்தார்த் பட்டாச்சார்யா ஆகியோர் தலைவர்களாக நியமிக்கப்பட்டுள்ளனர்.

புதிய நிர்வாகிகள் குழுவில், 11 துணைத் தலைவர்கள், 8 பொதுச்செயலாளர்கள், 4 இணை பொதுச் செயலாளர்கள், 14 செயலாளர்கள், 10 செய்தித்தொடர்பாளர்கள் ஒரு அலுவல் காரியதரிசி உள்பட 53 பேர் இடம்பெற்றுள்ளனர்.

இவர்களை தவிர தமிழகம், மத்தியப்பிரதேசம், சத்தீஸ்கர், அசாம் மாநிலங்களுக்கு புதிய மாநில தலைவர்களும் நியமிக்கப்பட்டுள்ளனர்.

வருண் காந்தி நீக்கம்:

மிகுந்த ஆச்சர்யம் தரும் நடவடிக்கையாக, உ.பி. மாநிலம் சுல்தான்பூர் பாஜக எம்.பி. வருண் காந்தி கட்சியின் பொதுச் செயலாளர் பதவியில் இருந்து நீக்கப்பட்டுள்ளார். அவருக்கு பதிலாக ஆர்.எஸ்.எஸ். செய்தித் தொடர்பாளர் ராம் மாதவ் பாஜக பொதுச்செயலாளராக நியமிக்கப்பட்டுள்ளார். ஜெ.பி. நட்டா, ராஜீவ் பிரதாப் ரூடி, முரளிதர் ராவ், ராம்லால் ஆகியோர் பொதுச் செயலாளராக மீண்டும் தொடர்கின்றனர்.

அதேவேளையில், கர்நாடக முன்னாள் முதல்வர் பி.எஸ்.எடியூரப்பா கட்சியின் துணைத் தலைவராக உயர்த்தப்பட்டுள்ளார்.

லலித் குமார் மங்கலம், நளின் கோஹ்லி, சம்பித் பத்ரா, அனில் பலோனி, ஜி.வி.எல். நரசிம்ம ராவ் ஆகியோர் பாஜக புதிய செய்தி தொடர்பாளர்களாக நியமிக்கப்பட்டுள்ளனர்.

வாழ்த்துகள் தமிழிசை அவர்களுக்கு
குமரி அனந்தன், அவரது தந்தை , சிறந்த காமராஜர் பக்தர் . (இவர் அடிக்கடி மாறினாரோ ? -பார்க்கவேண்டும் )
இவரது சிறிய தந்தை , வசந்த் & co. , வசந்த் காங்கிரஸ் கட்சி . சமிபத்திய தேர்தலில் , தோல்வி கண்டவர் .

பின்னணி சரியான அரசியல் குடும்பம் !

ரமணியன்

தமிழிசை சௌந்தரராஜன், எச்.ராஜாவுக்கு வைகோ வாழ்த்து

தமிழக பாஜக தலைவராகத் தேர்ந்தெடுக்கப்பட்ட தமிழிசை சௌந்தராஜன், தேசிய செயலராகத் தேர்ந்தெடுக்கப்பட்ட எச்.ராஜா ஆகியோருக்கு மதிமுக பொதுச் செயலர் வைகோ வாழ்த்து தெரிவித்துள்ளார்.

இது குறித்து இன்று அவர் வெளியிட்ட செய்திக் குறிப்பு:

தமிழக பாரதிய ஜனதா கட்சியின் தலைவராக சகோதரி தமிழிசை சௌந்தரராஜன், அக்கட்சியின் அகில இந்தியத் தலைமையால் அறிவிக்கப்பட்ட செய்தி மிகவும் மகிழ்ச்சி அளிக்கிறது.

தன் பேச்சு ஆற்றலாலும், கட்சிப் பணிகளாலும் அனைவரின் மதிப்பையும் பாராட்டுகளையும் பெற்றுள்ள சகோதரி தமிழிசை, அக்கட்சியின் அகில இந்திய தேசியச் செயலாளராகவும் சிறப்பாகப் பணி புரிந்தார். மருத்துவத் துறையிலும் சிறந்த சேவை செய்து வருகிறார். அவரது அருமைத் தந்தையார் இலக்கியச் செல்வர் குமரி அனந்தன் வழியிலேயே தமிழ் மொழி, தமிழ் இனம் மீது எல்லையற்ற பற்றும் அதற்குத் தொண்டு ஆற்றும் அர்ப்பணிப்பு உணர்வும் மிக்கவர். அரசியல், சமூக, பொருளாதாரப் பிரச்சினைகளில் ஆழ்ந்த புரிதலும், மதிநுட்பம் கொண்டு வாதாடும் வல்லமையும் கொண்டவர். அனைவரிடத்திலும் அன்பு பாராட்டி, இனிய இயல்புடன் பழகுகின்ற பண்புகள் நிறைந்தவர். இத்தகைய பன்முகத் திறன் வாய்ந்த சகோதரி தமிழிசை சௌந்தரராஜன், பாரதிய ஜனதா கட்சியின் தமிழகத் தலைவர் பொறுப்பில் சிறப்பாகச் செயல்பட மதிமுக சார்பில் மகிழ்ச்சியோடு வாழ்த்துகிறேன்.

பாரதிய ஜனதா கட்சியின் அகில இந்திய தேசியச் செயலாளராக சகோதரர் எச். ராஜா அறிவிக்கப்பட்டதும் மகிழ்ச்சி அளிக்கிறது. அவர்களுக்கும் உளமார்ந்த வாழ்த்துகளைத் தெரிவிக்கிறேன்.

T.N.Balasubramanian wrote:வாழ்த்துகள் தமிழிசை அவர்களுக்கு
குமரி அனந்தன், அவரது தந்தை , சிறந்த காமராஜர் பக்தர் . (இவர் அடிக்கடி மாறினாரோ ? -பார்க்கவேண்டும் )
இவரது சிறிய தந்தை , வசந்த் & co. , வசந்த் காங்கிரஸ் கட்சி . சமிபத்திய தேர்தலில் , தோல்வி கண்டவர் .

பின்னணி சரியான அரசியல் குடும்பம் !

ரமணியன்

இவரது தந்தை குமரி அனந்தனா?

தகவலுக்கு நன்றி ஐயா!

T.N.Balasubramanian wrote:வாழ்த்துகள் தமிழிசை அவர்களுக்கு
குமரி அனந்தன், அவரது தந்தை , சிறந்த காமராஜர் பக்தர் . (இவர் அடிக்கடி மாறினாரோ ? -பார்க்கவேண்டும் )
இவரது சிறிய தந்தை , வசந்த் & co. , வசந்த் காங்கிரஸ் கட்சி . சமிபத்திய தேர்தலில் , தோல்வி கண்டவர் .

பின்னணி சரியான அரசியல் குடும்பம் !

ரமணியன்

மேற்கோள் செய்த பதிவு: 1079956

ஒ....விவரங்களுக்கு நன்றி ஐயா

வாழ்த்துகள் தமிழிசை அவர்களுக்கு

குமரி அனந்தன் தமிழ்நாடு காங்கிரஸ் தலைவராக பதவி வகித்தவர் .
அவர் குமாரி , தமிழ் இசை பா ஜ காவின் தமிழ் நாடு தலைவர் .
இரு பெரும் தேசிய கட்சிகளின் தலைவர் பதவி வகித்த தந்தை / மகள்
என்ற பெருமை இக்குடும்பத்திற்கு உண்டு .

ரமணியன்