நாளை (3-8-14) குழாய் பூஜை செய்யுங்கள் :) - போட்டோ போட்டுவிட்டேன் :)

நாளை 3ம் தேதி 'ஆடிப்பெருக்கு' எங்கள் வீடுகளில் கலந்த சாதம் செய்வோம். அந்த காலத்தில் காவிரி ஆத்தங்கரைக்கு போய் சாப்பிட ஏதுவாக செய்திருப்பார்கள் என்று நினைக்கிறேன். இன்று அவ்வாறு போக முடியாவிட்டாலும், கலந்த சாதம் செய்து, வற்றல் பொறிப்பது இன்னும் எங்கள் பழக்கத்தில் இருக்கு

நம்முடைய வாழ்வாதாரம் தண்ணி தான். நாகரீகம் வளர்ந்தது கூட நதி ஓரங்களில் தான் இல்லையா?  அதனால் அவங்க எல்லோரும் புது வெள்ளம் வரும்போது, தங்களின் அந்த வருடம் முழுவதும் தண்ணீர் கஷ்டம் இல்லாமல் இருக்கணும் என்று வேண்டிக்கொள்வார்கள். நதிக்கு பூஜை செய்வார்கள். அந்த காலத்தில் நதி, மலை, சூரியன் போன்ற ப்ரத்யக்ஷ தெய்வ வழிபாடுகள் நிறைய இருந்தது. இப்போ கொஞ்சம் குறைந்துள்ளது. நாம் நிறைய பேர் கிராமங்களில் இருந்து நகரங்களுக்கு குடி பெயர்ந்து விட்டோம்  என்றாலும், கொஞ்சமாவது இந்த வழிபாடுகளை பின்பற்றலாமே? .............ஏதோ நம்மால் முடிந்த வரை

இப்போ எப்படி flat  லேயே குக்கரில் பொங்கல் வைக்கிறோம்? அது போல த்தான் இதுவும் என்ன சொல்ல வரேன் என்று உங்களுக்கு புரிந்திருக்கும். நமக்கோ தண்ணீர் கஷ்டம், எனவே , நாம் அனைவரும் நதிக்கு பூஜை போடலை என்றாலும் அட்லீஸ்ட் நம்மாத்து கிணறு................போர் வெல்..............அதுவும் இல்லை என்றால் 'தளிகை பண்ணும் உள்' இல் இருக்கும் குழாய்???????????/அதாவது, Kitchen இல் இருக்கும் குழாய்க்காவது   பூஜை போடலாமே?

பொங்கலின் போது சூரியனுக்கு மற்றும்  மாடு கன்றுகளுக்கு நன்றி சொல்வது போலத்தான் இதுவும் என்று நான் நம்புகிறேன். முதலில் நான் 'இவரிடம்' வேலை பார்த்த ஒருவரின் மனைவி இவ்வாறு குழாய் பூஜை செய்வதை பார்த்தேன்.................கொஞ்சம் புதுசாக இருந்தது................கேட்டேன் , " என்ன இது"? என்று. அப்போதான் அவள் சொன்னாள்" கிருஷ்ணா அம்மா, பிழைப்புக்காக இங்க வந்துட்டோம், இங்க கிணறு இல்லை, எங்க வீடுகளில் நதிக்கு பூஜை செய்வது வழக்கம், அது தான் இப்படி " என்றாள்.

எனக்கு அப்போ தான் 'பிளாஷ்' ஆச்சு, நம்மாத்திலேயும் நம்ம பாட்டிகள் கண்டிப்பாக நதிக்கு ..'காவிரி' பூஜை செய்திருப்பா, அதனால் தானே நாம் இன்றும் கலந்த சாதம் செய்கிறோம் என்று தோன்றியது. உண்மை இல் எங்க பாட்டி , எங்க அப்பாவை பெற்றபாட்டி , தினமும் காவிரி இல் குளித்து விட்டு, துணி துவைத்து , குடிக்கவும் தண்ணீர் ஒரு குடம் கொண்டு வருவாளாம் தினமும். அப்பாவும் சில நாட்களில் கூட போவாராம். சொல்லி இருக்கார்.

அன்று முதல் நானும் 'குழாய் பூஜை' செய்ய ஆரம்பித்து விட்டேன்.  ரொம்ப 'சிம்பிள்' பூஜை தான். நீங்களும் செய்யலாம், குழாய்யை நன்கு அலம்பி, சந்தன குங்குமம் வைத்து, பூச்சரம் வையுங்கள். தேங்காய் உடைத்து, வெற்றிலை  பாக்கு பழம் நைவேத்தியம் செய்யுங்கள். கற்பூர  ஹாரத்தி காட்டுங்கோ நன்னா  வேண்டிக்கோங்கோ,

"நல்லா மழை பெய்யணும், நாடு சுபிக்ஷமாய் இருக்கணும், பயிர் பச்சை செழிக்கும் அளவு மழை இருக்கணும், தண்ணீர் பிரச்சனை வராம இருக்கணும்" என்று

முடிந்தால் 'வருண காயத்ரி' 108 முறை ஜபிக்கலாம் இதோ அது :

ஓம் ஜலபிம்பாய வித்மஹி
நீல் புருஷாய தீமஹி
தன்னோ வருணப் ப்ரசோதயாத் ||


அவ்வளவுதான். இதையே உங்களால் முடிந்தால் நதிக்கரைக்கு போய் செய்யலாம். அல்லது கிணறு இருந்தால் அதனருகில் செய்யலாம், இல்லாவிட்டால்  போர்வெல் அருகில் செய்யலாம். எதுவுமே இல்லை என்றால் 'நம்மாத்து குழாய் தான் பெஸ்ட்'

என்ன நாளை எல்லோரும் இதை செய்கிறீர்களா ? இருக்கும் தண்ணீர் பஞ்சம் கொஞ்சமாவது குறையட்டும்

அன்புடன்,
க்ருஷ்ணாம்மா

குறிப்பு : பூஜை முடிந்ததும் போட்டோ போடுகிறேன்

ayyasamy ram wrote:
-
தண்ணீர் பஞ்சம் குறைய க்ருஷ்ணாம்மா
சொன்னதை செய்வோம்...!
-

மேற்கோள் செய்த பதிவு: 1077052

நன்றி ராம் அண்ணா    

புதிய சிந்தனை    

செஞ்சிட்டா போகுது. நீங்க சொன்னபடி நம்ம வீட்ல கிணறு, குழாய் இரனடுக்கும் நாளை பூசைதான்.

ராஜா wrote:புதிய சிந்தனை    

நன்றி ராஜா இது நான் ஆனந்தி என்கிற அந்த பெண்ணிடமிருந்து கற்றுக்கொண்டது

Aathira wrote:செஞ்சிட்டா போகுது. நீங்க சொன்னபடி நம்ம வீட்ல கிணறு, குழாய் இரனடுக்கும் நாளை பூசைதான்.

மேற்கோள் செய்த பதிவு: 1077143

ஆதிரா, நாளைக்கு இல்ல இன்று
.
.
நன்றி   

krishnaamma wrote:

Aathira wrote:செஞ்சிட்டா போகுது. நீங்க சொன்னபடி நம்ம வீட்ல கிணறு, குழாய் இரனடுக்கும் நாளை பூசைதான்.

மேற்கோள் செய்த பதிவு: 1077143

ஆதிரா, நாளைக்கு இல்ல இன்று
.
.
நன்றி   

மேற்கோள் செய்த பதிவு: 1077147

இன்று பீச்சில் பூஜை