26 முறை திருமணம் செய்துகொண்ட 40 வயது சீனப்பெண்

**சிவா** · **சிவா** Tue Aug 12, 2014 9:58 pm

26 முறை திருமணம் செய்துகொண்ட சீனாவைச் சேர்ந்தப் பெண், சட்ட சிக்கல் காரணமாகத் தற்போதய கணவரை விவாகரத்து செய்துள்ளார்.

சீனாவிலுள்ள ஜியாங்சு மாகாணத்தின் சுயாங் மாவட்டத்தைச் சேர்ந்த 40 வயதுடையப் பெண்மணி ஒருவர் சமீபத்தில், தான் முன்னாள் கணவர் மூலம் கருவுற்றிருப்பதைத் தெரிந்துகொண்டார்.

இதனால் தற்போதைய கணவரை விவாகரத்து செய்துவிட்டு தனது பழைய கணவரையே மறுமணம் செய்துகொண்டார். இந்தத் திருமணத்தைப் பதிவு செய்யப் போனபோது, அந்தக் கணவருக்கு மற்றொரு பெண் மூலம் ஏற்கனவே இரண்டு குழந்தைகள் இருப்பது தெரியவந்துள்ளது.

சீனாவில் மக்கள் தொகையைக் கட்டுப்படுத்துவதற்காக, சமீப காலம் வரை 'ஒரு குடும்பம் ஒரு குழந்தை' என்ற கொள்கை கடைப்பிடிக்கப்பட்டு வந்தது. தற்போது இந்தக் கொள்கையை சீன அரசு தளர்த்தியுள்ளதால், இரண்டாவது குழந்தையைப் பெற்றுக்கொள்ளலாம்.

இந்நிலையில் சட்டப்படி அந்தக் கணவர் மூன்றாவது குழந்தைக்குத் தந்தையாக முடியாது. இந்த சிக்கலைத் தீர்ப்பத்ற்காக அந்தப் பெண் இவரை விவாகரத்து செய்துவிட்டு மீண்டும் பழைய கணவரை மணந்து கொள்ள முடிவு செய்துள்ளார்.

குழந்தையில்லாத அந்த மனிதனும் தான் ஒரு குழந்தைக்குத் தந்தையாகவிருப்பது குறித்து தனது மகிழ்ச்சியைத் தெரிவித்துள்ளார்.

இதுவரை 15 ஆண்களைத் திருமணம் செய்துள்ள இந்தப் பெண் அவர்களில் 9 பேரை மறுமணமும் செய்துள்ளார் என்பது குறிப்பிடத்தக்கது.

**Aathira** · **Aathira** Tue Aug 12, 2014 10:09 pm

இதுக்குப் பேரு......

யினியவன் · யினியவன் Tue Aug 12, 2014 10:17 pm

ரிப்பேரூ ரூ ரூ ரூ ரூ ரூ ரூ

**Muthumohamed** · **Muthumohamed** Wed Aug 13, 2014 12:13 am

**T.N.Balasubramanian** · **T.N.Balasubramanian** Wed Aug 13, 2014 2:44 am

15 ஆண்கள் ,அதில் 9 பேரை மறுமணம் செய்துகொண்டுள்ளார் .15 +9=24
மொத்தம் 26 முறை என்றால் கணக்கு உதைக்குதே . இன்னும் ரெண்டு ஆளையோ அல்லது ஒரு ஆளை மணம் செய்து விவாகரத்து செய்து மறுமணம் செய்துகொண்டால் தான் கணக்கு சரியாகும் .
அவதூராக யாரையும் சொல்லகூடாது . பெண் பாவம் பொல்லாது !

ரமணியன்