கழுதைப் பால் - ஒரு லிட்டர் ₹ 1,000

First topic message reminder :



தங்கத்தை போன்று கழுதை பாலின் விலை தொடர்ந்து அதிகரித்து வந்த போதிலும் அதற்கான மவுசு குறையவில்லை. ஹாசனில் ஒரு லிட்டர் கழுதை பால் ₹ 1,000–க்கு விற்பனை ஆகிறது.

இந்திய மருத்துவ துறை

இந்தியா மருத்துவத்துறையில் நாள்தோறும் சிறப்பான வளர்ச்சி அடைந்து வருகிறது. இதனால் வரும் காலத்தில் மருத்துவத்துறை உள்பட பல்வேறு துறைகளில் மற்ற நாடுகளுக்கு இந்தியா முன்னோடியாக திகழும் என்பதில் துளியும் ஐயமில்லை. மருத்துவ துறையில் இந்தியா அதீத வளர்ச்சி அடைந்து வந்தாலும், மருந்துகள் கண்டுப்பிடிக்கும் அறிஞர்களுக்கு முன்னோடியாக இருப்பது நமது நாட்டில் உள்ள பல்வேறு மூலிகை செடிகள் என்பதை யாரும் மறுக்க முடியாது.

இயற்கையாகவே நமது வீட்டில் உள்ள வேப்ப மரம், தூதுவளை, துளசி போன்றவை மருத்துவ குணங்கள் கொண்டவை ஆகும். இதுபோன்ற பல்வேறு செடிகளில் இருந்தும் நமது முன்னோர்கள் பல்வேறு நோய்களை குணப்படுத்தும் மருந்துகளை கண்டுபிடித்து உள்ளனர்.

கழுதை பால்

இதுபோன்ற செடிகள் மருத்துவ குணங்கள் கொண்டவை என்பதை நம்மில் பல பேர் அறிந்து இருக்கலாம். ஆனால் நமது கிராமங்களில் பொதி மூட்டை சுமக்கும் கழுதையின் பாலிலும் அதிகளவு மருத்துவ குணம் இருக்கிறது என்பது பெரும்பாலானோருக்கு தெரிந்திருக்க வாய்ப்பு இல்லை.

கழுதை பால் குடிப்பதால் உடல் ஆரோக்கியம் பெறுவதோடு, நோய் எதிர்ப்பு சக்தியும் அதிகரிக்கிறது. மேலும் மனிதனை பாடாய்படுத்தும் மஞ்சள் காமலை நோயும் கழுதை பால் குடிப்பதால் ‘சூரியனை கண்ட பனி போல்’ மறைந்து போகிறது.

விற்பனை மும்முரம்

இதுபோன்ற மருத்துவ குணங்களை தன்னகத்தே கொண்டு உள்ளதால் தான் என்னவோ, தற்போது உள்ள நவீன காலத்திலும் கழுதை பால் விற்பனை மும்முரமாக நடந்து வருகிறது. இதனால் கழுதை வளர்ப்பவர்கள், கழுதை பால் விற்பனையில் மும்முரமாக ஈடுபட்டு வருகிறார்கள். அவர்களுக்கு அந்த தொழில் பெரிய அளவில் லாபத்தை ஈட்டிக் கொடுக்கிறது.

இதற்கு உதாரணமாக, ஹாசன் தாலுகா பேலூரில் தமிழ்நாடு தர்மபுரி மாவட்டத்தை சேர்ந்த 2 பேர், 2 கழுதைகளை கொண்டு பால் விற்பனையை கடந்த சில வாரங்களாக செய்து வருகிறார்கள். இவர்கள் முதலில் பேலூரில் வீதிவீதியாக சுற்றித்திரிந்து கூவி, கூவி கழுதை பால் விற்று வந்தனர். ஆனால் தற்போது கழுதை பாலை நாடி வரும் பொதுமக்களின் எண்ணிக்கை அதிகரித்து விட்டால், அவர்கள் பேலூரியில் ஒரு இடத்தில் அமர்ந்து கழுதை பால் விற்பனை செய்து வருகிறார்கள்.

ஒரு லிட்டர் ₹ 1,000

கழுதை பாலின் விலையை சாதாரணமாக நினைத்து விடாதீர்கள். ஒரு லிட்டர் கழுதை பால் ₹.1,000–க்கு விற்பனை செய்யப்படுகிறது. பேலூர் மற்றும் அதன் சுற்றுவட்டார பகுதிகளில் உள்ளூரை சேர்ந்தவர்களும் கழுதை பால் விற்பனை செய்து வருகிறார்கள்.

கழுதை பால் விலை தங்கத்தின் விலையை போல் நாள்தோறும் தொடர்ந்து ஏறுமுகமாக இருந்தபோதிலும், அதை நாடி வரும் பொதுமக்களின் எண்ணிக்கையும் தொடர்ந்து அதிகரித்து வருகிறது. இது கழுதை பால் வியாபாரிகளுக்கு மகிழ்ச்சியை ஏற்படுத்தி உள்ளது.

கழுதைக்குத் தொியுமா கற்புர வாசனை.....ஆனால் அதே கழுதை....மனிதனுக்குத் தெரியுமா கழுதை வாசனை ன்கிறா மாதிரி இருக்கி..............

நல்ல பதிவு.