ராணுவவீரர் தலையுடன் ஐ.எஸ்.ஐ.எஸ். தீவிரவாதியின் 7 வயது மகன்

சிரியா ராணுவ வீரரின் துண்டிக்கப்பட்ட தலையுடன் ஐ.எஸ்.ஐ.எஸ். தீவிரவாதியின் 7 வயது மகன் போஸ் கொடுக்கும் புகைப்படம் ஆஸ்திரேலியா செய்தி நாளிதழில் வெளியாகியுள்ளது. இது தீவிரவாதிகளின் காட்டுமிராண்டித்தனத்தை காட்டுகிறது என்று ஆஸ்திரேலியா பிரதமர் டோனி அபோட் கூறியுள்ளார்.

தீவிரவாதி காலித் ஷராப் தனது 7-வயது மகன் சிரியா ராணுவ வீரரின் துண்டிக்கப்பட்ட தலையுடன் தனது மகனை போட்டோ எடுத்து டுவிட்டரில் வெளியிட்டுள்ளான். கொல்லப்பட்ட ஒரு சிரிய ராணுவ வீரரின் தலையை தனியாக வெட்டி எடுத்து அதைத் தனது கையில் ஏந்திப் பிடித்தபடி சிறுவன் நிற்கிறான். இந்த சம்பவம் பெரும் அதிர்ச்சியை ஏற்படுத்தியுள்ளது.தீவிரவாதி காலித் ஷராப் ஆஸ்திரேலியாவில் வளர்ந்தவன். அந்த 7வயது சிறுவனும் ஆஸ்திரேலியாவிலே பிறந்தவன். இந்த புகைப்படத்தை ஆஸ்திரேலியாவின் செய்தி நாளிதழ் வெளியிட்டுள்ளது.

சிறுவன் தலையுடன் நிற்கும் காட்சி வடக்கு சிரியாவின் ரக்கா நகரில் எடுக்கப்பட்டுள்ளது. கடந்த ஆண்டு டுவிட்டரில் பதிவு செய்யப்பட்டுள்ளது. காலித் ஷராப் ஆஸ்திரேலியாவால் தேடப்படும் தீவிரவாதி ஆவான். அவன் எப்படியோ அங்கியிருந்து தப்பி ஓடி சிரியாவில் ஐ.எஸ்.ஐ.எஸ். தீவிரவாத இயக்கத்தின் முக்கிய தலைவனாக செயல்பட்டு வருகிறான் என்று கூறப்பட்டுள்ளது. கடந்த ஆண்டு தப்பி ஓடியுள்ளான் என்று கூறப்படுகிறது. ஐ.எஸ்.ஐ.எஸ். தீவிரவாதிகளின் காட்டு மிராண்டித்தனத்திற்கான கிடைத்த மேலும், ஒரு ஆதாரம் என்று ஆஸ்திரேலியா பிரதமர் டோனி அபோட் கூறியுள்ளார். ஆஸ்திரேலியாவை சேர்ந்த 150 பேர் ஐ.எஸ்.ஐ.எஸ். தீவிரவாத இயக்கத்தில் இணைந்து சண்டையிடுகின்றனர் என்று அரசு சந்தேகிக்கிறது.

ஈராக்கில் ஷியா முஸ்லிம் அரசுக்கு எதிராக சன்னி முஸ்லிம் பிரிவு ஐ.எஸ்.ஐ.எஸ். தீவிரவாதிகள் போர்க்கொடி உயர்த்தி தாக்குதல்களில் ஈடுபட்டு வருகின்றனர். தீவிரவாதிகள் தாக்குதலை அடுத்து பதற்றம் அதிகரித்தது. அமெரிக்காவின் உதவியை ஈராக்கும், குர்தீசும் நாடின. இதையடுத்து ஐ.எஸ்.ஐ.எஸ். தீவிரவாதிகளின் நிலைகளை குறிவைத்து வான்வழி தாக்குதல் நடத்தும்படி அமெரிக்க ஜனாதிபதி ஒபாமா உத்தரவிட்டார். ஒபாமாவின் அறிவிப்பை தொடர்ந்து, ஈராக்கில் ஐ.எஸ்.ஐ.எஸ். தீவிரவாதிகளின் நிலைகளை குறிவைத்து அமெரிக்கா குண்டுவீச்சை தொடங்கியது. இந்நிலையில் பாதிக்கப்பட்ட மக்களுக்கு உதவி செய்ய பிரான்ஸ், பிரிட்டன், ஆஸ்திரேலியா ஆகிய நாடுகள் முன்வந்துள்ளன.

காட்டுமிராண்டிகள்

.



நானும் ஒரு நாள் ஒரு தீவிரவாதியின் தலையோடு போஸ் கொடுக்கிறேன்.அது இதை விட பயங்கரமாக இருக்கும்

ஐயா, தீவிரவாதின்னு நினைச்சு என் தலையை வெட்டிடுதீங்க,  ஏன்னா என் தலையில ஒன்னும் இல்லை.

விஷ விதை !

  தீவிரவாதத்தை வேரோடு சாய்க்க வேண்டும்.