படிகள்

**ayyasamy ram** · **ayyasamy ram** Tue Aug 05, 2014 10:30 am

-
-
கையை காலை ஆட்டி
ஆக்ரோஷமாக பேசுவான் என் நண்பன்
ஏற்றத்தாழ்வுகளைப் பற்றி
-
சமுதாயத்தின் விளிம்பு நிலை மனிதர்களை
நெட்டித் தள்ளும் மனிதத்தன்மையற்றவர்களில்
நானும் ஒருவனோ என சந்தேகித்து
நான் பல முறை வெட்கியிருக்கிறேன்
அவன் பேசுகையில்
-
நான்
'சர்வென்ட்' என்பதற்கு பதில் 'ஹெல்பர்' என்பதும்
என் வீட்டு கழிப்பறையை கழுவுவதும்
மனைவி பிரசவத்தின்போது டாக்டரிடம் கெஞ்சி
கூடவே இருக்க அனுமதி பெற்று
தாங்கொணா துன்பம் தாங்கி
ரத்தம் தோய்ந்த குட்டி அற்புதத்தை தரிசித்த்தும்
என் நண்பனின் பிரசங்கங்களின் தாக்கத்தால்தான்
-
அன்று அவன் வீட்டிற்குப் போய் பார்த்தேன்
அவன் எச்சில் தட்டை எடுத்துச் செல்லும்
அவனது மனைவியையும்
அவனுடைய ஃபிளாட்டிலிருந்து சில படிகள்
கீழே கிடந்த
அவனுடைய வீட்டு வேலைக்காரியின்
தேய்ந்த செருப்புகளையும்
-
---------------------------------
>வத்ஸலா

**M.M.SENTHIL** · **M.M.SENTHIL** Tue Aug 05, 2014 4:04 pm

ஊருக்கு மட்டுமே உபதேசம்.

படிகள்

படிகள்

Re: படிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக