ஆவியில் வேகவைத்த உணவு வகைகள்

**சிவா** · **சிவா** Mon Aug 11, 2014 3:06 am

First topic message reminder :

முளைகட்டிய பச்சைப்பயறு டோக்ளா

தேவையானவை: முளைகட்டிய பச்சைப்பயறு - ஒரு கப், பச்சை மிளகாய் - 2 (விழுதாக்கவும்), இஞ்சி - ஒரு சிறிய துண்டு (விழுதாக்கவும்), ஆப்பசோடா - ஒரு சிட்டிகை, சர்க்கரை நீர் - 2 டீஸ்பூன், எலுமிச்சைச் சாறு - ஒரு டீஸ்பூன், உப்பு, மஞ்சள்தூள் - சிறிதளவு.
தாளிக்க: எண்ணெய் - 3 டீஸ்பூன், கடுகு - சிறிதளவு, பெருங்காயத்தூள் - அரை டீஸ்பூன், கீறிய பச்சை மிளகாய் - 2.

அலங்கரிக்க: நறுக்கிய கொத்தமல்லி, துருவிய கேரட், தேங்காய்த் துருவல் - தலா ஒரு டீஸ்பூன்.

செய்முறை: முளைகட்டிய பச்சைப்பயறு, சிறிது உப்பு, மஞ்சள்தூள் சேர்த்து வடை மாவு போல் கெட்டியாக அரைக்கவும். இத னுடன் இஞ்சி விழுது, பச்சை மிளகாய் விழுது சேர்த்து, பிறகு ஆப்பசோடா, சிறிது உப்பு சேர்த்து, எண்ணெய் தடவிய பாத்திரத்தில் போட்டு குக்கரில் வைத்து ஆவியில் 20 நிமிடம் வேகவிடவும் (குக்கரில் வெயிட் போட வேண்டாம்). ஆறிய பின் பத்திரத்தைக் கவிழ்த்து எடுத்து, உள்ளே இருப்பதை சதுரங்களாக நறுக்கவும். இதுதான் டோக்ளா.

தாளிக்கக் கொடுத்துள்ளவற்றைத் தாளித்து, அதனுடன் சர்க்கரை நீர், எலுமிச்சைச் சாறு சேர்த்துக் கலக்கி, இதை சதுரமாக நறுக்கிய டோக்ளாக்கள் மீது பரவலாக ஊற்றி, நன்கு குலுக்கிவிடவும். நறுக் கிய கொத்தமல்லி, கேரட் துருவல், தேங் காய்த் துருவல் கொண்டு அலங்கரிக்கவும்.

**சிவா** · **சிவா** Mon Aug 11, 2014 3:10 am

ரைஸ் பீஸ் பால்ஸ்

தேவையானவை: ஒரு மணி நேரம் ஊறவிட்டு நைஸாக, கெட்டியாக அரைத்த பச்சரிசி மாவு - ஒரு கப், புதினா - கொத்தமல்லி விழுது - 2 டேபிள்ஸ்பூன், நசுக்கிய பச்சை மிளகாய் - 2, பெருங்காயத்தூள், உப்பு - சிறிதளவு.

தாளிக்க: தேங்காய் எண்ணெய், தேங்காய் துருவல் - தலா ஒரு டீஸ்பூன், கடுகு, உளுத்தம்பருப்பு - தலா அரை டீஸ்பூன்.

ஆவியில் வேகவைத்த உணவு வகைகள் - Page 2 11

செய்முறை: அரைத்த பச்சரிசி மாவுடன் உப்பு, பெருங்காயத்தூள், பச்சை மிளகாய், புதினா - கொத்தமல்லி விழுது சேர்த்து, பட்டாணி அளவு உருண்டைகளாக உருட்டி, ஆவியில் 10 நிமிடம் வேகவிட்டு எடுக்கவும். ஆறியபின் தாளிக்கக் கொடுத்துள்ளவற்றைத் தாளித்து சேர்த்தால்... சூப்பர் சுவையில், ரைஸ் பீஸ் பால்ஸ் தயார்.

**சிவா** · **சிவா** Mon Aug 11, 2014 3:10 am

மாதுளம் இலை அடை

தேவையானவை: பச்சரிசி மாவு - ஒரு கப், மாதுளை முத்துக்கள் - ஒரு கப், தூள் வெல்லம் - 2 டீஸ்பூன், எண்ணெய் - அரை டீஸ்பூன், ஏலக்காய்த்தூள், உப்பு - தலா ஒரு சிட்டிகை, வாழை இலை துண்டுகள் - தேவையான அளவு,

ஆவியில் வேகவைத்த உணவு வகைகள் - Page 2 12

செய்முறை: 2 கப் நீருடன் உப்பு, எண்ணெய் சேர்த்து கொதிக்கவிட்டு மாவு, சேர்த்துக் கிளறி ஆறவிடவும். மாதுளை முத்துக்கள், வெல்லம், ஏலக்காய்த்தூள் மூன்றையும் கலந்து வைத்துக்கொள்ளவும். வாழை இலையில் சிறிய சாத்துக்குடி கிளறிய மாவை சிறிய அப்பளம் போல் பரத்தி, கொஞ்சம் மாதுளை கலவையை நிரப்பி அப்படியே ஒட்டி மடித்து ஆவியில் வேகவிட்டு, வெந்த பின் இலை நீக்கி பரிமாறவும்.

**சிவா** · **சிவா** Mon Aug 11, 2014 3:11 am

அவல் - பாசிப்பருப்பு பிடிகொழுக்கட்டை

தேவையானவை: ரவையாக பொடித்த கெட்டி அவல் - ஒரு கப், வேகவைத்த பாசிப்பருப்பு - கால் கப், உப்பு, மஞ்சள்தூள் - தேவையான அளவு.

தாளிக்க: தேங்காய் எண்ணெய் - 3 டீஸ்பூன், கடுகு, சீரகம் - தலா அரை டீஸ்பூன், சிறிய பச்சை மிளகாய் - 3 (நறுக்கவும்), கொத்தமல்லி, கறிவேப்பிலை - சிறிதளவு, பெருங்காயத்தூள் - சிறிதளவு, வேகவைத்த வேர்க்கடலை - ஒரு கைப்பிடி அளவு.

ஆவியில் வேகவைத்த உணவு வகைகள் - Page 2 13

செய்முறை: ரவையாக பொடித்த அவலை உப்பு, மஞ்சள்தூள் சேர்த்து அரை கப் வெந்நீர் தெளித்து நன்கு பிசிறி வைக்கவும். தாளிக்கக் கொடுத்துள்ளவற்றைத் தாளித்து ஒரு கப் நீர் சேர்த்து கொதிக்கவிட்டு, வெந்த பாசிப்பருப்பு, பிசிறிய அவல் சேர்த்து கெட்டியாக கிளறி எடுக்கவும். ஆறிய பின் உருண்டை / நீளவாக்கில் உருட்டி 5 - 7 நிமிடம் ஆவியில் வேகவிட்டு எடுத்து, விருப்பமான சட்னியுடன் பரிமாறவும்.

அவல் எளிதில் ஜீரணம் ஆகும். இந்த பிடிகொழுகட்டை விரத நாட்களுக்கு ஏற்றது.

**சிவா** · **சிவா** Mon Aug 11, 2014 3:11 am

ஆப்பிள் ஸ்டஃப்டு கொழுக்கட்டை

தேவையானவை: பச்சரிசி - ஒரு கப், எண்ணெய் - சிறிதளவு, உப்பு - ஒரு சிட்டிகை.

பூரணத்துக்கு: துருவிய ஆப்பிள் - ஒரு கப், இனிப்பு பால் கோவா - 100 கிராம், ஏலக்காய்த்தூள் - ஒரு சிட்டிகை, பொடித்த வெல்லம் - 2 டீஸ்பூன்.

ஆவியில் வேகவைத்த உணவு வகைகள் - Page 2 14

செய்முறை: பச்சரிசியை ஒரு மணி ஊறவிட்டு, உப்பு, 2 கப் நீர் சேர்த்து நைஸாக அரைக்கவும். அடிகனமான வாணலியில் எண்ணெய், அரைத்த மாவு சேர்த்து அடிபிடிக்காது, கட்டியின்றி கைவிடாமல் கிளறி இறக்கவும். பூரணத்துக்கான பொருட்ளை கலந்துகொள்ளவும். மேல் மாவில் கொழுக்கட்டைக்கான சொப்புகள் செய்து, பூரணத்தை நிரப்பி மூடி, ஆவியில் 15 நிமிடங்கள் வேகவிட்டு எடுக்கவும்.

**சிவா** · **சிவா** Mon Aug 11, 2014 3:11 am

தேன்குழல் கீர்

தேவையானவை: களைந்து, உலர்த்தி, அரைத்த பச்சரிசி மாவு - ஒரு கப், தேங்காய்ப் பால் - ஒரு கப், வெல்லம் - 150 கிராம், ஏலக்காய்த்தூள், வறுத்த முந்திரி - திராட்சை - சிறிதளவு, நெய் - ஒரு டீஸ்பூன், உப்பு - ஒரு சிட்டிகை.

ஆவியில் வேகவைத்த உணவு வகைகள் - Page 2 15

செய்முறை: அரிசி மாவு, உப்பு, நெய் ஆகியற்றை வெந்நீர் விட்டு முறுக்கு மாவு போல் பிசைந்து, இட்லித் தட்டில் சிறிய சிறிய தேன்குழல்களாக பிழிந்து ஆவியில் வேகவைக்கவும். வெல்லத்துடன் சிறிதளவு நீர் விட்டுக் கரைத்து, கொதிக்கவிட்டு, வடிகட்டி, தேங்காய்ப் பாலுடன் சேர்த்து கொஞ்சம் சூடாக்கவும். வேகவைத்த தேன்குழல்களை சூட்டுடன் இதில் போட்டு, ஏலக்காய்த்தூள், வறுத்த முந்திரி - திராட்சை சேர்க்கவும். ஒரு மணி நேரம் கழித்து பரிமாறவும்.

**சிவா** · **சிவா** Mon Aug 11, 2014 3:12 am

மிக்ஸ்டு பருப்பு மினி இட்லி

தேவையானவை: துவரம்பருப்பு, கடலைப்பருப்பு, பாசிப்பருப்பு, உளுத்தம்பருப்பு - தலா 50 கிராம், அரிசி - 25 கிராம், எலுமிச்சைச் சாறு - சிறிதளவு, தயிர் - 2 டேபிள்ஸ்பூன், மஞ்சள் தூள், பெருங்காயத்தூள், உப்பு - சிறிதளவு.

தாளிக்க: நெய் - ஒரு டீஸ்பூன், கடுகு, பெருங்காயத்துள் - தலா அரை டீஸ்பூன், நறுக்கிய கறிவேப்பிலை - சிறிதளவு, முந்திரி - 25 கிராம், பச்சை மிளகாய் - 2 (நறுக்கவும்), எண்ணெய், நெய் - தலா ஒரு டீஸ்பூன்.

ஆவியில் வேகவைத்த உணவு வகைகள் - Page 2 16

செய்முறை: பருப்பு வகைகளை அரிசியுடன் சேர்த்து முக்கால் மணி நேரம் ஊறவிட்டு... உப்பு, மஞ்சள்தூள், பெருங்காயத் தூள் சேர்த்து, தயிர் விட்டு (தண் ணீர் வேண்டாம்) கரகரப்பாக அரைக்கவும். தாளிக்கக் கொடுத் துள்ளவற்றைத் தாளித்து மாவுடன் சேர்த்து, எலுமிச்சைச் சாறு சேர்த் துக் கலக்கவும். உடனடியாக சிறிய மினி இட்லி தட்டில் நெய் / எண் ணெய் தடவி மாவை விட்டு, 10 நிமிடம் ஆவியில் வேகவிட்டு எடுக்கவும்.

குறிப்பு: மாவை புளிக்கவைக் கக் கூடாது. இதற்குத் தொட்டுக் கொள்ள இட்லி மிளகாய்ப் பொடி, தேங்காய் சட்னி மிகவும் ஏற்றது.

**சிவா** · **சிவா** Mon Aug 11, 2014 3:12 am

ஹனி ரைஸ் காண்வி

தேவையானவை: பச்சரிசியை 2 மணி நேரம் ஊறவிட்டு நைஸாக அரைத்த மாவு - ஒரு கப், தேன் - 2 டேபிள்ஸ்பூன், உப்பு, சர்க்கரை - தலா ஒரு சிட்டிகை, ஏலக்காய்த்தூள், துருவிய சீஸ் - சிறிதளவு.

ஆவியில் வேகவைத்த உணவு வகைகள் - Page 2 17

செய்முறை: அரிசி மாவுடன் உப்பு, சர்க்கரை சேர்த்துக் கரைக்கவும். வாழை இலையில் மெல்லிய சிறிய தோசை போல் மாவை ஊற்றி, ஆவியில் 2 நிமிடம் வேகவிட்டு எடுக்கவும் பிறகு, ரிப்பன் போல் நீளவாக்கில் 'கட்’ செய்து (ஒரு இன்ச் அகலத்துக்கு) பாய் போல் சுருட்டவும். இதுதான் ரைஸ் காண்வி. எல்லாவற்றையும் இதுபோல் செய்துகொள்ளவும். ரைஸ் காண்விகளை தட்டில் வைத்து மேலே தேன், துருவிய சீஸ், ஏலக்காய்த்தூள் சேர்த்து பரிமாறவும்.

குறிப்பு: இலை வடாம் செய்வதற்கான ஸ்டாண்ட் கடைகளில் கிடைக்கிறது. அதைப் பயன்படுத்தியும் இதனை தயாரிக்கலாம்.

**சிவா** · **சிவா** Mon Aug 11, 2014 3:13 am

ஃப்ரூட் ரைஸ் காண்வி

தேவையானவை: ஹனி ரைஸ் காண்வி செய்முறையில் கொடுக்கப்பட்டுள்ள படி தயாரித்த ரைஸ் காண்வி - 2 கப், மிகவும் பொடிதாக நறுக்கிய பழங்கள் (மாம்பழம், பலாப்பழம், கொய்யா, ஆப்பிள், பைனாப்பிள்) எல்லாம் சேர்ந்து - ஒரு கப், பொடித்த சர்க்கரை - 2 டீஸ்பூன், ரோஸ் எசன்ஸ் அல்லது ஏலக்காய் எசன்ஸ் - சில துளிகள்

ஆவியில் வேகவைத்த உணவு வகைகள் - Page 2 18

செய்முறை: ரைஸ் காண்விகளை ஒரு கிண்ணத்தில் வைத்து, மேலே நறுக்கிய பழங்கள் சர்க்கரை, எசன்ஸ் சேர்த்து உடனே பரிமாறவும்.

**சிவா** · **சிவா** Mon Aug 11, 2014 3:13 am

மிக்ஸ்டு வெஜ் ரைஸ் காண்வி

தேவையானவை: 117-ம் பக்கத்தில் கொடுக்கப்பட்டுள்ளபடி தயாரித்த ரைஸ் காண்வி - ஒரு கப், பொடியாக நறுக்கிய கேரட், பீன்ஸ், கோஸ் (சேர்த்து) - அரை கப், வேகவைத்த பச்சைப் பட்டாணி, நறுக்கிய கொத்தமல்லி - சிறிதளவு, எண்ணெய், உப்பு - சிறிதளவு.

தாளிக்க: கடுகு, உளுத்தம்பருப்பு, கடலைப்பருப்பு - தலா அரை டீஸ்பூன், பச்சை மிளகாய் - 2 (பொடியாக நறுக்கவும்), எண்ணெய் - 2 டீஸ்பூன், எலுமிச்சைச் சாறு - ஒரு டீஸ்பூன், பெருங்காயத்தூள் - சிறிதளவு.

ஆவியில் வேகவைத்த உணவு வகைகள் - Page 2 19

செய்முறை: காய்கறிகளுடன் உப்பு சேர்த்து, எண்ணெயில் வதக்கவும். ரைஸ் காண்விகளை தட்டில் பரத்தவும். தாளிக்கக் கொடுத்துள்ளவற்றை தாளித்து சேர்த்து, வதக்கிய காய்கறிகள், வேகவைத்த பச்சைப் பட்டாணி சேர்த்து, எலுமிச்சம் பழச்சாறு விட்டுக் கலந்து, கொத்தமல்லி தூவி பரிமாறவும்.

**சிவா** · **சிவா** Mon Aug 11, 2014 3:14 am

தயிர் காண்வி

தேவையானவை: 117-ம் பக்கத்தில் கொடுக்கப்பட்டுள்ளபடி தயாரித்த ரைஸ் காண்வி - 2 கப், கெட்டித் தயிர் - அரை கப், துருவிய கேரட் - ஒரு டீஸ்பூன், நறுக்கிய வெள்ளரிக்காய், நறுக்கிய கொத்தமல்லி, உப்பு, சர்க்கரை - சிறிதளவு.

தாளிக்க: கடுகு, பெருங்காயத்தூள் - சிறிதளவு, மோர் மிளகாய் - 2, சமையல் எண்ணெய் - ஒரு டீஸ்பூன்.

ஆவியில் வேகவைத்த உணவு வகைகள் - Page 2 20

செய்முறை: செய்முறை: ரைஸ் காண்விகளின் மேல் தயிரை ஊற்றவும். உப்பு, சர்க்கரையைத் தூவவும். எண்ணெயில் மோர் மிளகாயை வறுத்து... கடுகு, பெருங்காயத்தூள் சேர்த்து தாளித்து, ரைஸ் காண்விகளுடன் சேர்க்கவும். துருவிய கேரட், நறுக்கிய வெள்ளரி, கொத்தமல்லி சேர்த்துப் பரிமாறவும்.

Sponsored content · Sponsored content

ஆவியில் வேகவைத்த உணவு வகைகள்

ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

Re: ஆவியில் வேகவைத்த உணவு வகைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக