மாறுதற்றதில் - கவிதை

**ayyasamy ram** · **ayyasamy ram** Tue Aug 05, 2014 6:53 am

-
-
நூறுவிரல் கொண்டு
தென்னங்கீற்று
தென்றலை விசிறி விடும்
-
தென்றலும்
சுகமான இசையமைத்துச் செல்லும்
-
இடைவிடாத இரைச்சலோடு
இருப்பிடம் வந்து சேர்ந்து
பகல் பொழுதின்
கதை பேசும் பறவைகள்
-
வெளிச்சத்தை விலக்கிவிட்டு
இரவுப் போர்வைக்குள்
தன்னை இழுத்துக்கொள்ளும்
கதிரவன்
-
என் வரவு காண
தன் முகம் காட்ட
வெளிச்சமிட்டு
வெளியே வரும் நிலவு
-
என எல்லாரும்
இயல்பாக இயங்கும்
வேளையில் - நான் மட்டும்
தனிமைப்படுத்துப்படுவதாய்...
-
இயற்கையோடு இணைவது
என்பது சாத்தியமில்லை
எனது இதயம்
விஞ்ஞான இயற்கையை
இழக்க மறக்கும் வரை
-
----------------------------
>இரத்தின மூர்த்தி
அர்த்தங்கள் ஆயிரம் - கவிதைகள்