மனைவிக்கு வரும் நோய்

இவ்வுலகத்தில் பல்வேறு செல்வத்தை நாம் அடைந்தாலும் நோயற்ற வாழ்வுதான் அமைதியை உண்டாக்கும். நோயற்ற வாழ்வு நமக்கு உண்டாவது மட்டுமில்லாமல் நம் வாழ்க்கை துணைக்கும் ஏற்பட்டால்தான் குடும்ப வாழ்வு அமைதியாக இருக்கும். ஜோதிட ரீதியாக குடும்பத்தில் அமைதி இருக்குமா? குடும்பத்தில் உள்ளவர்களுக்கு நோய் உண்டாகுமா? என்று பார்ப்போம்.

ஜென்ம லக்னத்திற்கு 2-ம் வீடு குடும்பஸ்தானமாகும். 2-ம் அதிபதி கேந்திர, திரிகோண ஸ்தானத்தில் அமைந்து இருந்தாலும் 2-ம் வீட்டில் சுபகிரகம் அமையப்பெற்றாலும் குடும்பத்தில் அமைதி உண்டாகும். 2-ம் வீட்டில் பாவிகள் அமையப் பெற்று ஆட்சி உச்சம் பெற்று இருந்தால் 2-ம் வீட்டு அதிபதி என்றாலும் அதன் திசை புத்தி நடைபெறும் காலத்தில் மனைவிக்கு உடல் உபாதைகள் ஏற்படும் நிலை அதன்மூலம் வீண் விரயம், செலவு ஏற்படும் அமைப்பு அல்லது குடும்பத்தை விட்டுப் பிரிந்து வெகுதூரம் சென்று வாழும் அமைப்பு உண்டாகும்.

அதுபோல களத்திரஸ்தானமான 7-ம் வீட்டில் அசுப கிரகம் அமையப் பெற்று அதன் திசை புத்தி நடைபெற்றாலும், 7-ல் அசுப கிரகமான சனி, செவ்வாய், பார்வை ஏற்பட்டு அதன் திசை புத்தி வரும் காலத்திலும் மனைவிக்கு அல்லது கணவனுக்கு நோய் உண்டாகும். களத்திரஸ்தானமான 7-ம் வீட்டிற்கு இருபுறமும் பாவிகள் அமையப் பெறுவதும் நல்லது அல்ல. ஜென்ம லக்னத்திற்கு 7-க்கு 2-ம் வீடான 8-ம் வீட்டிலும், 7-க்கு 12-ம் வீடான 6-ம் வீட்டிலும் பாவிகள் அமைந்து 7-ம் பாவத்தை சூழ்ந்திருந்தால் மனைவிக்கு ஆரோக்கியக் குறைவு சூழ்ந்து இருக்கும். பாவ கிரகத்தின் திசை புத்தி காலத்தில் மனை விக்கு (கணவனுக்கு) ஆரோக்கிய பாதிப்பு உண்டாகிறது. அதுபோல 7-ம் வீட்டிற்கு 8-ம் பாவமான ஜென்ம லக் னத்திற்கு 2-ம் வீட்டில் பாவிகள் அமைந்து அதன் திசை புத்தி நடை பெற்றாலும் பாதிக்கும்.

ஜென்ம லக்னத்தில் புதன், கேது இணைந்து 7-ம் வீட்டை பார்வை செய் தால் மனைவிக்கு ஆரோக்கிய பாதிப்பு உண்டாகிறது. ஜென்ம லக்னத்திற்கு 7-ம் அதிபதி 8-ல் அமையப் பெற்றால் மனைவிக்கு நோய் உண்டாவதுடன் முன் கோபம் கொண்டவராக இருப்பார். ஜென்ம லக்னத்தில் சனி, செவ்வாய் அமையப் பெற்றால் மனைவிக்கு மூக்கில் பாதிப்பு உண்டாகிறது. களத்திர காரகன் சுக்கிரன் நீசம் பெற்று கன்னியில் அமையப் பெற்று அவ்விடம் 6, 8, 12-ம் வீடாக இருந்து சனி, செவ்வாய், சுக்கிரன் பார்த்தால் தொழுநோய் பாதிப்பு ஏற்படவும் வாய்ப்பு உள்ளது.

ஜென்ம லக்னத்திற்கு 5, 9-ல் சுக்கிரன் அமையப் பெற்று சனி (அ) செவ்வாய், சுக்கிரனைப் பார்த்தால் ஜாதகரின் மனைவி தொண்டை நோய் மற்றும் வீக்கத்துடன் பக்கவாத நோய் ஏற்படவும் வாய்ப்புள்ளது.

ஜென்ம லக்னத்திற்கு 7-ல் சனி, செவ்வாய், ராகு அல்லது கேது இணைந்து இருந்தால் மனைவிக்கு ஆரோக்கிய பாதிப்பும், பேய், பிசாசினால் தொல்லையும் ஏற்படும். 7-ல் சனி, செவ்வாய், ராகு இணைந்து இருந்தால் மனைவியின் இறப்பு மிகவும் கோரமானதாக அதாவது கொலை, தற்கொலை, விபத்து, தண்ணீரால் மரணம், ஆவிகள் மூலம் பயந்து மரணம் போன்ற அனுகூலமற்ற பலன் உண்டாகிறது.

பொதுவாக ஜென்ம லக்னத்திற்கு 7-ம் வீட்டில் ராகு அமையப் பெற்றால் திருமணத்திற்குப் பிறகு வாழ்க்கை துணையுடன் உறவு கொள்வதில் ஈடுபாடு இல்லாதநிலை, வாழ்க்கைத் துணையின் உடல் உறுப்பு பாதிப்பு அடையும் சூழ்நிலை 7-ல் ராகு, சனி, செவ்வாய் போன்ற பாவிகள் அமையப் பெற்றால் சுபர் பார்வை இல் லாமல் இருந்தால் இல்வாழ்வில் பாதிப்பு உண்டாகிறது. 7-ல் ராகு, கேது அமையப் பெற்றால் மனைவியின் கர்ப்பப்பை அறுவை சிகிச்சை மூலம் அகற்ற நேரிடும்.

ஜென்ம லக்னத்திற்கு களத் திரஸ்தானமான 7-ம் வீட்டில் பாவிகள் அமையப் பெற்றாலும் 7-க்கு 8-ம் வீடான 2-ம் வீட்டில் பாவிகள் அமையப் பெற்றாலும் பாதிப்பு உண்டாகிறது. சனி, செவ்வாய் பார்வை ஏற்பட்டாலும் பாதிப்பு உண்டாகும். பொன்னவன் என போற்றப்படும் குருபகவானை வணங்கி னால் நோயற்ற வாழ்வு உண்டாகும்.