இளம் பெண்களே... எங்கே போகிறீர்கள் ?????????

by **krishnaamma** Sun Aug 17, 2014 8:50 pm

இளம் பெண்களே... எங்கே போகிறீர்கள்!

சமீபத்தில் ஒரு தொலைக்காட்சியில், வளர்ந்து வரும் இளம் நடிகர் ஒருவரின் பேட்டியும், அதைத் தொடர்ந்து ரசிக, ரசிகைகளின் கலந்துரையாடும் நிகழ்ச்சியும் ஒளிபரப்பானது.

அதில் சில இளம் பெண் ரசிகைகள், 'வெவ்வேறான கதா பாத்திரங்களில் நடிக்க வேண்டும்...' என்று தங்கள் ஆசையை தெரியப்படுத்தினர். ஆனால், இன்னும் சில ரசிகைகள் சொன்ன ஆசைகளை கேட்ட போது மிகவும் அதிர்ச்சியாகவும், வருத்தமாகவும் இருந்தது. ஒரு இளம் ரசிகை, அந்த நடிகரின் கன்னங்களை பிடித்து கிள்ள வேண்டும் என்றும், அதேமாதிரி அந்த நடிகரும், தன் கன்னங்களைப் பிடித்து கிள்ள வேண்டும் என்று கூறினாள்.

சில நிமிடம் யோசனைக்கு பின், அந்த நடிகர் ஒத்துக் கொண்டு, அந்த காட்சி நடந்தேறியது. இதை விட ஒரு படி மேலே போய், ஒரு இளம் ரசிகை, 'தான் கேட்கும் கேள்விக்கு பதில் சொல்ல தெரியாவிட்டால், தன்னை அலாக்காக தூக்க வேண்டும்; இல்லையேல், மேடையில், தான் லிப்ஸ்டிக் பதித்து, முத்தம் கொடுத்த சட்டையை, அங்கேயே அணிய வேண்டும்...' என்று, தன் ஆசையை வெளிப்படுத்தினாள்; அதுவும் நடந்தது.

இது என்ன புது கலாசாரம்! பல்லாயிரம் பேர் பார்ப்பார்களே என்று கொஞ்சம் கூட விவஸ்தை இல்லாமல், இந்த இளம் பெண்கள் இப்படி கேட்கின்றனரே... இதை இவர்கள் பெற்றோர் பார்த்துக் கொண்டுதான் இருக்கின்றனரா... இல்லை பிள்ளைகள் எப்படியாவது திரியட்டும் என்று, எங்காவது வனாந்திரத்தில் வசிக்கின்றனரா... இதை எல்லாம் ஒளிபரப்பும் மீடியாக்களுக்கு சமூக கடமையும், பொறுப்பும் இல்லையா...ரேட்டிங் ஏற வேண்டும் என்பதற்காக எதை வேண்டுமானாலும் நிகழ்ச்சி என்று நடத்திக் கொள்வதா?
இந்த மாதிரி சுதந்திரம் கிடைக்கவா பாரதியார் மற்றும் திலகர் போன்றோர், பல ஆண்டுகளாக, பெண்களுக்கு சம உரிமை வேண்டும் என போராடினர்!

இளம் பெண்களே, மீடியாக்களே... சிந்தித்து செயல்படுங்கள்.

எல்.பாலசுப்ரமணியன், சென்னை.

by **krishnaamma** Sun Aug 17, 2014 8:52 pm

ரொம்ப அதிர்ச்சியாக இருந்தது படித்ததும்................அது தான் தனி பதிவாக போட்டேன் , நிறைய பேர் பார்பார்களே ? சோகம்

by **அகிலன்** Sun Aug 17, 2014 9:20 pm

அற்ப ஆசைகள் மனதில் எழுவது இயல்புதான் ஆனால் அவற்றை பண்பாடு கருதி அடக்கிக்கொள்ள வேண்டும், அல்லாமல் அவற்றை அனுபவித்துப்பழகினால் அவற்றுக்கு அடிமையாகி துன்பப்பட நேரும்.

by **krishnaamma** Sun Aug 17, 2014 10:12 pm

அகிலன் wrote:அற்ப ஆசைகள் மனதில் எழுவது இயல்புதான் ஆனால் அவற்றை பண்பாடு கருதி அடக்கிக்கொள்ள வேண்டும், அல்லாமல் அவற்றை அனுபவித்துப்பழகினால் அவற்றுக்கு அடிமையாகி துன்பப்பட நேரும்.

மேற்கோள் செய்த பதிவு: 1080120

ரொம்ப சரி அகிலன், அந்த 'பண்பாடு' தான் இவர்களிடம் மாட்டிக்கொண்டு , அரை உயிராய் 'பாடு' படுகிறது சோகம்