சருமத்திற்கு வரமாகும் தேன் !

ஈகரை தமிழ் களஞ்சியம் :: பெண்கள் பகுதி :: மகளிர் கட்டுரைகள்

Page 1 of 1 •

சருமத்திற்கு வரமாகும் தேன் !

#1080322

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Mon Aug 18, 2014 8:03 pm

தேன் எல்லோர் வீட்டிலும் இருக்கும். தேனை கொண்டு பெண்கள் தங்களது முகத்தை அழகாக்க சில வழிகள்.

சருமம் மிருதுவாக:

ஒரு சின்ன ஸ்பூன் தேன், ஒரு ஸ்பூன் சந்தனம், சின்ன ஸ்பூன் கடலைமாவு, பால் ஆடை ஒரு ஸ்பூன், ஒரு ஸ்பூன் பன்னீர், இவை அனைத்தையும் கலந்து சருமத்தில் தடவி 20 நிமிடம் கழித்து லேசான சூடு தண்ணீரில் கழுவவும்.

வெயிலால் ஏற்பட்ட கருப்பு நிறம் மாற:

அரை ஸ்பூன் பால் பொடி, அரை ஸ்பூன் எலுமிச்சை சாறு, ஒரு சின்ன ஸ்பூன் தேன், ஒரு சின்ன ஸ்பூன் பாதாம் ஆயில் ஆகியவற்றை கலந்து முகத்தில் தடவி 20 நிமிடம் கழித்து லேசான சூடு தண்ணீரில் கழுவவும்.

இயற்கையான ஒரு பிளீச்:

ஒரு சின்ன ஸ்பூன் தேன், ஒரு ஸ்பூன் பால் பவுடர், எலுமிச்சை சாறு ஒரு ஸ்பூன், இதை மிக்ஸ் பண்ணி முகத்தில் தடவி 20 நிமிடம் கழித்து வெதுவெதுப்பான நீர் கொண்டு கழுவவும்.

எண்ணெய் பசையுள்ள முகத்திற்கு:

ஒரு பெரிய ஸ்பூன் தேன், ஒரு சின்ன ஸ்பூன் முட்டையின் வெள்ளை கரு, ஒரு ஸ்பூன் தயிர் இவை அனைத்தையும் கலந்து முகத்தில் தடவி அரை மணி நேரம் கழித்து வெதுவெதுப்பான நீரில் கழுவவும்.

இரண்டு ஸ்பூன் கடலைமாவும் ஒரு சின்ன ஸ்பூன் தேனும் அரை ஸ்பூன் எலுமிச்சை சாறும் மிக்ஸ் பண்ணி முகத்தில் தடவி சிறிய மசாஜ் கொடுத்து 3 நிமிடம் கழித்து வெதுவெதுப்பான நீரில் கழுவவும். பிளாக் ஹோட்ஸ் நீங்கும்.

முக சுருக்கம் நீங்க:

சின்ன ஸ்பூன் தேனும் ஒரு ஸ்பூன் முட்டையின் வெள்ளை கருவும் மிக்ஸ் பண்ணி முகத்தில் தடவவும். 15 நிமிடம் கழித்து வெதுவெதுப்பான நீரில் கழுவவும்.

பரு இருப்பவர்கள் இதை செய்ய கூடாது.